2. дит̣т̣хикатха̄

122. ка̄ дит̣т̣хи, кати дит̣т̣хит̣т̣ха̄на̄ни, кати дит̣т̣хипарийут̣т̣ха̄на̄ни, кати дит̣т̣хийо, кати дит̣т̣ха̄бхинивеса̄, катамо дит̣т̣хит̣т̣ха̄насамуггха̄тоти?

[1] ка̄ дит̣т̣хӣти абхинивесапара̄ма̄со дит̣т̣хи. [2] кати дит̣т̣хит̣т̣ха̄на̄нӣти ат̣т̣ха дит̣т̣хит̣т̣ха̄на̄ни. [3] кати дит̣т̣хипарийут̣т̣ха̄на̄нӣти ат̣т̣ха̄раса дит̣т̣хипарийут̣т̣ха̄на̄ни. [4] кати дит̣т̣хийоти сол̣аса дит̣т̣хийо. [5] кати дит̣т̣ха̄бхинивеса̄ти тӣн̣и сатам̣ дит̣т̣ха̄бхинивеса̄. [6] катамо дит̣т̣хит̣т̣ха̄насамуггха̄тоти сота̄паттимагго дит̣т̣хит̣т̣ха̄насамуггха̄то.

123. катхам̣ абхинивесапара̄ма̄со дит̣т̣хи? [кати абхинивесапара̄ма̄со дит̣т̣хӣти (сйа̄.)] рӯпам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи. веданам̣ етам̣ мама…пе… сан̃н̃ам̣ етам̣ мама… сан̇кха̄ре етам̣ мама… вин̃н̃а̄н̣ам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи. чаккхум̣ етам̣ мама…пе… сотам̣ етам̣ мама… гха̄нам̣ етам̣ мама… дживхам̣ етам̣ мама… ка̄йам̣ етам̣ мама… манам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи. рӯпе [рӯпам̣ (сйа̄.) татха̄ пан̃часу а̄рамман̣есу екавачанена] етам̣ мама…пе… садде етам̣ мама… гандхе етам̣ мама… расе етам̣ мама… пхот̣т̣хаббе етам̣ мама… дхамме етам̣ мама, есохамасми, есо ме атта̄ти – абхинивесапара̄ма̄со дит̣т̣хи. чаккхувин̃н̃а̄н̣ам̣ етам̣ мама…пе… сотавин̃н̃а̄н̣ам̣ етам̣ мама… гха̄навин̃н̃а̄н̣ам̣ етам̣ мама… дживха̄вин̃н̃а̄н̣ам̣ етам̣ мама… ка̄йавин̃н̃а̄н̣ам̣ етам̣ мама… мановин̃н̃а̄н̣ам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи. чаккхусампхассам̣ етам̣ мама…пе… сотасампхассам̣ етам̣ мама… гха̄насампхассам̣ етам̣ мама… дживха̄сампхассам̣ етам̣ мама… ка̄йасампхассам̣ етам̣ мама… маносампхассам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи. чаккхусампхассаджам̣ веданам̣…пе… сотасампхассаджам̣ веданам̣… гха̄насампхассаджам̣ веданам̣… дживха̄сампхассаджам̣ веданам̣… ка̄йасампхассаджам̣ веданам̣… маносампхассаджам̣ веданам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи.

рӯпасан̃н̃ам̣ етам̣ мама…пе… саддасан̃н̃ам̣ етам̣ мама… гандхасан̃н̃ам̣ етам̣ мама… расасан̃н̃ам̣ етам̣ мама… пхот̣т̣хаббасан̃н̃ам̣ етам̣ мама… дхаммасан̃н̃ам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи. рӯпасан̃четанам̣ етам̣ мама…пе… саддасан̃четанам̣ етам̣ мама… гандхасан̃четанам̣ етам̣ мама… расасан̃четанам̣ етам̣ мама… пхот̣т̣хаббасан̃четанам̣ етам̣ мама… дхаммасан̃четанам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи. рӯпатан̣хам̣ етам̣ мама…пе… саддатан̣хам̣ етам̣ мама… гандхатан̣хам̣ етам̣ мама… расатан̣хам̣ етам̣ мама… пхот̣т̣хаббатан̣хам̣ етам̣ мама… дхамматан̣хам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи. рӯпавитаккам̣ етам̣ мама…пе… саддавитаккам̣ етам̣ мама… гандхавитаккам̣ етам̣ мама… расавитаккам̣ етам̣ мама… пхот̣т̣хаббавитаккам̣ етам̣ мама… дхаммавитаккам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи. рӯпавича̄рам̣ етам̣ мама…пе… саддавича̄рам̣ етам̣ мама… гандхавича̄рам̣ етам̣ мама… расавича̄рам̣ етам̣ мама… пхот̣т̣хаббавича̄рам̣ етам̣ мама… дхаммавича̄рам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи.

патхавӣдха̄тум̣ етам̣ мама…пе… а̄подха̄тум̣ етам̣ мама… теджодха̄тум̣ етам̣ мама… ва̄йодха̄тум̣ етам̣ мама… а̄ка̄садха̄тум̣ етам̣ мама… вин̃н̃а̄н̣адха̄тум̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи. патхавӣкасин̣ам̣ етам̣ мама…пе… а̄покасин̣ам̣… теджокасин̣ам̣… ва̄йокасин̣ам̣ … нӣлакасин̣ам̣… пӣтакасин̣ам̣… лохитакасин̣ам̣… ода̄такасин̣ам̣… а̄ка̄сакасин̣ам̣… вин̃н̃а̄н̣акасин̣ам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи.

кесам̣ етам̣ мама…пе… ломам̣ етам̣ мама… накхам̣ етам̣ мама… дантам̣ етам̣ мама… тачам̣ етам̣ мама… мам̣сам̣ етам̣ мама… нха̄рум̣ етам̣ мама… ат̣т̣хим̣ етам̣ мама… ат̣т̣химин̃джам̣ етам̣ мама… ваккам̣ етам̣ мама… хадайам̣ етам̣ мама… йаканам̣ етам̣ мама… киломакам̣ етам̣ мама… пихакам̣ етам̣ мама… паппха̄сам̣ етам̣ мама… антам̣ етам̣ мама… антагун̣ам̣ етам̣ мама… ударийам̣ етам̣ мама… карӣсам̣ етам̣ мама… питтам̣ етам̣ мама… семхам̣ етам̣ мама… пуббам̣ етам̣ мама … лохитам̣ етам̣ мама… седам̣ етам̣ мама… медам̣ етам̣ мама… ассум̣ етам̣ мама… васам̣ етам̣ мама … кхел̣ам̣ етам̣ мама… син̇гха̄н̣икам̣ етам̣ мама… ласикам̣ етам̣ мама… муттам̣ етам̣ мама… маттхалун̇гам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи.

чаккха̄йатанам̣ етам̣ мама…пе… рӯпа̄йатанам̣ етам̣ мама… сота̄йатанам̣ етам̣ мама… садда̄йатанам̣ етам̣ мама… гха̄на̄йатанам̣ етам̣ мама… гандха̄йатанам̣ етам̣ мама… дживха̄йатанам̣ етам̣ мама… раса̄йатанам̣ етам̣ мама… ка̄йа̄йатанам̣ етам̣ мама… пхот̣т̣хабба̄йатанам̣ етам̣ мама… мана̄йатанам̣ етам̣ мама… дхамма̄йатанам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи.

чаккхудха̄тум̣ етам̣ мама…пе… рӯпадха̄тум̣ етам̣ мама… чаккхувин̃н̃а̄н̣адха̄тум̣ етам̣ мама… сотадха̄тум̣ етам̣ мама… саддадха̄тум̣ етам̣ мама… сотавин̃н̃а̄н̣адха̄тум̣ етам̣ мама… гха̄надха̄тум̣ етам̣ мама… гандхадха̄тум̣ етам̣ мама… гха̄навин̃н̃а̄н̣адха̄тум̣ етам̣ мама… дживха̄дха̄тум̣ етам̣ мама… расадха̄тум̣ етам̣ мама… дживха̄вин̃н̃а̄н̣адха̄тум̣ етам̣ мама… ка̄йадха̄тум̣ етам̣ мама… пхот̣т̣хаббадха̄тум̣ етам̣ мама… ка̄йавин̃н̃а̄н̣адха̄тум̣ етам̣ мама… манодха̄тум̣ етам̣ мама… дхаммадха̄тум̣ етам̣ мама… мановин̃н̃а̄н̣адха̄тум̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи.

чаккхундрийам̣ етам̣ мама…пе… сотиндрийам̣ етам̣ мама… гха̄ниндрийам̣ етам̣ мама… дживхиндрийам̣ етам̣ мама… ка̄йиндрийам̣ етам̣ мама… маниндрийам̣ етам̣ мама… джӣвитиндрийам̣ етам̣ мама… иттхиндрийам̣ етам̣ мама… пурисиндрийам̣ етам̣ мама… сукхиндрийам̣ етам̣ мама… дуккхиндрийам̣ етам̣ мама… соманассиндрийам̣ етам̣ мама… доманассиндрийам̣ етам̣ мама… упеккхиндрийам̣ етам̣ мама… саддхиндрийам̣ етам̣ мама… вӣрийиндрийам̣ етам̣ мама… сатиндрийам̣ етам̣ мама… сама̄дхиндрийам̣ етам̣ мама… пан̃н̃индрийам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи.

ка̄мадха̄тум̣ етам̣ мама…пе… рӯпадха̄тум̣ етам̣ мама… арӯпадха̄тум̣ етам̣ мама… ка̄мабхавам̣ етам̣ мама… рӯпабхавам̣ етам̣ мама… арӯпабхавам̣ етам̣ мама… сан̃н̃а̄бхавам̣ етам̣ мама… асан̃н̃а̄бхавам̣ етам̣ мама… невасан̃н̃а̄на̄сан̃н̃а̄бхавам̣ етам̣ мама… екавока̄рабхавам̣ етам̣ мама… чатувока̄рабхавам̣ етам̣ мама… пан̃чавока̄рабхавам̣ етам̣ мама… пат̣хамаджджха̄нам̣ етам̣ мама… дутийаджджха̄нам̣ етам̣ мама… татийаджджха̄нам̣ етам̣ мама… чатуттхаджджха̄нам̣ етам̣ мама… меттам̣ четовимуттим̣ етам̣ мама… карун̣ам̣ четовимуттим̣ етам̣ мама… мудитам̣ четовимуттим̣ етам̣ мама… упеккхам̣ четовимуттим̣ етам̣ мама… а̄ка̄са̄нан̃ча̄йатанасама̄паттим̣ етам̣ мама… вин̃н̃а̄н̣ан̃ча̄йатанасама̄паттим̣ етам̣ мама… а̄кин̃чан̃н̃а̄йатанасама̄паттим̣ етам̣ мама… невасан̃н̃а̄на̄сан̃н̃а̄йатанасама̄паттим̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи.

авиджджам̣ етам̣ мама…пе… сан̇кха̄ре етам̣ мама… вин̃н̃а̄н̣ам̣ етам̣ мама… на̄марӯпам̣ етам̣ мама… сал̣а̄йатанам̣ етам̣ мама… пхассам̣ етам̣ мама… веданам̣ етам̣ мама… тан̣хам̣ етам̣ мама… упа̄да̄нам̣ етам̣ мама… бхавам̣ етам̣ мама … джа̄тим̣ етам̣ мама… джара̄маран̣ам̣ етам̣ мама, есохамасми, есо ме атта̄ти – абхинивесапара̄ма̄со дит̣т̣хи. евам̣ абхинивесапара̄ма̄со дит̣т̣хи.

124. катама̄ни ат̣т̣ха дит̣т̣хит̣т̣ха̄на̄ни? кхандха̄пи дит̣т̣хит̣т̣ха̄нам̣, авиджджа̄пи дит̣т̣хит̣т̣ха̄нам̣, пхассопи дит̣т̣хит̣т̣ха̄нам̣, сан̃н̃а̄пи дит̣т̣хит̣т̣ха̄нам̣, витаккопи [витакка̄пи (сйа̄.)] дит̣т̣хит̣т̣ха̄нам̣, айонисо манасика̄ропи дит̣т̣хит̣т̣ха̄нам̣, па̄памиттопи дит̣т̣хит̣т̣ха̄нам̣, паратогхосопи дит̣т̣хит̣т̣ха̄нам̣.

