7. сакула̄тхерӣга̄тха̄

97. ‘‘ага̄расмим̣ васантӣхам̣, дхаммам̣ сутва̄на бхиккхуно;

аддасам̣ вираджам̣ дхаммам̣, нибба̄нам̣ падамаччутам̣.

98. ‘‘са̄хам̣ путтам̣ дхӣтаран̃ча, дханадхан̃н̃ан̃ча чхад̣д̣ийа;

кесе чхеда̄пайитва̄на, паббаджим̣ анага̄рийам̣.

99. ‘‘сиккхама̄на̄ ахам̣ сантӣ, бха̄вентӣ маггаман̃джасам̣;

паха̄сим̣ ра̄гадосан̃ча, тадекат̣т̣хе ча а̄саве.

100. ‘‘бхиккхунӣ упасампаджджа, пуббаджа̄тимануссарим̣;

диббачаккху висодхитам̣ [висодхитам̣ диббачаккху (сӣ.)], вималам̣ са̄дхубха̄витам̣.

101. ‘‘сан̇кха̄ре парато дисва̄, хетуджа̄те палоките [палокине (ка.)];

паха̄сим̣ а̄саве саббе, сӣтибхӯта̄мхи ниббута̄’’ти.

… сакула̄ тхерӣ….