2. пуггалависесаниддесо

8. две пуггала̄ пат̣исамбхидаппатта̄ – еко пуббайогасампанно, еко на пуббайогасампанно. йо пуббайогасампанно со тена атиреко хоти, адхико хоти, висесо хоти. тасса н̃а̄н̣ам̣ пабхиджджати.

две пуггала̄ пат̣исамбхидаппатта̄, двепи пуббайогасампанна̄ – еко бахуссуто, еко на бахуссуто. йо бахуссуто, со тена атиреко хоти, адхико хоти, висесо хоти. тасса н̃а̄н̣ам̣ пабхиджджати.

две пуггала̄ пат̣исамбхидаппатта̄, двепи пуббайогасампанна̄, двепи бахуссута̄ – еко десана̄бахуло, еко на десана̄бахуло. йо десана̄бахуло, со тена атиреко хоти, адхико хоти, висесо хоти. тасса н̃а̄н̣ам̣ пабхиджджати.

две пуггала̄ пат̣исамбхидаппатта̄, двепи пуббайогасампанна̄, двепи бахуссута̄, двепи десана̄бахула̄ – еко гарӯпаниссито, еко на гарӯпаниссито. йо гарӯпаниссито, со тена атиреко хоти, адхико хоти, висесо хоти. тасса н̃а̄н̣ам̣ пабхиджджати.

две пуггала̄ пат̣исамбхидаппатта̄, двепи пуббайогасампанна̄, двепи бахуссута̄, двепи десана̄бахула̄, двепи гарӯпаниссита̄ – еко виха̄рабахуло, еко на виха̄рабахуло. йо виха̄рабахуло, со тена атиреко хоти, адхико хоти, висесо хоти. тасса н̃а̄н̣ам̣ пабхиджджати.

две пуггала̄ пат̣исамбхидаппатта̄, двепи пуббайогасампанна̄, двепи бахуссута̄, двепи десана̄бахула̄, двепи гарӯпаниссита̄, двепи виха̄рабахула̄ – еко паччавеккхан̣а̄бахуло, еко на паччавеккхан̣а̄бахуло. йо паччавеккхан̣а̄бахуло, со тена атиреко хоти, адхико хоти, висесо хоти. тасса н̃а̄н̣ам̣ пабхиджджати.

две пуггала̄ пат̣исамбхидаппатта̄, двепи пуббайогасампанна̄, двепи бахуссута̄, двепи десана̄бахула̄, двепи гарӯпаниссита̄, двепи виха̄рабахула̄, двепи паччавеккхан̣а̄бахула̄ – еко секхапат̣исамбхидаппатто, еко асекхапат̣исамбхидаппатто. йо асекхапат̣исамбхидаппатто, со тена атиреко хоти, адхико хоти, висесо хоти. тасса н̃а̄н̣ам̣ пабхиджджати.

две пуггала̄ пат̣исамбхидаппатта̄, двепи пуббайогасампанна̄, двепи бахуссута̄, двепи десана̄бахула̄, двепи гарӯпаниссита̄, двепи виха̄рабахула̄, двепи паччавеккхан̣а̄бахула̄, двепи асекхапат̣исамбхидаппатта̄ – еко са̄вакапа̄рамиппатто, еко на са̄вакапа̄рамиппатто. йо са̄вакапа̄рамиппатто, со тена атиреко хоти, адхико хоти, висесо хоти. тасса н̃а̄н̣ам̣ пабхиджджати.

две пуггала̄ пат̣исамбхидаппатта̄, двепи пуббайогасампанна̄, двепи бахуссута̄, двепи десана̄бахула̄, двепи гарӯпаниссита̄, двепи виха̄рабахула̄, двепи паччавеккхан̣а̄бахула̄, двепи асекхапат̣исамбхидаппатта̄ – еко са̄вакапа̄рамиппатто, еко паччекасамбуддхо. йо паччекасамбуддхо, со тена атиреко хоти, адхико хоти, висесо хоти. тасса н̃а̄н̣ам̣ пабхиджджати.

паччекабуддхан̃ча садевакан̃ча локам̣ упа̄да̄йа татха̄гато арахам̣ самма̄самбуддхо агго пат̣исамбхидаппатто пан̃н̃а̄пабхедакусало пабхиннан̃а̄н̣о адхигатапат̣исамбхидо чатувеса̄раджджаппатто дасабаладха̄рӣ пуриса̄сабхо пурисасӣхо…пе… йепи те кхаттийапан̣д̣ита̄ бра̄хман̣апан̣д̣ита̄ гахапатипан̣д̣ита̄ саман̣апан̣д̣ита̄ нипун̣а̄ катапараппава̄да̄ ва̄лаведхирӯпа̄ вобхинданта̄ ман̃н̃е чаранти пан̃н̃а̄гатена дит̣т̣хигата̄ни, те пан̃хам̣ абхисан̇кхаритва̄ абхисан̇кхаритва̄ татха̄гатам̣ упасан̇камитва̄ пуччханти гӯл̣ха̄ни ча пат̣иччханна̄ни ча. катхита̄ висаджджита̄ ча те пан̃ха̄ бхагавата̄ хонти ниддит̣т̣хака̄ран̣а̄, упаккхиттака̄ ча те бхагавато сампаджджанти. атха кхо бхагава̄ таттха атирочати, йадидам̣ пан̃н̃а̄йа̄ти агго пат̣исамбхидаппаттоти.

маха̄пан̃н̃а̄катха̄ нит̣т̣хита̄.