кхандха̄ хету кхандха̄ паччайо дит̣т̣хит̣т̣ха̄нам̣ упа̄да̄йа самут̣т̣ха̄нат̣т̣хена – евам̣ кхандха̄пи дит̣т̣хит̣т̣ха̄нам̣. авиджджа̄ хету авиджджа̄ паччайо дит̣т̣хит̣т̣ха̄нам̣ упа̄да̄йа самут̣т̣ха̄нат̣т̣хена – евам̣ авиджджа̄пи дит̣т̣хит̣т̣ха̄нам̣. пхассо хету пхассо паччайо дит̣т̣хит̣т̣ха̄нам̣ упа̄да̄йа самут̣т̣ха̄нат̣т̣хена – евам̣ пхассопи дит̣т̣хит̣т̣ха̄нам̣. сан̃н̃а̄ хету сан̃н̃а̄ паччайо дит̣т̣хит̣т̣ха̄нам̣ упа̄да̄йа самут̣т̣ха̄нат̣т̣хена – евам̣ сан̃н̃а̄пи дит̣т̣хит̣т̣ха̄нам̣. витакко хету витакко паччайо дит̣т̣хит̣т̣ха̄нам̣ упа̄да̄йа, самут̣т̣ха̄нат̣т̣хена – евам̣ витаккопи дит̣т̣хит̣т̣ха̄нам̣. айонисо манасика̄ро хету айонисо манасика̄ро паччайо дит̣т̣хит̣т̣ха̄нам̣ упа̄да̄йа самут̣т̣ха̄нат̣т̣хена – евам̣ айонисо манасика̄ропи дит̣т̣хит̣т̣ха̄нам̣. па̄памитто хету па̄памитто паччайо дит̣т̣хит̣т̣ха̄нам̣ упа̄да̄йа, самут̣т̣ха̄нат̣т̣хена – евам̣ па̄памиттопи дит̣т̣хит̣т̣ха̄нам̣. паратогхосо хету паратогхосо паччайо дит̣т̣хит̣т̣ха̄нам̣ упа̄да̄йа самут̣т̣ха̄нат̣т̣хена – евам̣ паратогхосопи дит̣т̣хит̣т̣ха̄нам̣. има̄ни ат̣т̣ха дит̣т̣хит̣т̣ха̄на̄ни.

125. катама̄ни ат̣т̣ха̄раса дит̣т̣хипарийут̣т̣ха̄на̄ни? йа̄ дит̣т̣хи дит̣т̣хигатам̣, дит̣т̣хигаханам̣, дит̣т̣хиканта̄рам̣, дит̣т̣хивисӯкам̣, дит̣т̣хивиппхандитам̣, дит̣т̣хисан̃н̃оджанам̣, дит̣т̣хисаллам̣, дит̣т̣хисамба̄дхо, дит̣т̣хипалибодхо, дит̣т̣хибандханам̣, дит̣т̣хипапа̄то, дит̣т̣ха̄нусайо, дит̣т̣хисанта̄по, дит̣т̣хипарил̣а̄хо, дит̣т̣хигантхо, дит̣т̣хупа̄да̄нам̣, дит̣т̣ха̄бхинивесо, дит̣т̣хипара̄ма̄со – има̄ни ат̣т̣ха̄раса дит̣т̣хипарийут̣т̣ха̄на̄ни.

126. катама̄ сол̣аса дит̣т̣хийо? асса̄дадит̣т̣хи, атта̄нудит̣т̣хи, миччха̄дит̣т̣хи, сакка̄йадит̣т̣хи, сакка̄йаваттхука̄ сассатадит̣т̣хи, сакка̄йаваттхука̄ уччхедадит̣т̣хи, антагга̄хика̄дит̣т̣хи, пуббанта̄нудит̣т̣хи, апаранта̄нудит̣т̣хи, сан̃н̃оджаника̄ дит̣т̣хи, аханти ма̄навинибандха̄ дит̣т̣хи, маманти ма̄навинибандха̄ дит̣т̣хи, аттава̄дапат̣исам̣йутта̄ дит̣т̣хи, локава̄дапат̣исам̣йутта̄ дит̣т̣хи, бхавадит̣т̣хи, вибхавадит̣т̣хи – има̄ сол̣аса дит̣т̣хийо.

127. катаме тӣн̣и сатам̣ дит̣т̣ха̄бхинивеса̄? асса̄дадит̣т̣хийа̄ катиха̄ка̄рехи абхинивесо хоти? атта̄нудит̣т̣хийа̄ катиха̄ка̄рехи абхинивесо хоти? миччха̄дит̣т̣хийа̄ катиха̄ка̄рехи абхинивесо хоти? сакка̄йадит̣т̣хийа̄ катиха̄ка̄рехи абхинивесо хоти? сакка̄йаваттхука̄йа сассатадит̣т̣хийа̄ катиха̄ка̄рехи абхинивесо хоти? сакка̄йаваттхука̄йа уччхедадит̣т̣хийа̄ катиха̄ка̄рехи абхинивесо хоти? антагга̄хика̄йа дит̣т̣хийа̄ катиха̄ка̄рехи абхинивесо хоти? пуббанта̄нудит̣т̣хийа̄ катиха̄ка̄рехи абхинивесо хоти? апаранта̄нудит̣т̣хийа̄ катиха̄ка̄рехи абхинивесо хоти? сан̃н̃оджаника̄йа дит̣т̣хийа̄ катиха̄ка̄рехи абхинивесо хоти? аханти ма̄навинибандха̄йа дит̣т̣хийа̄ катиха̄ка̄рехи абхинивесо хоти? маманти ма̄навинибандха̄йа дит̣т̣хийа̄ катиха̄ка̄рехи абхинивесо хоти? аттава̄дапат̣исам̣йутта̄йа дит̣т̣хийа̄ катиха̄ка̄рехи абхинивесо хоти? локава̄дапат̣исам̣йутта̄йа дит̣т̣хийа̄ катиха̄ка̄рехи абхинивесо хоти? бхавадит̣т̣хийа̄ катиха̄ка̄рехи абхинивесо хоти? вибхавадит̣т̣хийа̄ катиха̄ка̄рехи абхинивесо хоти?

асса̄дадит̣т̣хийа̄ пан̃чатим̣са̄йа а̄ка̄рехи абхинивесо хоти. атта̄нудит̣т̣хийа̄ вӣсатийа̄ а̄ка̄рехи абхинивесо хоти. миччха̄дит̣т̣хийа̄ дасаха̄ка̄рехи абхинивесо хоти. сакка̄йадит̣т̣хийа̄ вӣсатийа̄ а̄ка̄рехи абхинивесо хоти. сакка̄йаваттхука̄йа сассатадит̣т̣хийа̄ паннарасахи а̄ка̄рехи абхинивесо хоти. сакка̄йаваттхука̄йа уччхедадит̣т̣хийа̄ пан̃чаха̄ка̄рехи абхинивесо хоти. антагга̄хика̄йа дит̣т̣хийа̄ пан̃н̃а̄са̄йа а̄ка̄рехи абхинивесо хоти. пуббанта̄нудит̣т̣хийа̄ ат̣т̣ха̄расахи а̄ка̄рехи абхинивесо хоти. апаранта̄нудит̣т̣хийа̄ чатучатта̄лӣса̄йа а̄ка̄рехи абхинивесо хоти. сан̃н̃оджаника̄йа дит̣т̣хийа̄ ат̣т̣ха̄расахи а̄ка̄рехи абхинивесо хоти. аханти ма̄навинибандха̄йа дит̣т̣хийа̄ ат̣т̣ха̄расахи а̄ка̄рехи абхинивесо хоти. маманти ма̄навинибандха̄йа дит̣т̣хийа̄ ат̣т̣ха̄расахи а̄ка̄рехи абхинивесо хоти. аттава̄дапат̣исам̣йутта̄йа дит̣т̣хийа̄ вӣсатийа̄ а̄ка̄рехи абхинивесо хоти. локава̄дапат̣исам̣йутта̄йа дит̣т̣хийа̄ ат̣т̣хахи а̄ка̄рехи абхинивесо хоти. бхавадит̣т̣хийа̄ екена а̄ка̄рена [екӯнавӣсатийа̄ а̄ка̄рена (сйа̄.)] абхинивесо хоти. вибхавадит̣т̣хийа̄ екена а̄ка̄рена абхинивесо хоти.

1. асса̄дадит̣т̣хиниддесо

128. асса̄дадит̣т̣хийа̄ катамехи пан̃чатим̣са̄йа а̄ка̄рехи абхинивесо хоти? йам̣ рӯпам̣ пат̣ичча уппаджджати сукхам̣ соманассам̣, айам̣ рӯпасса асса̄доти – абхинивесапара̄ма̄со дит̣т̣хи. дит̣т̣хи на асса̄до, асса̄до на дит̣т̣хи. ан̃н̃а̄ дит̣т̣хи, ан̃н̃о асса̄до. йа̄ ча дит̣т̣хи йо ча асса̄до – айам̣ вуччати асса̄дадит̣т̣хи.

асса̄дадит̣т̣хи миччха̄дит̣т̣хи дит̣т̣хивипатти. та̄йа дит̣т̣хивипаттийа̄ саманна̄гато пуггало дит̣т̣хивипанно. дит̣т̣хивипанно пуггало на севитаббо на бхаджитаббо на пайирупа̄ситаббо. там̣ кисса хету? дит̣т̣хи хисса па̄пика̄. йо дит̣т̣хийа̄ ра̄го [йа̄ дит̣т̣хи йо ра̄го (сйа̄.)], со на дит̣т̣хи. дит̣т̣хи на ра̄го. ан̃н̃а̄ дит̣т̣хи, ан̃н̃о ра̄го. йа̄ ча дит̣т̣хи йо ча ра̄го – айам̣ вуччати дит̣т̣хира̄го. та̄йа ча дит̣т̣хийа̄ тена ча ра̄гена саманна̄гато пуггало дит̣т̣хира̄гаратто. дит̣т̣хира̄гаратте пуггале диннам̣ да̄нам̣ на махаппхалам̣ хоти на маха̄нисам̣сам̣. там̣ кисса хету? дит̣т̣хи хисса па̄пика̄ асса̄дадит̣т̣хи миччха̄дит̣т̣хи.

миччха̄дит̣т̣хикасса пурисапуггаласса двева гатийо – нирайо ва̄ тираччха̄найони ва̄. миччха̄дит̣т̣хикасса пурисапуггаласса йан̃чева ка̄йакаммам̣ йатха̄дит̣т̣хи саматтам̣ сама̄диннам̣, йан̃ча вачӣкаммам̣…пе… йан̃ча манокаммам̣ йатха̄дит̣т̣хи саматтам̣ сама̄диннам̣, йа̄ ча четана̄ йа̄ ча паттхана̄ йо ча пан̣идхи йе ча сан̇кха̄ра̄, саббе те дхамма̄ анит̣т̣ха̄йа аканта̄йа амана̄па̄йа ахита̄йа дуккха̄йа сам̣ваттанти. там̣ кисса хету? дит̣т̣хи хисса па̄пика̄. сеййатха̄пи нимбабӣджам̣ ва̄ коса̄такӣбӣджам̣ ва̄ титтака̄ла̄бубӣджам̣ ва̄ алла̄йа патхавийа̄ никкхиттам̣ йам̣ чева патхавирасам̣ упа̄дийати, йан̃ча а̄порасам̣ упа̄дийати, саббам̣ там̣ титтакатта̄йа кат̣укатта̄йа аса̄татта̄йа [аса̄рата̄йа (сйа̄.)] сам̣ваттати. там̣ кисса хету? бӣджам̣ хисса па̄пикам̣. евамевам̣ миччха̄дит̣т̣хикасса пурисапуггаласса йан̃чева ка̄йакаммам̣ йатха̄дит̣т̣хи саматтам̣ сама̄диннам̣, йан̃ча вачӣкаммам̣…пе… йан̃ча манокаммам̣ йатха̄дит̣т̣хи саматтам̣ сама̄диннам̣, йа̄ ча четана̄ йа̄ ча паттхана̄ йо ча пан̣идхи йе ча сан̇кха̄ра̄, саббе те дхамма̄ анит̣т̣ха̄йа аканта̄йа амана̄па̄йа ахита̄йа дуккха̄йа сам̣ваттанти. там̣ кисса хету? дит̣т̣хи хисса па̄пика̄ асса̄дадит̣т̣хи миччха̄дит̣т̣хи.

миччха̄дит̣т̣хи дит̣т̣хигатам̣, дит̣т̣хигаханам̣, дит̣т̣хиканта̄рам̣, дит̣т̣хивисӯкам̣, дит̣т̣хивиппхандитам̣, дит̣т̣хисан̃н̃оджанам̣, дит̣т̣хисаллам̣, дит̣т̣хисамба̄дхо, дит̣т̣хипалибодхо, дит̣т̣хибандханам̣, дит̣т̣хипапа̄то, дит̣т̣ха̄нусайо, дит̣т̣хисанта̄по, дит̣т̣хипарил̣а̄хо, дит̣т̣хигантхо, дит̣т̣хупа̄да̄нам̣, дит̣т̣ха̄бхинивесо, дит̣т̣хипара̄ма̄со – имехи ат̣т̣ха̄расахи а̄ка̄рехи парийут̣т̣хитачиттасса сан̃н̃ого.

129. аттхи сан̃н̃оджана̄ни чева дит̣т̣хийо ча, аттхи сан̃н̃оджана̄ни на ча дит̣т̣хийо. катама̄ни сан̃н̃оджана̄ни чева дит̣т̣хийо ча? сакка̄йадит̣т̣хи, сӣлаббатапара̄ма̄со – има̄ни сан̃н̃оджана̄ни чева дит̣т̣хийо ча. катама̄ни сан̃н̃оджана̄ни, на ча дит̣т̣хийо? ка̄мара̄гасан̃н̃оджанам̣, пат̣игхасан̃н̃оджанам̣, ма̄насан̃н̃оджанам̣, вичикиччха̄сан̃н̃оджанам̣, бхавара̄гасан̃н̃оджанам̣, исса̄сан̃н̃оджанам̣, маччхарийасан̃н̃оджанам̣, анунайасан̃н̃оджанам̣, авиджджа̄сан̃н̃оджанам̣ – има̄ни сан̃н̃оджана̄ни, на ча дит̣т̣хийо.

