8. мигаджа̄латтхерага̄тха̄

417. ‘‘судесито чаккхумата̄, буддхена̄диччабандхуна̄;

саббасам̣йоджана̄тӣто, саббават̣т̣авина̄сано.

418. ‘‘ниййа̄нико уттаран̣о, тан̣ха̄мӯлависосано;

висамӯлам̣ а̄гха̄танам̣, чхетва̄ па̄пети ниббутим̣.

419. ‘‘ан̃н̃а̄н̣амӯлабхеда̄йа, каммайантавигха̄т̣ано;

вин̃н̃а̄н̣а̄нам̣ париггахе, н̃а̄н̣аваджиранипа̄тано.

420. ‘‘ведана̄нам̣ вин̃н̃а̄пано, упа̄да̄наппамочано;

бхавам̣ ан̇га̄рака̄сум̣ва, н̃а̄н̣ена анупассано [анупассако (сӣ. пӣ.)].

421. ‘‘маха̄расо сугамбхӣро, джара̄маччунива̄ран̣о;

арийо ат̣т̣хан̇гико магго, дуккхӯпасамано сиво.

422. ‘‘каммам̣ камманти н̃атва̄на, випа̄кан̃ча випа̄като;

пат̣иччуппаннадхамма̄нам̣, йатха̄ва̄локадассано;

маха̄кхеман̇гамо санто, парийоса̄набхаддако’’ти.

… мигаджа̄ло тхеро….