7.ка̄тийа̄наттхерага̄тха̄

411. ‘‘ут̣т̣хехи нисӣда ка̄тийа̄на, ма̄ нидда̄бахуло аху джа̄гарассу;

ма̄ там̣ аласам̣ паматтабандху, кӯт̣енева джина̄ту маччура̄джа̄.

412. ‘‘сеййатха̄пи [сайатха̄пи (сӣ. пӣ.)] маха̄самуддавего, евам̣ джа̄тиджара̄тиваттате там̣;

со карохи судӣпаматтано твам̣, на хи та̄н̣ам̣ тава виджджатева ан̃н̃ам̣.

413. ‘‘саттха̄ хи виджеси маггаметам̣, сан̇га̄ джа̄тиджара̄бхайа̄ атӣтам̣;

пубба̄парараттамаппаматто, ануйун̃джассу дал̣хам̣ карохи йогам̣.

414. ‘‘пурима̄ни памун̃ча бандхана̄ни, сан̇гха̄т̣икхурамун̣д̣абхиккхабходжӣ;

ма̄ кхид̣д̣а̄ратин̃ча ма̄ ниддам̣, ануйун̃джиттха джха̄йа ка̄тийа̄на.

415. ‘‘джха̄йа̄хи джина̄хи ка̄тийа̄на, йогаккхемапатхесу ковидоси;

паппуййа ануттарам̣ висуддхим̣, паринибба̄хиси ва̄рина̄ва джоти.

416. ‘‘паджджотакаро париттарам̣со, ва̄тена винамйате лата̄ва;

евампи тувам̣ ана̄дийа̄но, ма̄рам̣ индасаготта ниддхуна̄хи;

со ведайита̄су вӣтара̄го, ка̄лам̣ кан̇кха идхева сӣтибхӯто’’ти.

… ка̄тийа̄но тхеро….