йам̣ веданам̣ пат̣ичча…пе… йам̣ сан̃н̃ам̣ пат̣ичча…пе… йам̣ сан̇кха̄ре [йе сан̇кха̄ре (ка.) сам̣. ни. 3.28 пасситабба̄] пат̣ичча…пе… йам̣ вин̃н̃а̄н̣ам̣ пат̣ичча… йам̣ чаккхум̣ пат̣ичча… йам̣ сотам̣ пат̣ичча… йам̣ гха̄нам̣ пат̣ичча… йам̣ дживхам̣ пат̣ичча… йам̣ ка̄йам̣ пат̣ичча… йам̣ манам̣ пат̣ичча… йам̣ рӯпе пат̣ичча… йам̣ садде пат̣ичча… йам̣ гандхе пат̣ичча … йам̣ расе пат̣ичча… йам̣ пхот̣т̣хаббе пат̣ичча… йам̣ дхамме пат̣ичча… йам̣ чаккхувин̃н̃а̄н̣ам̣ пат̣ичча… йам̣ сотавин̃н̃а̄н̣ам̣ пат̣ичча… йам̣ гха̄навин̃н̃а̄н̣ам̣ пат̣ичча… йам̣ дживха̄вин̃н̃а̄н̣ам̣ пат̣ичча… йам̣ ка̄йавин̃н̃а̄н̣ам̣ пат̣ичча… йам̣ мановин̃н̃а̄н̣ам̣ пат̣ичча … йам̣ чаккхусампхассам̣ пат̣ичча… йам̣ сотасампхассам̣ пат̣ичча… йам̣ гха̄насампхассам̣ пат̣ичча… йам̣ дживха̄сампхассам̣ пат̣ичча… йам̣ ка̄йасампхассам̣ пат̣ичча… йам̣ маносампхассам̣ пат̣ичча… йам̣ чаккхусампхассаджам̣ веданам̣ пат̣ичча… йам̣ сотасампхассаджам̣ веданам̣ пат̣ичча… йам̣ гха̄насампхассаджам̣ веданам̣ пат̣ичча… йам̣ дживха̄сампхассаджам̣ веданам̣ пат̣ичча… йам̣ ка̄йасампхассаджам̣ веданам̣ пат̣ичча… йам̣ маносампхассаджам̣ веданам̣ пат̣ичча уппаджджати сукхам̣ соманассам̣, айам̣ маносампхассаджа̄йа ведана̄йа асса̄доти – абхинивесапара̄ма̄со дит̣т̣хи. дит̣т̣хи на асса̄до, асса̄до на дит̣т̣хи. ан̃н̃а̄ дит̣т̣хи, ан̃н̃о асса̄до. йа̄ ча дит̣т̣хи йо ча асса̄до – айам̣ вуччати асса̄дадит̣т̣хи.

асса̄дадит̣т̣хи миччха̄дит̣т̣хи дит̣т̣хивипатти. та̄йа дит̣т̣хивипаттийа̄ саманна̄гато пуггало дит̣т̣хивипанно. дит̣т̣хивипанно пуггало на севитаббо на бхаджитаббо на пайирупа̄ситаббо. там̣ кисса хету? дит̣т̣хи хисса па̄пика̄. йо дит̣т̣хийа̄ ра̄го, со на дит̣т̣хи. дит̣т̣хи на ра̄го. ан̃н̃а̄ дит̣т̣хи, ан̃н̃о ра̄го. йа̄ ча дит̣т̣хи йо ча ра̄го, айам̣ вуччати дит̣т̣хира̄го. та̄йа ча дит̣т̣хийа̄ тена ча ра̄гена саманна̄гато пуггало дит̣т̣хира̄гаратто. дит̣т̣хира̄гаратте пуггале диннам̣ да̄нам̣ на махаппхалам̣ хоти на маха̄нисам̣сам̣. там̣ кисса хету? дит̣т̣хи хисса па̄пика̄ асса̄дадит̣т̣хи миччха̄дит̣т̣хи.

миччха̄дит̣т̣хикасса пурисапуггаласса двева гатийо – нирайо ва̄ тираччха̄найони ва̄. миччха̄дит̣т̣хикасса пурисапуггаласса йан̃чева ка̄йакаммам̣ йатха̄дит̣т̣хи саматтам̣ сама̄диннам̣, йан̃ча вачӣкаммам̣…пе… йан̃ча манокаммам̣ йатха̄дит̣т̣хи саматтам̣ сама̄диннам̣, йа̄ ча четана̄ йа̄ ча паттхана̄ йо ча пан̣идхи йе ча сан̇кха̄ра̄, саббе те дхамма̄ анит̣т̣ха̄йа аканта̄йа амана̄па̄йа ахита̄йа дуккха̄йа сам̣ваттанти. там̣ кисса хету? дит̣т̣хи хисса па̄пика̄. сеййатха̄пи нимбабӣджам̣ ва̄ коса̄такӣбӣджам̣ ва̄ титтака̄ла̄бубӣджам̣ ва̄ алла̄йа патхавийа̄ никкхиттам̣ йан̃чева патхавирасам̣ упа̄дийати йан̃ча а̄порасам̣ упа̄дийати, саббам̣ там̣ титтакатта̄йа кат̣укатта̄йа аса̄татта̄йа сам̣ваттати. там̣ кисса хету? бӣджам̣ хисса па̄пикам̣. евамевам̣ миччха̄дит̣т̣хикасса пурисапуггаласса йан̃чева ка̄йакаммам̣ йатха̄дит̣т̣хи саматтам̣ сама̄диннам̣ йан̃ча вачӣкаммам̣…пе… йан̃ча манокаммам̣ йатха̄дит̣т̣хи саматтам̣ сама̄диннам̣, йа̄ ча четана̄ йа̄ ча паттхана̄ йо ча пан̣идхи йе ча сан̇кха̄ра̄, саббе те дхамма̄ анит̣т̣ха̄йа аканта̄йа амана̄па̄йа ахита̄йа дуккха̄йа сам̣ваттанти. там̣ кисса хету? дит̣т̣хи хисса па̄пика̄ асса̄дадит̣т̣хи миччха̄дит̣т̣хи.

миччха̄дит̣т̣хи дит̣т̣хигатам̣ дит̣т̣хигаханам̣…пе… дит̣т̣ха̄бхинивесо дит̣т̣хипара̄ма̄со – имехи ат̣т̣ха̄расахи а̄ка̄рехи парийут̣т̣хитачиттасса сан̃н̃ого.

аттхи сан̃н̃оджана̄ни чева дит̣т̣хийо ча, аттхи сан̃н̃оджана̄ни на ча дит̣т̣хийо. катама̄ни сан̃н̃оджана̄ни чева дит̣т̣хийо ча? сакка̄йадит̣т̣хи, сӣлаббатапара̄ма̄со – има̄ни сан̃н̃оджана̄ни чева дит̣т̣хийо ча. катама̄ни сан̃н̃оджана̄ни, на ча дит̣т̣хийо? ка̄мара̄гасан̃н̃оджанам̣, пат̣игхасан̃н̃оджанам̣, ма̄насан̃н̃оджанам̣, вичикиччха̄сан̃н̃оджанам̣, бхавара̄гасан̃н̃оджанам̣, исса̄сан̃н̃оджанам̣, маччхарийасан̃н̃оджанам̣, анунайасан̃н̃оджанам̣, авиджджа̄сан̃н̃оджанам̣ – има̄ни сан̃н̃оджана̄ни, на ча дит̣т̣хийо. асса̄дадит̣т̣хийа̄ имехи пан̃чатим̣са̄йа а̄ка̄рехи абхинивесо хоти.

асса̄дадит̣т̣хиниддесо пат̣хамо.

2. атта̄нудит̣т̣хиниддесо

130. атта̄нудит̣т̣хийа̄ катамехи вӣсатийа̄ а̄ка̄рехи абхинивесо хоти? идха ассутава̄ путхуджджано арийа̄нам̣ адасса̄вӣ арийадхаммасса аковидо арийадхамме авинӣто, саппуриса̄нам̣ адасса̄вӣ саппурисадхаммасса аковидо саппурисадхамме авинӣто рӯпам̣ аттато саманупассати рӯпавантам̣ ва̄ атта̄нам̣ аттани ва̄ рӯпам̣ рӯпасмим̣ ва̄ атта̄нам̣; веданам̣…пе… сан̃н̃ам̣…пе… сан̇кха̄ре…пе… вин̃н̃а̄н̣ам̣ аттато саманупассати вин̃н̃а̄н̣авантам̣ ва̄ атта̄нам̣ аттани ва̄ вин̃н̃а̄н̣ам̣ вин̃н̃а̄н̣асмим̣ ва̄ атта̄нам̣.

131. катхам̣ рӯпам̣ аттато саманупассати? идхекаччо патхавӣкасин̣ам̣ аттато саманупассати – ‘‘йам̣ патхавӣкасин̣ам̣, со ахам̣; йо ахам̣, там̣ патхавӣкасин̣а’’нти. патхавӣкасин̣ан̃ча аттан̃ча адвайам̣ саманупассати. сеййатха̄пи телаппадӣпасса джха̄йато ‘‘йа̄ аччи со ван̣н̣о, йо ван̣н̣о са̄ аччӣ’’ти – аччин̃ча ван̣н̣ан̃ча адвайам̣ саманупассати. евамевам̣ идхекаччо патхавӣкасин̣ам̣ аттато саманупассати – ‘‘йам̣ патхавӣкасин̣ам̣, со ахам̣; йо ахам̣, там̣ патхавӣкасин̣а’’нти. патхавӣкасин̣ан̃ча аттан̃ча адвайам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ рӯпаваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи дит̣т̣хивипатти…пе… атта̄нудит̣т̣хи миччха̄дит̣т̣хи. миччха̄дит̣т̣хикасса пурисапуггаласса двева гатийо…пе… има̄ни сан̃н̃оджана̄ни, на ча дит̣т̣хийо.

идхекаччо а̄покасин̣ам̣… теджокасин̣ам̣… ва̄йокасин̣ам̣… нӣлакасин̣ам̣… пӣтакасин̣ам̣… лохитакасин̣ам̣… ода̄такасин̣ам̣ аттато саманупассати – ‘‘йам̣ ода̄такасин̣ам̣, со ахам̣; йо ахам̣, там̣ ода̄такасин̣а’’нти. ода̄такасин̣ан̃ча аттан̃ча адвайам̣ саманупассати. сеййатха̄пи телаппадӣпасса джха̄йато ‘‘йа̄ аччи, со ван̣н̣о; йо ван̣н̣о, са̄ аччӣ’’ти – аччин̃ча ван̣н̣ан̃ча адвайам̣ саманупассати. евамева идхекаччо…пе… ода̄такасин̣ан̃ча аттан̃ча адвайам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ рӯпаваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи дит̣т̣хивипатти…пе… има̄ни сан̃н̃оджана̄ни, на ча дит̣т̣хийо. евам̣ рӯпам̣ аттато саманупассати.

катхам̣ рӯпавантам̣ атта̄нам̣ саманупассати? идхекаччо веданам̣… сан̃н̃ам̣… сан̇кха̄ре… вин̃н̃а̄н̣ам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ имина̄ рӯпена рӯпава̄’’ти. рӯпавантам̣ атта̄нам̣ саманупассати. сеййатха̄пи руккхо чха̄йа̄сампанно асса. таменам̣ пурисо евам̣ вадеййа – ‘‘айам̣ руккхо, айам̣ чха̄йа̄. ан̃н̃о руккхо, ан̃н̃а̄ чха̄йа̄. со кхо пана̄йам̣ руккхо има̄йа чха̄йа̄йа чха̄йа̄ва̄’’ти. чха̄йа̄вантам̣ руккхам̣ саманупассати. евамевам̣ идхекаччо веданам̣…пе… сан̃н̃ам̣… сан̇кха̄ре… вин̃н̃а̄н̣ам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана айам̣ атта̄ имина̄ рӯпена рӯпава̄’’ти. рӯпавантам̣ атта̄нам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ дутийа̄ рӯпаваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи дит̣т̣хивипатти…пе… има̄ни сан̃н̃оджана̄ни, на ча дит̣т̣хийо. евам̣ рӯпавантам̣ атта̄нам̣ саманупассати.

