3. кхема̄тхерӣга̄тха̄

139. ‘‘дахара̄ твам̣ рӯпаватӣ, ахампи дахаро йува̄;

пан̃чан̇гикена турийена [тӯрена (ка.)], ехи кхеме рама̄масе’’.

140. ‘‘имина̄ пӯтика̄йена, а̄турена пабхан̇гуна̄;

ат̣т̣ийа̄ми хара̄йа̄ми, ка̄матан̣ха̄ самӯхата̄.

141. ‘‘саттисӯлӯпама̄ ка̄ма̄, кхандха̄сам̣ адхикут̣т̣ана̄;

йам̣ ‘твам̣ ка̄маратим̣’ брӯси, ‘аратӣ’ да̄ни са̄ мама.

142. ‘‘саббаттха вихата̄ нандӣ, тамокхандхо пада̄лито;

евам̣ джа̄на̄хи па̄пима, нихато твамаси антака.

143. ‘‘наккхатта̄ни намассанта̄, аггим̣ паричарам̣ ване;

йатха̄бхуччамаджа̄нанта̄, ба̄ла̄ суддхимаман̃н̃атха.

144. ‘‘ахан̃ча кхо намассантӣ, самбуддхам̣ пурисуттамам̣;

памутта̄ [паримутта̄ (сӣ. сйа̄.)] саббадуккхехи, саттхуса̄санака̄рика̄’’ти.

… кхема̄ тхерӣ….