9. виджитасенаттхерага̄тха̄

355. ‘‘олаггесса̄ми те читта, а̄н̣идва̄рева хаттхинам̣;

на там̣ па̄пе нийоджессам̣, ка̄маджа̄ла [ка̄маджа̄лам̣ (сйа̄.)] сарӣраджа [сарӣраджам̣ (сйа̄. ка.)].

356. ‘‘твам̣ олагго на гаччхаси [на ган̃чхиси (пӣ)], два̄равиварам̣ гаджова алабханто;

на ча читтакали пунаппунам̣, пасакка [пасахам̣ (сӣ. сйа̄. пӣ.)] па̄парато чариссаси.

357. ‘‘йатха̄ кун̃джарам̣ адантам̣, наваггахаман̇кусаггахо;

балава̄ а̄ваттети ака̄мам̣, евам̣ а̄ваттайиссам̣ там̣.

358. ‘‘йатха̄ варахайадамакусало, са̄ратхи паваро дамети а̄джан̃н̃ам̣;

евам̣ дамайиссам̣ там̣, патит̣т̣хито пан̃часу балесу.

359. ‘‘сатийа̄ там̣ нибандхиссам̣, пайутто те дамесса̄ми [пайататто водапесса̄ми (сӣ.)];

вӣрийадхураниггахито, на йито дӯрам̣ гамиссасе читта̄’’ти.

… виджитасено тхеро….