катхам̣ аттани рӯпам̣ саманупассати? идхекаччо веданам̣… сан̃н̃ам̣… сан̇кха̄ре… вин̃н̃а̄н̣ам̣ аттато саманупассати. тасса евам̣ хоти – ‘‘айам̣ кхо ме атта̄. имасмин̃ча пана аттани идам̣ рӯпа’’нти. аттани рӯпам̣ саманупассати. сеййатха̄пи пуппхам̣ гандхасампаннам̣ асса. таменам̣ пурисо евам̣ вадеййа – ‘‘идам̣ пуппхам̣, айам̣ гандхо; ан̃н̃ам̣ пуппхам̣, ан̃н̃о гандхо. со кхо пана̄йам̣ гандхо имасмим̣ пуппхе’’ти. пуппхасмим̣ гандхам̣ саманупассати. евамевам̣ идхекаччо веданам̣…пе… сан̃н̃ам̣… сан̇кха̄ре… вин̃н̃а̄н̣ам̣ аттато саманупассати. тасса евам̣ хоти – ‘‘айам̣ кхо ме атта̄. имасмин̃ча пана аттани идам̣ рӯпа’’нти. аттани рӯпам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ татийа̄ рӯпаваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи дит̣т̣хивипатти…пе… има̄ни сан̃н̃оджана̄ни, на ча дит̣т̣хийо. евам̣ аттани рӯпам̣ саманупассати.

катхам̣ рӯпасмим̣ атта̄нам̣ саманупассати? идхекаччо веданам̣…пе… сан̃н̃ам̣… сан̇кха̄ре… вин̃н̃а̄н̣ам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ имасмим̣ рӯпе’’ти. рӯпасмим̣ атта̄нам̣ саманупассати. сеййатха̄пи ман̣и каран̣д̣аке паккхитто асса. таменам̣ пурисо евам̣ вадеййа – ‘‘айам̣ ман̣и, айам̣ каран̣д̣ако. ан̃н̃о ман̣и, ан̃н̃о каран̣д̣ако. со кхо пана̄йам̣ ман̣и имасмим̣ каран̣д̣аке’’ти. каран̣д̣акасмим̣ ман̣им̣ саманупассати. евамевам̣ идхекаччо веданам̣…пе… сан̃н̃ам̣… сан̇кха̄ре… вин̃н̃а̄н̣ам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ имасмим̣ рӯпе’’ти. рӯпасмим̣ атта̄нам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ чатуттха̄ рӯпаваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи дит̣т̣хивипатти…пе… има̄ни сан̃н̃оджана̄ни, на ча дит̣т̣хийо. евам̣ рӯпасмим̣ атта̄нам̣ саманупассати.

132. катхам̣ веданам̣ аттато саманупассати? идхекаччо чаккхусампхассаджам̣ веданам̣ сотасампхассаджам̣ веданам̣ гха̄насампхассаджам̣ веданам̣ дживха̄сампхассаджам̣ веданам̣ ка̄йасампхассаджам̣ веданам̣ маносампхассаджам̣ веданам̣ аттато саманупассати. ‘‘йа̄ маносампхассаджа̄ ведана̄ со ахам̣, йо ахам̣ са̄ маносампхассаджа̄ ведана̄’’ти – маносампхассаджам̣ веданан̃ча аттан̃ча адвайам̣ саманупассати. сеййатха̄пи телаппадӣпасса джха̄йато ‘‘йа̄ аччи со ван̣н̣о, йо ван̣н̣о са̄ аччӣ’’ти – аччин̃ча ван̣н̣ан̃ча адвайам̣ саманупассати. евамевам̣ идхекаччо маносампхассаджам̣ веданам̣ аттато саманупассати. ‘‘йа̄ маносампхассаджа̄ ведана̄ со ахам̣, йо ахам̣ са̄ маносампхассаджа̄ ведана̄’’ти – маносампхассаджам̣ веданан̃ча аттан̃ча адвайам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ведана̄ваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи дит̣т̣хивипатти…пе… има̄ни сан̃н̃оджана̄ни, на ча дит̣т̣хийо. евам̣ веданам̣ аттато саманупассати.

катхам̣ ведана̄вантам̣ атта̄нам̣ саманупассати? идхекаччо сан̃н̃ам̣…пе… сан̇кха̄ре… вин̃н̃а̄н̣ам̣… рӯпам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ има̄йа ведана̄йа ведана̄ва̄’’ти. ведана̄вантам̣ атта̄нам̣ саманупассати. сеййатха̄пи руккхо чха̄йа̄сампанно асса. таменам̣ пурисо евам̣ вадеййа – ‘‘айам̣ руккхо, айам̣ чха̄йа̄. ан̃н̃о руккхо, ан̃н̃а̄ чха̄йа̄. со кхо пана̄йам̣ руккхо има̄йа чха̄йа̄йа чха̄йа̄ва̄’’ти. чха̄йа̄вантам̣ руккхам̣ саманупассати. евамевам̣ идхекаччо сан̃н̃ам̣…пе… сан̇кха̄ре… вин̃н̃а̄н̣ам̣… рӯпам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ има̄йа ведана̄йа ведана̄ва̄’’ти. ведана̄вантам̣ атта̄нам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ дутийа̄ ведана̄ваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи дит̣т̣хивипатти…пе… има̄ни сан̃н̃оджана̄ни, на ча дит̣т̣хийо. евам̣ ведана̄вантам̣ атта̄нам̣ саманупассати.

катхам̣ аттани веданам̣ саманупассати? идхекаччо сан̃н̃ам̣…пе… сан̇кха̄ре… вин̃н̃а̄н̣ам̣… рӯпам̣ аттато саманупассати. тасса евам̣ хоти – ‘‘айам̣ кхо ме атта̄. имасмин̃ча пана аттани айам̣ ведана̄’’ти. аттани веданам̣ саманупассати. сеййатха̄пи пуппхам̣ гандхасампаннам̣ асса. таменам̣ пурисо евам̣ вадеййа – ‘‘идам̣ пуппхам̣, айам̣ гандхо; ан̃н̃ам̣ пуппхам̣, ан̃н̃о гандхо. со кхо пана̄йам̣ гандхо имасмим̣ пуппхе’’ти. пуппхасмим̣ гандхам̣ саманупассати. евамевам̣ идхекаччо сан̃н̃ам̣…пе… сан̇кха̄ре… вин̃н̃а̄н̣ам̣… рӯпам̣ аттато саманупассати. тасса евам̣ хоти – ‘‘айам̣ кхо ме атта̄. имасмин̃ча пана аттани айам̣ ведана̄’’ти. аттани веданам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ татийа̄ ведана̄ваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи дит̣т̣хивипатти…пе… има̄ни сан̃н̃оджана̄ни, на ча дит̣т̣хийо. евам̣ аттани веданам̣ саманупассати.

катхам̣ ведана̄йа атта̄нам̣ саманупассати? идхекаччо сан̃н̃ам̣…пе… сан̇кха̄ре… вин̃н̃а̄н̣ам̣… рӯпам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ има̄йа ведана̄йа̄’’ти. ведана̄йа атта̄нам̣ саманупассати. сеййатха̄пи ман̣и каран̣д̣аке паккхитто асса. таменам̣ пурисо евам̣ вадеййа – ‘‘айам̣ ман̣и, айам̣ каран̣д̣ако. ан̃н̃о ман̣и, ан̃н̃о каран̣д̣ако. со кхо пана̄йам̣ ман̣и имасмим̣ каран̣д̣аке’’ти. каран̣д̣акасмим̣ ман̣им̣ саманупассати. евамевам̣ идхекаччо сан̃н̃ам̣… сан̇кха̄ре… вин̃н̃а̄н̣ам̣… рӯпам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ има̄йа ведана̄йа̄’’ти. ведана̄йа атта̄нам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ чатуттха̄ ведана̄ваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи дит̣т̣хивипатти…пе… има̄ни сан̃н̃оджана̄ни, на ча дит̣т̣хийо. евам̣ ведана̄йа атта̄нам̣ саманупассати.

133. катхам̣ сан̃н̃ам̣ аттато саманупассати? идхекаччо чаккхусампхассаджам̣ сан̃н̃ам̣…пе… сотасампхассаджам̣ сан̃н̃ам̣… гха̄насампхассаджам̣ сан̃н̃ам̣… дживха̄сампхассаджам̣ сан̃н̃ам̣… ка̄йасампхассаджам̣ сан̃н̃ам̣… маносампхассаджам̣ сан̃н̃ам̣ аттато саманупассати. йа̄ маносампхассаджа̄ сан̃н̃а̄ со ахам̣, йо ахам̣ са̄ маносампхассаджа̄ сан̃н̃а̄’’ти. маносампхассаджам̣ сан̃н̃ан̃ча аттан̃ча адвайам̣ саманупассати. сеййатха̄пи телаппадӣпасса джха̄йато ‘‘йа̄ аччи со ван̣н̣о, йо ван̣н̣о са̄ аччӣ’’ти – аччин̃ча ван̣н̣ан̃ча адвайам̣ саманупассати. евамевам̣ идхекаччо маносампхассаджам̣ сан̃н̃ам̣ аттато саманупассати – ‘‘йа̄ маносампхассаджа̄ сан̃н̃а̄ со ахам̣, йо ахам̣ са̄ маносампхассаджа̄ сан̃н̃а̄’’ти. маносампхассаджам̣ сан̃н̃ан̃ча аттан̃ча адвайам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ сан̃н̃а̄ваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи дит̣т̣хивипатти…пе… има̄ни сан̃н̃оджана̄ни, на ча дит̣т̣хийо. евам̣ сан̃н̃ам̣ аттато саманупассати.

катхам̣ сан̃н̃а̄вантам̣ атта̄нам̣ саманупассати? идхекаччо сан̇кха̄ре…пе… вин̃н̃а̄н̣ам̣… рӯпам̣… веданам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ има̄йа сан̃н̃а̄йа сан̃н̃а̄ва̄’’ти. сан̃н̃а̄вантам̣ атта̄нам̣ саманупассати. сеййатха̄пи руккхо чха̄йа̄сампанно асса. таменам̣ пурисо евам̣ вадеййа – ‘‘айам̣ руккхо, айам̣ чха̄йа̄. ан̃н̃о руккхо, ан̃н̃а̄ чха̄йа̄. со кхо пана̄йам̣ руккхо има̄йа чха̄йа̄йа чха̄йа̄ва̄’’ти. чха̄йа̄вантам̣ руккхам̣ саманупассати. евамевам̣ идхекаччо сан̇кха̄ре… вин̃н̃а̄н̣ам̣… рӯпам̣… веданам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ има̄йа сан̃н̃а̄йа сан̃н̃а̄ва̄’’ти. сан̃н̃а̄вантам̣ атта̄нам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ дутийа̄ сан̃н̃а̄ваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ сан̃н̃а̄вантам̣ атта̄нам̣ саманупассати.

катхам̣ аттани сан̃н̃ам̣ саманупассати? идхекаччо сан̇кха̄ре…пе… вин̃н̃а̄н̣ам̣… рӯпам̣… веданам̣ аттато саманупассати. тасса евам̣ хоти – ‘‘айам̣ кхо ме атта̄. имасмин̃ча пана аттани айам̣ сан̃н̃а̄’’ти. аттани сан̃н̃ам̣ саманупассати. сеййатха̄пи пуппхам̣ гандхасампаннам̣ асса. таменам̣ пурисо евам̣ вадеййа – ‘‘идам̣ пуппхам̣, айам̣ гандхо. ан̃н̃ам̣ пуппхам̣, ан̃н̃о гандхо. со кхо пана̄йам̣ гандхо имасмим̣ пуппхе’’ти. пуппхасмим̣ гандхам̣ саманупассати. евамевам̣ идхекаччо сан̇кха̄ре… вин̃н̃а̄н̣ам̣… рӯпам̣… веданам̣ аттато саманупассати. тасса евам̣ хоти – ‘‘айам̣ кхо ме атта̄. имасмин̃ча пана аттани айам̣ сан̃н̃а̄’’ти. аттани сан̃н̃ам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ татийа̄ сан̃н̃а̄ваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ аттани сан̃н̃ам̣ саманупассати.

катхам̣ сан̃н̃а̄йа атта̄нам̣ саманупассати? идхекаччо сан̇кха̄ре …пе… вин̃н̃а̄н̣ам̣… рӯпам̣… веданам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ има̄йа сан̃н̃а̄йа̄’’ти. сан̃н̃а̄йа атта̄нам̣ саманупассати. сеййатха̄пи ман̣и каран̣д̣аке паккхитто асса. таменам̣ пурисо евам̣ вадеййа – ‘‘айам̣ ман̣и, айам̣ каран̣д̣ако. ан̃н̃о ман̣и, ан̃н̃о каран̣д̣ако. со кхо пана̄йам̣ ман̣и имасмим̣ каран̣д̣аке’’ти. каран̣д̣акасмим̣ ман̣им̣ саманупассати. евамева идхекаччо сан̇кха̄ре… вин̃н̃а̄н̣ам̣… рӯпам̣… веданам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ има̄йа сан̃н̃а̄йа̄’’ти. сан̃н̃а̄йа атта̄нам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ чатуттха̄ сан̃н̃а̄ваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи…пе… има̄ни сан̃н̃оджана̄ни на ча дит̣т̣хийо. евам̣ сан̃н̃а̄йа атта̄нам̣ саманупассати.

