8. ваккалиттхерага̄тха̄

350. ‘‘ва̄тарога̄бхинӣто твам̣, вихарам̣ ка̄нане ване;

павит̣т̣хагочаре лӯкхе, катхам̣ бхиккху кариссаси.

351. ‘‘пӣтисукхена випулена, пхарама̄но самуссайам̣;

лӯкхампи абхисамбхонто, вихарисса̄ми ка̄нане.

352. ‘‘бха̄венто сатипат̣т̣ха̄не, индрийа̄ни бала̄ни ча;

боджджхан̇га̄ни ча бха̄венто, вихарисса̄ми ка̄нане.

353. ‘‘а̄раддхавӣрийе пахитатте, ниччам̣ дал̣хапараккаме [а̄раддхавӣрийо пахитатто, ниччам̣ дал̣хапараккамо (сӣ.)];

самагге сахите дисва̄, вихарисса̄ми ка̄нане.

354. ‘‘ануссаранто самбуддхам̣, аггам̣ дантам̣ сама̄хитам̣;

атандито раттиндивам̣, вихарисса̄ми ка̄нане’’ти.

… ваккалиттхеро….