8. локуттаракатха̄

43. катаме дхамма̄ локуттара̄? чатта̄ро сатипат̣т̣ха̄на̄, чатта̄ро саммаппадха̄на̄, чатта̄ро иддхипа̄да̄, пан̃чиндрийа̄ни, пан̃ча бала̄ни, сатта боджджхан̇га̄, арийо ат̣т̣хан̇гико магго, чатта̄ро арийамагга̄, чатта̄ри ча са̄ман̃н̃апхала̄ни, нибба̄нан̃ча – име дхамма̄ локуттара̄.

локуттара̄ти кенат̣т̣хена локуттара̄? локам̣ тарантӣти – локуттара̄. лока̄ уттарантӣти – локуттара̄. локато уттарантӣти – локуттара̄. локамха̄ уттарантӣти – локуттара̄. локам̣ атиккамантӣти – локуттара̄. локам̣ саматиккамантӣти – локуттара̄. локам̣ саматикканта̄ти – локуттара̄. локена атирека̄ти – локуттара̄. локантам̣ тарантӣти – локуттара̄. лока̄ ниссарантӣти – локуттара̄. локато ниссарантӣти – локуттара̄. локамха̄ ниссарантӣти – локуттара̄. лока̄ ниссат̣а̄ти – локуттара̄. локена ниссат̣а̄ти – локуттара̄. локамха̄ ниссат̣а̄ти – локуттара̄. локе на тит̣т̣хантӣти – локуттара̄. локасмим̣ на тит̣т̣хантӣти – локуттара̄. локе на лимпантӣти – локуттара̄. локена на лимпантӣти – локуттара̄. локе асам̣литта̄ти – локуттара̄. локена асам̣литта̄ти – локуттара̄. локе анупалитта̄ти – локуттара̄. локена анупалитта̄ти – локуттара̄. локе виппамутта̄ти – локуттара̄. локена виппамутта̄ти – локуттара̄. лока̄ виппамутта̄ти – локуттара̄. локато виппамутта̄ти – локуттара̄. локамха̄ виппамутта̄ти – локуттара̄. локе висан̃н̃утта̄ти – локуттара̄. локена висан̃н̃утта̄ти – локуттара̄. лока̄ висан̃н̃утта̄ти – локуттара̄. локасмим̣ висан̃н̃утта̄ти – локуттара̄. локато висан̃н̃утта̄ти – локуттара̄. локамха̄ висан̃н̃утта̄ти – локуттара̄. лока̄ суджджхантӣти – локуттара̄. локато суджджхантӣти – локуттара̄. локамха̄ суджджхантӣти – локуттара̄. лока̄ висуджджхантӣти – локуттара̄. локато висуджджхантӣти – локуттара̄. локамха̄ висуджджхантӣти – локуттара̄. лока̄ вут̣т̣хахантӣти [уддхарантӣти (ка.), ут̣т̣хахантӣти (сӣ. ат̣т̣ха.)] – локуттара̄. локато вут̣т̣хахантӣти – локуттара̄. локамха̄ вут̣т̣хахантӣти – локуттара̄. лока̄ виват̣т̣антӣти – локуттара̄. локато виват̣т̣антӣти – локуттара̄. локамха̄ виват̣т̣антӣти – локуттара̄. локе на саджджантӣти – локуттара̄. локе на гайхантӣти – локуттара̄. локе на баджджхантӣти – локуттара̄. локам̣ самуччхиндантӣти – локуттара̄. локам̣ самуччхиннатта̄ти – локуттара̄. локам̣ пат̣иппассамбхентӣти – локуттара̄. локам̣ пат̣иппассамбхитатта̄ти – локуттара̄. локасса апатха̄ти – локуттара̄. локасса агатӣти – локуттара̄. локасса ависайа̄ти – локуттара̄. локасса аса̄дха̄ран̣а̄ти – локуттара̄. локам̣ вамантӣти – локуттара̄. локам̣ на пачча̄вамантӣти – локуттара̄. локам̣ паджахантӣти – локуттара̄. локам̣ на упа̄дийантӣти – локуттара̄. локам̣ висинентӣти – локуттара̄. локам̣ на уссинентӣти – локуттара̄. локам̣ видхӯпентӣти – локуттара̄. локам̣ на сам̣дхӯпентӣти – локуттара̄. локам̣ саматиккамма абхибхуййа тит̣т̣хантӣти – локуттара̄.

локуттаракатха̄ нит̣т̣хита̄.