134. катхам̣ сан̇кха̄ре аттато саманупассати? идхекаччо чаккхусампхассаджам̣ четанам̣ сотасампхассаджам̣ четанам̣ гха̄насампхассаджам̣ четанам̣ дживха̄сампхассаджам̣ четанам̣ ка̄йасампхассаджам̣ четанам̣ маносампхассаджам̣ четанам̣ аттато саманупассати. ‘‘йа̄ маносампхассаджа̄ четана̄, со ахам̣; йо ахам̣ са̄ маносампхассаджа̄ четана̄’’ти – маносампхассаджам̣ четанан̃ча аттан̃ча адвайам̣ саманупассати. сеййатха̄пи телаппадӣпасса джха̄йато ‘‘йа̄ аччи со ван̣н̣о, йо ван̣н̣о са̄ аччӣ’’ти – аччин̃ча ван̣н̣ан̃ча адвайам̣ саманупассати. евамевам̣ идхекаччо маносампхассаджам̣ четанам̣ аттато саманупассати. ‘‘йа̄ маносампхассаджа̄ четана̄ со ахам̣, йо ахам̣ са̄ маносампхассаджа̄ четана̄’’ти – маносампхассаджам̣ четанан̃ча аттан̃ча адвайам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ сан̇кха̄раваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ сан̇кха̄ре аттато саманупассати.

катхам̣ сан̇кха̄равантам̣ атта̄нам̣ саманупассати? идхекаччо вин̃н̃а̄н̣ам̣… рӯпам̣… веданам̣… сан̃н̃ам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ имехи сан̇кха̄рехи сан̇кха̄рава̄’’ти. сан̇кха̄равантам̣ атта̄нам̣ саманупассати. сеййатха̄пи руккхо чха̄йа̄сампанно асса. таменам̣ пурисо евам̣ вадеййа – ‘‘айам̣ руккхо, айам̣ чха̄йа̄. ан̃н̃о руккхо, ан̃н̃а̄ чха̄йа̄. со кхо пана̄йам̣ руккхо има̄йа чха̄йа̄йа чха̄йа̄ва̄’’ти. чха̄йа̄вантам̣ руккхам̣ саманупассати. евамева идхекаччо вин̃н̃а̄н̣ам̣… рӯпам̣… веданам̣… сан̃н̃ам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄. имехи сан̇кха̄рехи сан̇кха̄рава̄’’ти. сан̇кха̄равантам̣ атта̄нам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ дутийа̄ сан̇кха̄раваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ сан̇кха̄равантам̣ атта̄нам̣ саманупассати.

катхам̣ аттани сан̇кха̄ре саманупассати? идхекаччо вин̃н̃а̄н̣ам̣… рӯпам̣… веданам̣… сан̃н̃ам̣ аттато саманупассати. тасса евам̣ хоти – ‘‘айам̣ кхо ме атта̄. имасмин̃ча пана аттани име сан̇кха̄ра̄’’ти. аттани сан̇кха̄ре саманупассати. сеййатха̄пи пуппхам̣ гандхасампаннам̣ асса. таменам̣ пурисо евам̣ вадеййа – ‘‘идам̣ пуппхам̣, айам̣ гандхо; ан̃н̃ам̣ пуппхам̣, ан̃н̃о гандхо. со кхо пана̄йам̣ гандхо имасмим̣ пуппхе’’ти. пуппхасмим̣ гандхам̣ саманупассати. евамевам̣ идхекаччо вин̃н̃а̄н̣ам̣… рӯпам̣… веданам̣… сан̃н̃ам̣ аттато саманупассати. тасса евам̣ хоти – ‘‘айам̣ кхо ме атта̄. имасмин̃ча пана аттани име сан̇кха̄ра̄’’ти. аттани сан̇кха̄ре саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ татийа̄ сан̇кха̄раваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ аттани сан̇кха̄ре саманупассати.

катхам̣ сан̇кха̄ресу атта̄нам̣ саманупассати? идхекаччо вин̃н̃а̄н̣ам̣… рӯпам̣… веданам̣… сан̃н̃ам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ имесу сан̇кха̄ресӯ’’ти. сан̇кха̄ресу атта̄нам̣ саманупассати. сеййатха̄пи ман̣и каран̣д̣аке паккхитто асса. таменам̣ пурисо евам̣ вадеййа – ‘‘айам̣ ман̣и, айам̣ каран̣д̣ако. ан̃н̃о ман̣и, ан̃н̃о каран̣д̣ако. со кхо пана̄йам̣ ман̣и имасмим̣ каран̣д̣аке’’ти. каран̣д̣акасмим̣ ман̣им̣ саманупассати. евамева идхекаччо вин̃н̃а̄н̣ам̣… рӯпам̣… веданам̣… сан̃н̃ам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ имесу сан̇кха̄ресӯ’’ти. сан̇кха̄ресу атта̄нам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ чатуттха̄ сан̇кха̄раваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ сан̇кха̄ресу атта̄нам̣ саманупассати.

135. катхам̣ вин̃н̃а̄н̣ам̣ аттато саманупассати? идхекаччо чаккхувин̃н̃а̄н̣ам̣… сотавин̃н̃а̄н̣ам̣… гха̄навин̃н̃а̄н̣ам̣… дживха̄вин̃н̃а̄н̣ам̣ ка̄йавин̃н̃а̄н̣ам̣… мановин̃н̃а̄н̣ам̣ аттато саманупассати. ‘‘йам̣ мановин̃н̃а̄н̣ам̣, со ахам̣; йо ахам̣, там̣ мановин̃н̃а̄н̣а’’нти – мановин̃н̃а̄н̣ан̃ча аттан̃ча адвайам̣ саманупассати. сеййатха̄пи телаппадӣпасса джха̄йато ‘‘йа̄ аччи со ван̣н̣о, йо ван̣н̣о са̄ аччӣ’’ти – аччин̃ча ван̣н̣ан̃ча адвайам̣ саманупассати. евамевам̣ идхекаччо мановин̃н̃а̄н̣ам̣ аттато саманупассати. ‘‘йам̣ мановин̃н̃а̄н̣ам̣, со ахам̣; йо ахам̣ там̣ мановин̃н̃а̄н̣а’’нти – мановин̃н̃а̄н̣ан̃ча аттан̃ча адвайам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ вин̃н̃а̄н̣аваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ вин̃н̃а̄н̣ам̣ аттато саманупассати.

катхам̣ вин̃н̃а̄н̣авантам̣ атта̄нам̣ саманупассати? идхекаччо рӯпам̣… веданам̣… сан̃н̃ам̣… сан̇кха̄ре аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ имина̄ вин̃н̃а̄н̣ена вин̃н̃а̄н̣ава̄’’ти. вин̃н̃а̄н̣авантам̣ атта̄нам̣ саманупассати. сеййатха̄пи руккхо чха̄йа̄сампанно асса. таменам̣ пурисо евам̣ вадеййа – ‘‘айам̣ руккхо, айам̣ чха̄йа̄. ан̃н̃о руккхо, ан̃н̃а̄ чха̄йа̄. со кхо пана̄йам̣ руккхо има̄йа чха̄йа̄йа чха̄йа̄ва̄’’ти. чха̄йа̄вантам̣ руккхам̣ саманупассати. евамевам̣ идхекаччо рӯпам̣… веданам̣… сан̃н̃ам̣… сан̇кха̄ре аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ имина̄ вин̃н̃а̄н̣ена вин̃н̃а̄н̣ава̄’’ти. вин̃н̃а̄н̣авантам̣ атта̄нам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ дутийа̄ вин̃н̃а̄н̣аваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ вин̃н̃а̄н̣авантам̣ атта̄нам̣ саманупассати.

катхам̣ аттани вин̃н̃а̄н̣ам̣ саманупассати? идхекаччо рӯпам̣… веданам̣… сан̃н̃ам̣… сан̇кха̄ре аттато саманупассати. тасса евам̣ хоти – ‘‘айам̣ кхо ме атта̄. имасмин̃ча пана аттани идам̣ вин̃н̃а̄н̣а’’нти. аттани вин̃н̃а̄н̣ам̣ саманупассати. сеййатха̄пи пуппхам̣ гандхасампаннам̣ асса. таменам̣ пурисо евам̣ вадеййа – ‘‘идам̣ пуппхам̣, айам̣ гандхо; ан̃н̃ам̣ пуппхам̣, ан̃н̃о гандхо. со кхо пана̄йам̣ гандхо имасмим̣ пуппхе’’ти. пуппхасмим̣ гандхам̣ саманупассати. евамевам̣ идхекаччо рӯпам̣… веданам̣… сан̃н̃ам̣… сан̇кха̄ре аттато саманупассати. тасса евам̣ хоти – ‘‘айам̣ кхо ме атта̄. имасмин̃ча пана аттани идам̣ вин̃н̃а̄н̣а’’нти. аттани вин̃н̃а̄н̣ам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ татийа̄ вин̃н̃а̄н̣аваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ аттани вин̃н̃а̄н̣ам̣ саманупассати.

катхам̣ вин̃н̃а̄н̣асмим̣ атта̄нам̣ саманупассати? идхекаччо рӯпам̣… веданам̣… сан̃н̃ам̣… сан̇кха̄ре аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ имасмим̣ вин̃н̃а̄н̣е’’ти. вин̃н̃а̄н̣асмим̣ атта̄нам̣ саманупассати. сеййатха̄пи ман̣и каран̣д̣аке паккхитто асса. таменам̣ пурисо евам̣ вадеййа – ‘‘айам̣ ман̣и, айам̣ каран̣д̣ако. ан̃н̃о ман̣и, ан̃н̃о каран̣д̣ако. со кхо пана̄йам̣ ман̣и имасмим̣ каран̣д̣аке’’ти. каран̣д̣акасмим̣ ман̣им̣ саманупассати. евамевам̣ идхекаччо рӯпам̣… веданам̣… сан̃н̃ам̣… сан̇кха̄ре аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ имасмим̣ вин̃н̃а̄н̣е’’ти. вин̃н̃а̄н̣асмим̣ атта̄нам̣ саманупассати. абхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ чатуттха̄ вин̃н̃а̄н̣аваттхука̄ атта̄нудит̣т̣хи. атта̄нудит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ вин̃н̃а̄н̣асмим̣ атта̄нам̣ саманупассати. атта̄нудит̣т̣хийа̄ имехи вӣсатийа̄ а̄ка̄рехи абхинивесо хоти.

атта̄нудит̣т̣хиниддесо дутийо.

3. миччха̄дит̣т̣хиниддесо

136. миччха̄дит̣т̣хийа̄ катамехи дасаха̄ка̄рехи абхинивесо хоти? ‘‘наттхи динна’’нти – ваттху [ваттхум̣ (сйа̄.) евамупарипи]. евам̣ва̄до миччха̄бхинивесапара̄ма̄со [миччха̄дит̣т̣ха̄бхинивесапара̄ма̄со (сйа̄.)] дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ миччха̄ваттхука̄ миччха̄дит̣т̣хи. миччха̄дит̣т̣хи дит̣т̣хивипатти…пе… има̄ни сан̃н̃оджана̄ни, на ча дит̣т̣хийо. ‘‘наттхи йит̣т̣ха’’нти – ваттху…пе… ‘‘наттхи хута’’нти – ваттху… ‘‘наттхи сукатадуккат̣а̄нам̣ камма̄нам̣ пхалам̣ випа̄ко’’ти – ваттху… ‘‘наттхи айам̣ локо’’ти – ваттху… ‘‘наттхи паро локо’’ти – ваттху… ‘‘наттхи ма̄та̄’’ти – ваттху… ‘‘наттхи пита̄’’ти – ваттху… ‘‘наттхи сатта̄ опапа̄тика̄’’ти – ваттху… ‘‘наттхи локе саман̣абра̄хман̣а̄ саммаггата̄ [самаггата̄ (ка.)] самма̄пат̣ипанна̄, йе иман̃ча локам̣, паран̃ча локам̣ сайам̣ абхин̃н̃а̄ саччхикатва̄ паведентӣ’’ти – ваттху. евам̣ва̄до миччха̄бхинивесапара̄ма̄со дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ дасама̄ миччха̄ваттхука̄ миччха̄дит̣т̣хи. миччха̄дит̣т̣хи дит̣т̣хивипатти…пе… миччха̄дит̣т̣хикасса пурисапуггаласса двева гатийо…пе… има̄ни сан̃н̃оджана̄ни, на ча дит̣т̣хийо. миччха̄дит̣т̣хийа̄ имехи дасаха̄ка̄рехи абхинивесо хоти.

миччха̄дит̣т̣хиниддесо татийо.

4. сакка̄йадит̣т̣хиниддесо

137. сакка̄йадит̣т̣хийа̄ катамехи вӣсатийа̄ а̄ка̄рехи абхинивесо хоти? идха ассутава̄ путхуджджано арийа̄нам̣ адасса̄вӣ арийадхаммасса аковидо арийадхамме авинӣто, саппуриса̄нам̣ адасса̄вӣ саппурисадхаммасса аковидо саппурисадхамме авинӣто рӯпам̣ аттато саманупассати рӯпавантам̣ ва̄ атта̄нам̣ аттани ва̄ рӯпам̣ рӯпасмим̣ ва̄ атта̄нам̣. веданам̣… сан̃н̃ам̣… сан̇кха̄ре… вин̃н̃а̄н̣ам̣ аттато саманупассати вин̃н̃а̄н̣авантам̣ ва̄ атта̄нам̣ аттани ва̄ вин̃н̃а̄н̣ам̣ вин̃н̃а̄н̣асмим̣ ва̄ атта̄нам̣.

