8. пат̣исамбхида̄ва̄ро

37. ‘‘‘йа̄вата̄ аттхапат̣исамбхида̄йа аттхапат̣исамбхидат̣т̣хо, н̃а̄то дит̣т̣хо видито саччхикато пхассито пан̃н̃а̄йа. апхассито пан̃н̃а̄йа аттхапат̣исамбхидат̣т̣хо наттхӣ’ти – чаккхум̣ удапа̄ди…пе… а̄локо удапа̄ди’’. аттхапат̣исамбхида̄йа аттхапат̣исамбхидат̣т̣хе пан̃чавӣсати дхамма̄, пан̃чавӣсати аттха̄, пан̃н̃а̄са нируттийо, сатам̣ н̃а̄н̣а̄ни.

‘‘‘йа̄вата̄ дхаммапат̣исамбхида̄йа дхаммапат̣исамбхидат̣т̣хо…пе… йа̄вата̄ нируттипат̣исамбхида̄йа нируттипат̣исамбхидат̣т̣хо…пе… йа̄вата̄ пат̣ибха̄напат̣исамбхида̄йа пат̣ибха̄напат̣исамбхидат̣т̣хо, н̃а̄то дит̣т̣хо видито саччхикато пхассито пан̃н̃а̄йа. апхассито пан̃н̃а̄йа пат̣ибха̄напат̣исамбхидат̣т̣хо наттхӣ’ти – чаккхум̣ удапа̄ди …пе… а̄локо удапа̄ди’’. пат̣ибха̄напат̣исамбхидат̣т̣хе пан̃чавӣсати дхамма̄, пан̃чавӣсати аттха̄, пан̃н̃а̄са нируттийо, сатам̣ н̃а̄н̣а̄ни.

чатӯсу пат̣исамбхида̄су сатам̣ дхамма̄, сатам̣ аттха̄, две нируттисата̄ни, чатта̄ри н̃а̄н̣асата̄ни.