5. нандуттара̄тхерӣга̄тха̄

87. ‘‘аггим̣ чандан̃ча сӯрийан̃ча, девата̄ ча намассихам̣;

надӣтиттха̄ни гантва̄на, удакам̣ оруха̄михам̣.

88. ‘‘бахӯватасама̄да̄на̄, ад̣д̣хам̣ сӣсасса оликхим̣;

чхама̄йа сеййам̣ каппеми, раттим̣ бхаттам̣ на бхун̃джахам̣.

89. ‘‘вибхӯса̄ман̣д̣анарата̄, нха̄пануччха̄данехи ча;

упака̄сим̣ имам̣ ка̄йам̣, ка̄мара̄гена ат̣т̣ита̄.

90. ‘‘тато саддхам̣ лабхитва̄на, паббаджим̣ анага̄рийам̣;

дисва̄ ка̄йам̣ йатха̄бхӯтам̣, ка̄мара̄го самӯхато.

91. ‘‘саббе бхава̄ самуччхинна̄, иччха̄ ча паттхана̄пи ча;

саббайогависам̣йутта̄, сантим̣ па̄пун̣и четасо’’ти.

… нандуттара̄ тхерӣ….