катхам̣ рӯпам̣ аттато саманупассати? идхекаччо патхавӣкасин̣ам̣…пе… ода̄такасин̣ам̣ аттато саманупассати. ‘‘йам̣ ода̄такасин̣ам̣, со ахам̣; йо ахам̣, там̣ ода̄такасин̣а’’нти – ода̄такасин̣ан̃ча аттан̃ча адвайам̣ саманупассати. сеййатха̄пи телаппадӣпасса джха̄йато…пе… евамевам̣ идхекаччо ода̄такасин̣ам̣ аттато саманупассати. абхинивесапара̄ма̄со дит̣т̣хи…пе… айам̣ пат̣хама̄ рӯпаваттхука̄ сакка̄йадит̣т̣хи. сакка̄йадит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ рӯпам̣ аттато саманупассати…пе… сакка̄йадит̣т̣хийа̄ имехи вӣсатийа̄ а̄ка̄рехи абхинивесо хоти.

сакка̄йадит̣т̣хиниддесо чатуттхо.

5. сассатадит̣т̣хиниддесо

138. сакка̄йаваттхука̄йа сассатадит̣т̣хийа̄ катамехи паннарасахи а̄ка̄рехи абхинивесо хоти? идха ассутава̄ путхуджджано арийа̄нам̣ адасса̄вӣ арийадхаммасса аковидо арийадхамме авинӣто саппуриса̄нам̣ адасса̄вӣ саппурисадхаммасса аковидо саппурисадхамме авинӣто рӯпавантам̣ ва̄ атта̄нам̣ аттани ва̄ рӯпам̣ рӯпасмим̣ ва̄ атта̄нам̣. ведана̄вантам̣ ва̄ атта̄нам̣…пе… сан̃н̃а̄вантам̣ ва̄ атта̄нам̣… сан̇кха̄равантам̣ ва̄ атта̄нам̣… вин̃н̃а̄н̣авантам̣ ва̄ атта̄нам̣ аттани ва̄ вин̃н̃а̄н̣ам̣ вин̃н̃а̄н̣асмим̣ ва̄ атта̄нам̣.

катхам̣ рӯпавантам̣ атта̄нам̣ саманупассати? идхекаччо веданам̣… сан̃н̃ам̣… сан̇кха̄ре… вин̃н̃а̄н̣ам̣ аттато саманупассати. тасса евам̣ хоти – ‘‘айам̣ кхо ме атта̄. со кхо пана ме айам̣ атта̄ имина̄ рӯпена рӯпава̄’’ти. рӯпавантам̣ атта̄нам̣ саманупассати. сеййатха̄пи руккхо чха̄йа̄сампанно асса. таменам̣ пурисо евам̣ вадеййа – ‘‘айам̣ руккхо, айам̣ чха̄йа̄; ан̃н̃о руккхо, ан̃н̃а̄ чха̄йа̄. со кхо пана̄йам̣ руккхо има̄йа чха̄йа̄йа чха̄йа̄ва̄’’ти. чха̄йа̄вантам̣ руккхам̣ саманупассати. евамевам̣ идхекаччо веданам̣…пе… айам̣ пат̣хама̄ сакка̄йаваттхука̄ сассатадит̣т̣хи. сассатадит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ рӯпавантам̣ атта̄нам̣ саманупассати…пе… сакка̄йаваттхука̄йа сассатадит̣т̣хийа̄ имехи паннарасахи а̄ка̄рехи абхинивесо хоти.

сассатадит̣т̣хиниддесо пан̃чамо.

6. уччхедадит̣т̣хиниддесо

139. сакка̄йаваттхука̄йа уччхедадит̣т̣хийа̄ катамехи пан̃чахи а̄ка̄рехи абхинивесо хоти? идха ассутава̄ путхуджджано арийа̄нам̣ адасса̄вӣ арийадхаммасса аковидо арийадхамме авинӣто саппуриса̄нам̣ адасса̄вӣ саппурисадхаммасса аковидо саппурисадхамме авинӣто рӯпам̣ аттато саманупассати, веданам̣ аттато саманупассати, сан̃н̃ам̣ аттато саманупассати, сан̇кха̄ре аттато саманупассати, вин̃н̃а̄н̣ам̣ аттато саманупассати.

катхам̣ рӯпам̣ аттато саманупассати? идхекаччо патхавӣкасин̣ам̣…пе… ода̄такасин̣ам̣ аттато саманупассати. ‘‘йам̣ ода̄такасин̣ам̣, со ахам̣; йо ахам̣, там̣ ода̄такасин̣а’’нти – ода̄такасин̣ан̃ча аттан̃ча адвайам̣ саманупассати. сеййатха̄пи телаппадӣпасса джха̄йато…пе… айам̣ пат̣хама̄ сакка̄йаваттхука̄ уччхедадит̣т̣хи. уччхедадит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ рӯпам̣ аттато саманупассати…пе… сакка̄йаваттхука̄йа уччхедадит̣т̣хийа̄ имехи пан̃чахи а̄ка̄рехи абхинивесо хоти.

уччхедадит̣т̣хиниддесо чхат̣т̣хо.

7. антагга̄хика̄дит̣т̣хиниддесо

140. антагга̄хика̄йа дит̣т̣хийа̄ катамехи пан̃н̃а̄са̄йа а̄ка̄рехи абхинивесо хоти? ‘‘сассато локо’’ти – антагга̄хика̄йа дит̣т̣хийа̄ катиха̄ка̄рехи абхинивесо хоти? ‘‘асассато локо’’ти – антагга̄хика̄йа дит̣т̣хийа̄ катиха̄ка̄рехи абхинивесо хоти? ‘‘антава̄ локо’’ти – антагга̄хика̄йа дит̣т̣хийа̄… ‘‘анантава̄ локо’’ти – антагга̄хика̄йа дит̣т̣хийа̄… ‘‘там̣ джӣвам̣ там̣ сарӣра’’нти – антагга̄хика̄йа дит̣т̣хийа̄… ‘‘ан̃н̃ам̣ джӣвам̣ ан̃н̃ам̣ сарӣра’’нти – антагга̄хика̄йа дит̣т̣хийа̄… ‘‘хоти татха̄гато парам̣ маран̣а̄’’ти…пе… на хоти татха̄гато парам̣ маран̣а̄’’ти… ‘‘хоти ча на ча хоти татха̄гато парам̣ маран̣а̄’’ти… ‘‘нева хоти на на хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ катиха̄ка̄рехи абхинивесо хоти?

‘‘сассато локо’’ти – антагга̄хика̄йа дит̣т̣хийа̄ пан̃чаха̄ка̄рехи абхинивесо хоти…пе… ‘‘нева хоти на на хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ пан̃чаха̄ка̄рехи абхинивесо хоти.

[ка] ‘‘сассато локо’’ти – антагга̄хика̄йа дит̣т̣хийа̄ катамехи пан̃чаха̄ка̄рехи абхинивесо хоти? рӯпам̣ локо чева сассатам̣ ча̄ти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ‘‘сассато локо’’ти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи …пе… има̄ни сан̃н̃оджана̄ни, на ча дит̣т̣хийо.

ведана̄ локо чева сассата̄ ча̄ти…пе… сан̃н̃а̄ локо чева сассата̄ ча̄ти…пе… сан̇кха̄ра̄ локо чева сассата̄ ча̄ти…пе… вин̃н̃а̄н̣ам̣ локо чева сассатан̃ча̄ти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пан̃чамӣ сассато локоти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. ‘‘сассато локо’’ти – антагга̄хика̄йа дит̣т̣хийа̄ имехи пан̃чаха̄ка̄рехи абхинивесо хоти.

[кха] ‘‘асассато локо’’ти – антагга̄хика̄йа дит̣т̣хийа̄ катамехи пан̃чаха̄ка̄рехи абхинивесо хоти? рӯпам̣ локо чева асассатан̃ча̄ти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи…пе… айам̣ пат̣хама̄ ‘‘асассато локо’’ти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи дит̣т̣хивипатти…пе… има̄ни сан̃н̃оджана̄ни, на ча дит̣т̣хийо.

ведана̄ локо чева асассата̄ ча̄ти…пе… сан̃н̃а̄ локо чева асассата̄ ча̄ти…пе… сан̇кха̄ра̄ локо чева асассата̄ ча̄ти…пе… вин̃н̃а̄н̣ам̣ локо чева асассатан̃ча̄ти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. ‘‘асассато локо’’ти – антагга̄хика̄йа дит̣т̣хийа̄ имехи пан̃чаха̄ка̄рехи абхинивесо хоти.

[га] ‘‘антава̄ локо’’ти – антагга̄хика̄йа дит̣т̣хийа̄ катамехи пан̃чаха̄ка̄рехи абхинивесо хоти? идхекаччо париттам̣ ока̄сам̣ нӣлакато пхарати. тасса евам̣ хоти – ‘‘антава̄ айам̣ локо париват̣умо’’ти. антасан̃н̃ӣ хоти. йам̣ пхарати, там̣ ваттху чева локо ча. йена пхарати, со атта̄ чева локо ча̄ти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ‘‘антава̄ локо’’ти антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо.

идхекаччо париттам̣ ока̄сам̣ пӣтакато пхарати… лохитакато пхарати… ода̄такато пхарати… обха̄сакато пхарати. тасса евам̣ хоти – ‘‘антава̄ айам̣ локо париват̣умо’’ти. антасан̃н̃ӣ хоти. йам̣ пхарати там̣ ваттху чева локо ча. йена пхарати со атта̄ чева локо ча̄ти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи…пе… антава̄ локоти – антагга̄хика̄йа дит̣т̣хийа̄ имехи пан̃чаха̄ка̄рехи абхинивесо хоти.

[гха] ‘‘анантава̄ локо’’ти – антагга̄хика̄йа дит̣т̣хийа̄ катамехи пан̃чаха̄ка̄рехи абхинивесо хоти? идхекаччо випулам̣ ока̄сам̣ нӣлакато пхарати. тасса евам̣ хоти – ‘‘анантава̄ айам̣ локо апарийанто’’ти. анантасан̃н̃ӣ хоти. йам̣ пхарати там̣ ваттху чева локо ча; йена пхарати со атта̄ чева локо ча̄ти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ‘‘анантава̄ локо’’ти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо.

идхекаччо випулам̣ ока̄сам̣ пӣтакато пхарати… лохитакато пхарати… ода̄такато пхарати… обха̄сакато пхарати. тасса евам̣ хоти – ‘‘анантава̄ айам̣ локо апарийанто’’ти. анантасан̃н̃ӣ хоти. йам̣ пхарати там̣ ваттху чева локо ча; йена пхарати со атта̄ чева локо ча̄ти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи…пе… анантава̄ локоти – антагга̄хика̄йа дит̣т̣хийа̄ имехи пан̃чаха̄ка̄рехи абхинивесо хоти.

[н̇а] ‘‘там̣ джӣвам̣ там̣ сарӣра’’нти – антагга̄хика̄йа дит̣т̣хийа̄ катамехи пан̃чаха̄ка̄рехи абхинивесо хоти? рӯпам̣ джӣван̃чева сарӣран̃ча; йам̣ джӣвам̣ там̣ сарӣрам̣, йам̣ сарӣрам̣ там̣ джӣванти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ‘‘там̣ джӣвам̣ там̣ сарӣра’’нти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо.

ведана̄ джӣва̄ чева сарӣрам̣ ча… сан̃н̃а̄ джӣва̄ чева сарӣрам̣ ча… сан̇кха̄ра̄ джӣва̄ чева сарӣрам̣ ча… вин̃н̃а̄н̣ам̣ джӣван̃чева сарӣран̃ча; йам̣ джӣвам̣ там̣ сарӣрам̣, йам̣ сарӣрам̣ там̣ джӣванти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи…пе… ‘‘там̣ джӣвам̣ там̣ сарӣра’’нти – антагга̄хика̄йа дит̣т̣хийа̄ имехи пан̃чаха̄ка̄рехи абхинивесо хоти.

[ча] ‘‘ан̃н̃ам̣ джӣвам̣ ан̃н̃ам̣ сарӣра’’нти – антагга̄хика̄йа дит̣т̣хийа̄ катамехи пан̃чаха̄ка̄рехи абхинивесо хоти? рӯпам̣ сарӣрам̣, на джӣвам̣; джӣвам̣ на сарӣрам̣. ан̃н̃ам̣ джӣвам̣ ан̃н̃ам̣ сарӣранти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ‘‘ан̃н̃ам̣ джӣвам̣ ан̃н̃ам̣ сарӣра’’нти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо.

