7. гайа̄кассапаттхерага̄тха̄

345. ‘‘па̄то маджджханхикам̣ са̄йам̣, тиккхаттум̣ дивасассахам̣;

отарим̣ удакам̣ сохам̣, гайа̄йа гайапхаггуйа̄.

346. ‘‘‘йам̣ майа̄ пакатам̣ па̄пам̣, пуббе ан̃н̃а̄су джа̄тису;

там̣ да̄нӣдха пава̄хеми’, евам̣дит̣т̣хи пуре ахум̣.

347. ‘‘сутва̄ субха̄ситам̣ ва̄чам̣, дхамматтхасахитам̣ падам̣;

татхам̣ йа̄тха̄вакам̣ аттхам̣, йонисо паччавеккхисам̣;

348. ‘‘нинха̄тасаббапа̄помхи, ниммало пайато сучи;

суддхо суддхасса да̄йа̄до, путто буддхасса орасо.

349. ‘‘огайхат̣т̣хан̇гикам̣ сотам̣, саббапа̄пам̣ пава̄хайим̣;

тиссо виджджа̄ аджджхагамим̣, катам̣ буддхасса са̄сана’’нти.

… гайа̄кассапо тхеро….