6. надӣкассапаттхерага̄тха̄

340. ‘‘аттха̄йа вата ме буддхо, надим̣ неран̃джарам̣ ага̄;

йасса̄хам̣ дхаммам̣ сутва̄на, миччха̄дит̣т̣хим̣ виваджджайим̣.

341. ‘‘йаджим̣ учча̄ваче йан̃н̃е, аггихуттам̣ джухим̣ ахам̣;

‘еса̄ суддхӣ’ти ман̃н̃анто, андхабхӯто [андхӣбхӯто (ка.)] путхуджджано.

342. ‘‘дит̣т̣хигаханапаккхандо [паккханто (сӣ.), паккханно (сйа̄. пӣ.)], пара̄ма̄сена мохито;

асуддхим̣ ман̃н̃исам̣ суддхим̣, андхабхӯто авиддасу.

343. ‘‘миччха̄дит̣т̣хи пахӣна̄ ме, бхава̄ саббе пада̄лита̄ [вида̄лита̄ (ка.)];

джуха̄ми даккхин̣еййаггим̣, намасса̄ми татха̄гатам̣.

344. ‘‘моха̄ саббе пахӣна̄ ме, бхаватан̣ха̄ пада̄лита̄;

виккхӣн̣о джа̄тисам̣са̄ро, наттхи да̄ни пунаббхаво’’ти.

… надӣкассапо тхеро….