ведана̄ сарӣрам̣, на джӣвам̣… сан̃н̃а̄ сарӣрам̣, на джӣвам̣… сан̇кха̄ра̄ сарӣрам̣, на джӣвам̣… вин̃н̃а̄н̣ам̣ сарӣрам̣, на джӣвам̣; джӣвам̣ на сарӣрам̣. ан̃н̃ам̣ джӣвам̣, ан̃н̃ам̣ сарӣранти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи…пе… ан̃н̃ам̣ джӣвам̣, ан̃н̃ам̣ сарӣранти – антагга̄хика̄йа дит̣т̣хийа̄ имехи пан̃чаха̄ка̄рехи абхинивесо хоти.

[чха] ‘‘хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ катамехи пан̃чаха̄ка̄рехи абхинивесо хоти? рӯпам̣ идхева маран̣адхаммам̣. татха̄гато ка̄йасса бхеда̄ хотипи тит̣т̣хатипи уппаджджатипи ниббаттатипӣти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ‘‘хоти татха̄гато парам̣ маран̣а̄’’ти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо.

[джа] ‘‘на хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ катамехи пан̃чаха̄ка̄рехи абхинивесо хоти? рӯпам̣ идхева маран̣адхаммам̣. татха̄гатопи ка̄йасса бхеда̄ уччхиджджати винассати; на хоти татха̄гато парам̣ маран̣а̄ти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ‘‘на хоти татха̄гато парам̣ маран̣а̄’’ти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо.

ведана̄ идхева маран̣адхамма̄…пе… сан̃н̃а̄ идхева маран̣адхамма̄… сан̇кха̄ра̄ идхева маран̣адхамма̄… вин̃н̃а̄н̣ам̣ идхева маран̣адхаммам̣. татха̄гатопи ка̄йасса бхеда̄ уччхиджджати винассати. ‘‘на хоти татха̄гато парам̣ маран̣а̄’’ти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи…пе… ‘‘на хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ имехи пан̃чаха̄ка̄рехи абхинивесо хоти.

[джха] ‘‘хоти ча на ча хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ катамехи пан̃чаха̄ка̄рехи абхинивесо хоти? рӯпам̣ идхева маран̣адхаммам̣. татха̄гато ка̄йасса бхеда̄ хоти ча на ча хотӣти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ‘‘хоти ча на ча хоти татха̄гато парам̣ маран̣а̄’’ти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи…пе… има̄ни сан̃н̃оджана̄ни на ча дит̣т̣хийо.

[н̃а] ‘‘нева хоти на на хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ катамехи пан̃чаха̄ка̄рехи абхинивесо хоти? рӯпам̣ идхева маран̣адхаммам̣. татха̄гато ка̄йасса бхеда̄ парам̣ маран̣а̄ нева хоти на на хотӣти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. дит̣т̣хи на ваттху, ваттху на дит̣т̣хи, ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ‘‘нева хоти на на хоти татха̄гато парам̣ маран̣а̄’’ти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо.

ведана̄ идхева маран̣адхамма̄…пе… сан̃н̃а̄ идхева маран̣адхамма̄… сан̇кха̄ра̄ идхева маран̣адхамма̄… вин̃н̃а̄н̣ам̣ идхева маран̣адхаммам̣. татха̄гато ка̄йасса бхеда̄ парам̣ маран̣а̄ нева хоти на на хотӣти – абхинивесапара̄ма̄со дит̣т̣хи. та̄йа дит̣т̣хийа̄ со анто гахитоти – антагга̄хика̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пан̃чамӣ ‘‘нева хоти на на хоти татха̄гато парам̣ маран̣а̄’’ти – антагга̄хика̄ дит̣т̣хи. антагга̄хика̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. ‘‘нева хоти на на хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ имехи пан̃чаха̄ка̄рехи абхинивесо хоти. антагга̄хика̄йа дит̣т̣хийа̄ имехи пан̃н̃а̄са̄йа а̄ка̄рехи абхинивесо хоти.

антагга̄хика̄дит̣т̣хиниддесо саттамо.

8. пуббанта̄нудит̣т̣хиниддесо

141. пуббанта̄нудит̣т̣хийа̄ катамехи ат̣т̣ха̄расахи а̄ка̄рехи абхинивесо хоти? чатта̄ро сассатава̄да̄, чатта̄ро екаччасассатика̄, чатта̄ро анта̄нантика̄, чатта̄ро амара̄виккхепика̄, две адхиччасамуппанника̄ – пуббанта̄нудит̣т̣хийа̄ имехи ат̣т̣ха̄расахи а̄ка̄рехи абхинивесо хоти.

пуббанта̄нудит̣т̣хиниддесо ат̣т̣хамо.

9. апаранта̄нудит̣т̣хиниддесо

142. апаранта̄нудит̣т̣хийа̄ катамехи чатучатта̄лӣса̄йа а̄ка̄рехи абхинивесо хоти? сол̣аса сан̃н̃ӣва̄да̄, ат̣т̣ха асан̃н̃ӣва̄да̄, ат̣т̣ха невасан̃н̃ӣна̄сан̃н̃ӣва̄да̄, сатта уччхедава̄да̄, пан̃ча дит̣т̣хадхамманибба̄нава̄да̄ – апаранта̄нудит̣т̣хийа̄ имехи чатучатта̄лӣса̄йа а̄ка̄рехи абхинивесо хоти.

апаранта̄нудит̣т̣хиниддесо навамо.

10-12. сан̃н̃оджаника̄дидит̣т̣хиниддесо

143. сан̃н̃оджаника̄йа дит̣т̣хийа̄ катамехи ат̣т̣ха̄расахи а̄ка̄рехи абхинивесо хоти? йа̄ дит̣т̣хи дит̣т̣хигатам̣ дит̣т̣хигаханам̣…пе… дит̣т̣ха̄бхинивесо дит̣т̣хипара̄ма̄со – сан̃н̃оджаника̄йа дит̣т̣хийа̄ имехи ат̣т̣ха̄расахи а̄ка̄рехи абхинивесо хоти.

144. ‘‘аха’’нти – ма̄навинибандха̄йа дит̣т̣хийа̄ катамехи ат̣т̣ха̄расахи а̄ка̄рехи абхинивесо хоти? чаккху аханти – абхинивесапара̄ма̄со. аханти – ма̄навинибандха̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ‘‘аха’’нти – ма̄навинибандха̄ дит̣т̣хи. ма̄навинибандха̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо.

сотам̣ аханти…пе… гха̄нам̣ аханти…пе… дживха̄ аханти…пе… ка̄йо аханти…пе… мано аханти…пе… рӯпа̄ аханти…пе… дхамма̄ аханти… чаккхувин̃н̃а̄н̣ам̣ аханти…пе… мановин̃н̃а̄н̣ам̣ аханти – абхинивесапара̄ма̄со. аханти – ма̄навинибандха̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ ат̣т̣ха̄расамӣ ‘‘аха’’нти – ма̄навинибандха̄ дит̣т̣хи. ма̄навинибандха̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. ‘‘аха’’нти – ма̄навинибандха̄йа дит̣т̣хийа̄ имехи ат̣т̣ха̄расахи а̄ка̄рехи абхинивесо хоти.

145. ‘‘мама’’нти – ма̄навинибандха̄йа дит̣т̣хийа̄ катамехи ат̣т̣ха̄расахи а̄ка̄рехи абхинивесо хоти? чаккху маманти – абхинивесапара̄ма̄со. маманти – ма̄навинибандха̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ ‘‘мама’’нти – ма̄навинибандха̄ дит̣т̣хи. ма̄навинибандха̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо.

сотам̣ маманти…пе… гха̄нам̣ маманти…пе… дживха̄ маманти…пе… ка̄йо маманти…пе… мано маманти…пе… рӯпа̄ маманти…пе… дхамма̄ маманти…пе… чаккхувин̃н̃а̄н̣ам̣ маманти…пе… мановин̃н̃а̄н̣ам̣ маманти абхинивесапара̄ма̄со. маманти ма̄навинибандха̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ ат̣т̣ха̄расамӣ ‘‘мама’’нти – ма̄навинибандха̄ дит̣т̣хи. ма̄навинибандха̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. ‘‘мама’’нти – ма̄навинибандха̄йа дит̣т̣хийа̄ имехи ат̣т̣ха̄расахи а̄ка̄рехи абхинивесо хоти.

сан̃н̃оджаника̄дидит̣т̣хиниддесо два̄дасамо.

13. аттава̄дапат̣исам̣йуттадит̣т̣хиниддесо

146. аттава̄дапат̣исам̣йутта̄йа дит̣т̣хийа̄ катамехи вӣсатийа̄ а̄ка̄рехи абхинивесо хоти? идха ассутава̄ путхуджджано арийа̄нам̣ адасса̄вӣ арийадхаммасса аковидо арийадхамме авинӣто саппуриса̄нам̣ адасса̄вӣ саппурисадхаммасса аковидо саппурисадхамме авинӣто рӯпам̣ аттато саманупассати рӯпавантам̣ ва̄ атта̄нам̣ аттани ва̄ рӯпам̣ рӯпасмим̣ ва̄ атта̄нам̣…пе… веданам̣… сан̃н̃ам̣… сан̇кха̄ре… вин̃н̃а̄н̣ам̣ аттато саманупассати вин̃н̃а̄н̣авантам̣ ва̄ атта̄нам̣ аттани ва̄ вин̃н̃а̄н̣ам̣ вин̃н̃а̄н̣асмим̣ ва̄ атта̄нам̣…пе….

катхам̣ рӯпам̣ аттато саманупассати? идхекаччо патхавӣкасин̣ам̣…пе… ода̄такасин̣ам̣ аттато саманупассати. ‘‘йам̣ ода̄такасин̣ам̣, со ахам̣; йо ахам̣, там̣ ода̄такасин̣а’’нти – ода̄такасин̣ан̃ча аттан̃ча адвайам̣ саманупассати. сеййатха̄пи телаппадӣпасса джха̄йато ‘‘йа̄ аччи, со ван̣н̣о; йо ван̣н̣о, са̄ аччӣ’’ти – аччин̃ча ван̣н̣ан̃ча адвайам̣ саманупассати. евамевам̣ идхекаччо ода̄такасин̣ам̣ аттато саманупассати…пе… айам̣ пат̣хама̄ рӯпаваттхука̄ аттава̄дапат̣исам̣йутта̄ дит̣т̣хи. аттава̄дапат̣исам̣йутта̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо. евам̣ рӯпам̣ аттато саманупассати…пе… аттава̄дапат̣исам̣йутта̄йа дит̣т̣хийа̄ имехи вӣсатийа̄ а̄ка̄рехи абхинивесо хоти.

аттава̄дапат̣исам̣йуттадит̣т̣хиниддесо терасамо.

14. локава̄дапат̣исам̣йуттадит̣т̣хиниддесо

147. локава̄дапат̣исам̣йутта̄йа дит̣т̣хийа̄ катамехи ат̣т̣хахи а̄ка̄рехи абхинивесо хоти? сассато атта̄ ча локо ча̄ти – абхинивесапара̄ма̄со локава̄дапат̣исам̣йутта̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄, дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ пат̣хама̄ локава̄дапат̣исам̣йутта̄ дит̣т̣хи. локава̄дапат̣исам̣йутта̄ дит̣т̣хи миччха̄дит̣т̣хи…пе… има̄ни сан̃н̃оджана̄ни, на ча дит̣т̣хийо.

асассато атта̄ ча локо ча̄ти…пе… сассато ча асассато ча атта̄ ча локо ча̄ти…пе… нева сассато на̄сассато атта̄ ча локо ча̄ти… антава̄ атта̄ ча локо ча̄ти… анантава̄ атта̄ ча локо ча̄ти… антава̄ ча анантава̄ ча атта̄ ча локо ча̄ти… нева антава̄ на анантава̄ атта̄ ча локо ча̄ти абхинивесапара̄ма̄со локава̄дапат̣исам̣йутта̄ дит̣т̣хи. дит̣т̣хи на ваттху, ваттху на дит̣т̣хи. ан̃н̃а̄ дит̣т̣хи, ан̃н̃ам̣ ваттху. йа̄ ча дит̣т̣хи йан̃ча ваттху – айам̣ ат̣т̣хамӣ локава̄дапат̣исам̣йутта̄ дит̣т̣хи. локава̄дапат̣исам̣йутта̄ дит̣т̣хи миччха̄дит̣т̣хи …пе… има̄ни сан̃н̃оджана̄ни, на ча дит̣т̣хийо. локава̄дапат̣исам̣йутта̄йа дит̣т̣хийа̄ имехи ат̣т̣хахи а̄ка̄рехи абхинивесо хоти.

локава̄дапат̣исам̣йуттадит̣т̣хиниддесо чуддасамо.

15-16. бхава-вибхавадит̣т̣хиниддесо

148. олӣйана̄бхинивесо бхавадит̣т̣хи. атидха̄вана̄бхинивесо вибхавадит̣т̣хи. асса̄дадит̣т̣хийа̄ пан̃чатим̣са̄йа а̄ка̄рехи абхинивесо кати бхавадит̣т̣хийо, кати вибхавадит̣т̣хийо? атта̄нудит̣т̣хийа̄ вӣсатийа̄ а̄ка̄рехи абхинивесо кати бхавадит̣т̣хийо кати вибхавадит̣т̣хийо…пе… локава̄дапат̣исам̣йутта̄йа дит̣т̣хийа̄ ат̣т̣хахи а̄ка̄рехи абхинивесо кати бхавадит̣т̣хийо кати вибхавадит̣т̣хийо?

