3. пӯтимукхапетаваттху

7. ‘‘диббам̣ субхам̣ дха̄реси ван̣н̣адха̄тум̣, веха̄йасам̣ тит̣т̣хаси анталиккхе;

мукхан̃ча те кимайо пӯтигандхам̣, кха̄данти ким̣ каммамака̄си пуббе’’.

8. ‘‘саман̣о ахам̣ па̄потидут̣т̣хава̄чо [па̄по дут̣т̣хава̄чо (сӣ.), па̄по дуккхава̄чо (сйа̄. пӣ.)], тапассирӯпо мукхаса̄ асан̃н̃ато;

ладдха̄ ча ме тапаса̄ ван̣н̣адха̄ту, мукхан̃ча ме песун̣ийена пӯти.

9. ‘‘тайидам̣ тайа̄ на̄рада са̄мам̣ дит̣т̣хам̣,

анукампака̄ йе кусала̄ вадеййум̣;

‘ма̄ песун̣ам̣ ма̄ ча муса̄ абха̄н̣и,

йаккхо тувам̣ хохиси ка̄мака̄мӣ’’’ти.

пӯтимукхапетаваттху татийам̣.