1. ка̄масуттам̣

772. ка̄мам̣ ка̄майама̄насса, тасса че там̣ самиджджхати;

аддха̄ пӣтимано хоти, ладдха̄ маччо йадиччхати.

773. тасса че ка̄майа̄насса [ка̄майама̄насса (ка.)], чхандаджа̄тасса джантуно;

те ка̄ма̄ париха̄йанти, саллавиддхова руппати.

774. йо ка̄ме париваджджети, саппассева пада̄ сиро;

сомам̣ [со имам̣ (сӣ. пӣ.)] висаттикам̣ локе, сато самативаттати.

775. кхеттам̣ ваттхум̣ хиран̃н̃ам̣ ва̄, гавассам̣ [гава̄ссам̣ (сӣ. сйа̄. пӣ.)] да̄сапорисам̣;

тхийо бандхӯ путху ка̄ме, йо наро анугиджджхати.

776. абала̄ нам̣ балӣйанти, маддантенам̣ париссайа̄;

тато нам̣ дуккхаманвети, на̄вам̣ бхиннамиводакам̣.

777. тасма̄ джанту сада̄ сато, ка̄ма̄ни париваджджайе;

те паха̄йа таре огхам̣, на̄вам̣ ситва̄ва [син̃читва̄ (сӣ.)] па̄рагӯти.

ка̄масуттам̣ пат̣хамам̣ нит̣т̣хитам̣.