12. чанда̄тхерӣга̄тха̄

122. ‘‘дуггата̄хам̣ пуре а̄сим̣, видхава̄ ча апуттика̄;

вина̄ миттехи н̃а̄тӣхи, бхаттачол̣асса на̄дхигам̣.

123. ‘‘паттам̣ дан̣д̣ан̃ча ган̣хитва̄, бхиккхама̄на̄ кула̄ кулам̣;

сӣтун̣хена ча д̣айхантӣ, сатта васса̄ни ча̄рихам̣.

124. ‘‘бхиккхуним̣ пуна дисва̄на, аннапа̄насса ла̄бхиним̣;

упасан̇камма авочам̣ [авочим̣ (ка.)], ‘паббаджджам̣ анага̄рийам̣’.

125. ‘‘са̄ ча мам̣ анукампа̄йа, пабба̄джеси пат̣а̄ча̄ра̄;

тато мам̣ овадитва̄на, параматтхе нийоджайи.

126. ‘‘тасса̄хам̣ вачанам̣ сутва̄, ака̄сим̣ ануса̄саним̣;

амогхо аййа̄йова̄до, тевиджджа̄мхи ана̄сава̄’’ти.

… чанда̄ тхерӣ….

пан̃чаканипа̄то нит̣т̣хито.