3. хирисуттам̣

256. хирим̣ тарантам̣ виджигуччхама̄нам̣, тава̄хамасми [сакха̄хамасми (сӣ. сйа̄. кам̣. пӣ.)] ити бха̄сама̄нам̣;

сайха̄ни камма̄ни ана̄дийантам̣, несо маманти ити нам̣ виджан̃н̃а̄.

257. ананвайам̣ [аттханвайам̣ (ка.)] пийам̣ ва̄чам̣, йо миттесу пакуббати;

акаронтам̣ бха̄сама̄нам̣, париджа̄нанти пан̣д̣ита̄.

258. на со митто йо сада̄ аппаматто, бхеда̄сан̇кӣ рандхамева̄нупассӣ;

йасмин̃ча сети урасӣва путто, са ве митто йо парехи абхеджджо.

259. па̄муджджакаран̣ам̣ т̣ха̄нам̣, пасам̣са̄ваханам̣ сукхам̣;

пхала̄нисам̣со бха̄вети, ваханто порисам̣ дхурам̣.

260. павивекарасам̣ питва̄, расам̣ упасамасса ча;

ниддаро хоти ниппа̄по, дхаммапӣтирасам̣ пиванти.

хирисуттам̣ татийам̣ нит̣т̣хитам̣.