асса̄дадит̣т̣хийа̄ пан̃чатим̣са̄йа а̄ка̄рехи абхинивесо сийа̄ бхавадит̣т̣хийо, сийа̄ вибхавадит̣т̣хийо. атта̄нудит̣т̣хийа̄ вӣсатийа̄ а̄ка̄рехи абхинивесо паннараса бхавадит̣т̣хийо, пан̃ча вибхавадит̣т̣хийо. миччха̄дит̣т̣хийа̄ дасахи а̄ка̄рехи абхинивесо сабба̄ва та̄ вибхавадит̣т̣хийо. сакка̄йадит̣т̣хийа̄ вӣсатийа̄ а̄ка̄рехи абхинивесо паннараса бхавадит̣т̣хийо, пан̃ча вибхавадит̣т̣хийо. сакка̄йаваттхука̄йа сассатадит̣т̣хийа̄ паннарасахи а̄ка̄рехи абхинивесо сабба̄ва та̄ бхавадит̣т̣хийо. сакка̄йаваттхука̄йа уччхедадит̣т̣хийа̄ пан̃чаха̄ка̄рехи абхинивесо сабба̄ва та̄ вибхавадит̣т̣хийо.

‘‘сассато локо’’ти – антагга̄хика̄йа дит̣т̣хийа̄ пан̃чаха̄ка̄рехи абхинивесо сабба̄ва та̄ бхавадит̣т̣хийо. ‘‘асассато локо’’ти – антагга̄хика̄йа дит̣т̣хийа̄ пан̃чаха̄ка̄рехи абхинивесо сабба̄ва та̄ вибхавадит̣т̣хийо. ‘‘антава̄ локо’’ти – антагга̄хика̄йа дит̣т̣хийа̄ пан̃чаха̄ка̄рехи абхинивесо сийа̄ бхавадит̣т̣хийо, сийа̄ вибхавадит̣т̣хийо. ‘‘анантава̄ локо’’ти – антагга̄хика̄йа дит̣т̣хийа̄ пан̃чаха̄ка̄рехи абхинивесо сийа̄ бхавадит̣т̣хийо, сийа̄ вибхавадит̣т̣хийо. ‘‘там̣ джӣвам̣ там̣ сарӣра’’нти – антагга̄хика̄йа дит̣т̣хийа̄ пан̃чаха̄ка̄рехи абхинивесо сабба̄ва та̄ вибхавадит̣т̣хийо. ‘‘ан̃н̃ам̣ джӣвам̣ ан̃н̃ам̣ сарӣра’’нти – антагга̄хика̄йа дит̣т̣хийа̄ пан̃чаха̄ка̄рехи абхинивесо сабба̄ва та̄ бхавадит̣т̣хийо. ‘‘хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ пан̃чаха̄ка̄рехи абхинивесо сабба̄ва та̄ бхавадит̣т̣хийо. ‘‘на хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ пан̃чаха̄ка̄рехи абхинивесо сабба̄ва та̄ вибхавадит̣т̣хийо. ‘‘хоти ча на ча хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ пан̃чаха̄ка̄рехи абхинивесо сийа̄ бхавадит̣т̣хийо, сийа̄ вибхавадит̣т̣хийо ‘‘нева хоти на на хоти татха̄гато парам̣ маран̣а̄’’ти – антагга̄хика̄йа дит̣т̣хийа̄ пан̃чаха̄ка̄рехи абхинивесо сийа̄ бхавадит̣т̣хийо, сийа̄ вибхавадит̣т̣хийо.

пуббанта̄нудит̣т̣хийа̄ ат̣т̣ха̄расахи а̄ка̄рехи абхинивесо сийа̄ бхавадит̣т̣хийо, сийа̄ вибхавадит̣т̣хийо. апаранта̄нудит̣т̣хийа̄ чатучатта̄рӣса̄йа а̄ка̄рехи абхинивесо сийа̄ бхавадит̣т̣хийо, сийа̄ вибхавадит̣т̣хийо. сан̃н̃оджаника̄йа дит̣т̣хийа̄ ат̣т̣ха̄расахи а̄ка̄рехи абхинивесо сийа̄ бхавадит̣т̣хийо, сийа̄ вибхавадит̣т̣хийо. аханти – ма̄навинибандха̄йа дит̣т̣хийа̄ ат̣т̣ха̄расахи а̄ка̄рехи абхинивесо сабба̄ва та̄ вибхавадит̣т̣хийо. маманти – ма̄навинибандха̄йа дит̣т̣хийа̄ ат̣т̣ха̄расахи а̄ка̄рехи абхинивесо сабба̄ва та̄ бхавадит̣т̣хийо. аттава̄дапат̣исам̣йутта̄йа дит̣т̣хийа̄ вӣсатийа̄ а̄ка̄рехи абхинивесо паннараса бхавадит̣т̣хийо, пан̃ча вибхавадит̣т̣хийо. локава̄дапат̣исам̣йутта̄йа дит̣т̣хийа̄ ат̣т̣хахи а̄ка̄рехи абхинивесо сийа̄ бхавадит̣т̣хийо, сийа̄ вибхавадит̣т̣хийо.

сабба̄ва та̄ дит̣т̣хийо асса̄дадит̣т̣хийо. сабба̄ва та̄ дит̣т̣хийо атта̄нудит̣т̣хийо. сабба̄ва та̄ дит̣т̣хийо миччха̄дит̣т̣хийо. сабба̄ва та̄ дит̣т̣хийо сакка̄йадит̣т̣хийо. сабба̄ва та̄ дит̣т̣хийо антагга̄хика̄ дит̣т̣хийо. сабба̄ва та̄ дит̣т̣хийо сан̃н̃оджаника̄ дит̣т̣хийо. сабба̄ва та̄ дит̣т̣хийо аттава̄дапат̣исам̣йутта̄ дит̣т̣хийо.

бхаван̃ча дит̣т̣хим̣ вибхаван̃ча дит̣т̣хим̣, етам̣ двайам̣ таккика̄ ниссита̄се;

тесам̣ ниродхамхи на хаттхи н̃а̄н̣ам̣, йаттха̄йам̣ локо випарӣтасан̃н̃ӣти.

149. ‘‘двӣхи, бхиккхаве, дит̣т̣хигатехи парийут̣т̣хита̄ деваманусса̄ олӣйанти [олийанти (сйа̄. ка.) итиву. 49 пасситабба̄] еке, атидха̄ванти еке; чаккхуманто ча пассанти. катхан̃ча, бхиккхаве, олӣйанти еке? бхава̄ра̄ма̄, бхиккхаве, деваманусса̄ бхаварата̄ бхавасаммудита̄. тесам̣ бхаваниродха̄йа дхамме десийама̄не читтам̣ на паккхандати на пасӣдати на сантит̣т̣хати на̄дхимуччати. евам̣ кхо, бхиккхаве, олӣйанти еке.

‘‘катхан̃ча, бхиккхаве, атидха̄ванти еке? бхавенева кхо панеке ат̣т̣ӣйама̄на̄ [ат̣т̣ийама̄на̄ (сйа̄. ка.) итиву. 49 пасситабба̄] хара̄йама̄на̄ джигуччхама̄на̄ вибхавам̣ абхинанданти – ‘‘йато кира, бхо, айам̣ атта̄ ка̄йасса бхеда̄ парам̣ маран̣а̄ уччхиджджати винассати на хоти парам̣ маран̣а̄, етам̣ сантам̣ етам̣ пан̣ӣтам̣ етам̣ йа̄тха̄ванти. евам̣ кхо, бхиккхаве, атидха̄ванти еке.

‘‘катхан̃ча, бхиккхаве, чаккхуманто ча пассанти? идха, бхиккхаве, бхиккху бхӯтам̣ бхӯтато пассати. бхӯтам̣ бхӯтато дисва̄ бхӯтасса ниббида̄йа вира̄га̄йа ниродха̄йа пат̣ипанно хоти. евам̣ кхо, бхиккхаве, чаккхуманто ча пассанти.

‘‘йо [айам̣ га̄тха̄ итиву. 49 диссати] бхӯтам̣ бхӯтато дисва̄, бхӯтасса ча атиккамам̣;

йатха̄бхӯтедхимуччати, бхаватан̣ха̄ париккхайа̄.

‘‘са ве бхӯтапарин̃н̃а̄то, вӣтатан̣хо бхава̄бхаве;

бхӯтасса вибхава̄ бхиккху, на̄гаччхати пунаббхава’’нти.

150. тайо пуггала̄ випаннадит̣т̣хӣ, тайо пуггала̄ сампаннадит̣т̣хӣ. катаме тайо пуггала̄ випаннадит̣т̣хӣ? титтхийо ча, титтхийаса̄вако ча, йо ча миччха̄дит̣т̣хико – име тайо пуггала̄ випаннадит̣т̣хӣ.

катаме тайо пуггала̄ сампаннадит̣т̣хӣ? татха̄гато ча, татха̄гатаса̄вако ча, йо ча самма̄дит̣т̣хико – име тайо пуггала̄ сампаннадит̣т̣хӣ.

‘‘кодхано упана̄хӣ ча, па̄памаккхӣ ча йо наро;

випаннадит̣т̣хи ма̄йа̄вӣ, там̣ джан̃н̃а̄ васало ити’’ [име (сйа̄.) су. ни. 116 пасситабба̄].

аккодхано анупана̄хӣ, висуддхо [амаккхӣ (сйа̄.) ат̣т̣хакатха̄ олокетабба̄] суддхатам̣ гато;

сампаннадит̣т̣хи медха̄вӣ, там̣ джан̃н̃а̄ арийо итӣти.

тиссо випаннадит̣т̣хийо, тиссо сампаннадит̣т̣хийо. катама̄ тиссо випаннадит̣т̣хийо? етам̣ мама̄ти – випаннадит̣т̣хи. есохамасмӣти – випаннадит̣т̣хи. есо ме атта̄ти – випаннадит̣т̣хи. има̄ тиссо випаннадит̣т̣хийо.

катама̄ тиссо сампаннадит̣т̣хийо? нетам̣ мама̄ти – сампаннадит̣т̣хи. несохамасмӣти – сампаннадит̣т̣хи. на месо атта̄ти – сампаннадит̣т̣хи. има̄ тиссо сампаннадит̣т̣хийо.

етам̣ мама̄ти – ка̄ дит̣т̣хи, кати дит̣т̣хийо, катаманта̄нуггахита̄ та̄ дит̣т̣хийо? есохамасмӣти – ка̄ дит̣т̣хи, кати дит̣т̣хийо, катаманта̄нуггахита̄ та̄ дит̣т̣хийо? есо ме атта̄ти – ка̄ дит̣т̣хи, кати дит̣т̣хийо, катаманта̄нуггахита̄ та̄ дит̣т̣хийо?

етам̣ мама̄ти – пуббанта̄нудит̣т̣хи. ат̣т̣ха̄раса дит̣т̣хийо. пуббанта̄нуггахита̄ та̄ дит̣т̣хийо. есохамасмӣти – апаранта̄нудит̣т̣хи. чатучатта̄рӣсам̣ дит̣т̣хийо. апаранта̄нуггахита̄ та̄ дит̣т̣хийо. есо ме атта̄ти – вӣсативаттхука̄ атта̄нудит̣т̣хи. вӣсативаттхука̄ сакка̄йадит̣т̣хи. сакка̄йадит̣т̣хиппамукха̄ни [сакка̄йадит̣т̣хиппамукхена (сйа̄.)] два̄сат̣т̣хи дит̣т̣хигата̄ни. пуббанта̄паранта̄нуггахита̄ та̄ дит̣т̣хийо.

151. ‘‘йе кечи, бхиккхаве, майи нит̣т̣хам̣ гата̄, саббе те дит̣т̣хисампанна̄. тесам̣ дит̣т̣хисампанна̄нам̣ пан̃чаннам̣ идха нит̣т̣ха̄, пан̃чаннам̣ идха виха̄йа нит̣т̣ха̄. катамесам̣ пан̃чаннам̣ идха нит̣т̣ха̄? саттаккхаттупарамасса, колам̣коласса, екабӣджисса, сакада̄га̄мисса, йо ча дит̣т̣хева дхамме араха̄ – имесам̣ пан̃чаннам̣ идха нит̣т̣ха̄.

‘‘катамесам̣ пан̃чаннам̣ идха виха̄йа нит̣т̣ха̄? антара̄паринибба̄йисса, упахаччапаринибба̄йисса, асан̇кха̄рапаринибба̄йисса, сасан̇кха̄рапаринибба̄йисса, уддхам̣сотасса, аканит̣т̣хага̄мино – имесам̣ пан̃чаннам̣ идха виха̄йа нит̣т̣ха̄.

‘‘йе кечи, бхиккхаве, майи нит̣т̣хам̣ гата̄, саббе те дит̣т̣хисампанна̄. тесам̣ дит̣т̣хисампанна̄нам̣ имесам̣ пан̃чаннам̣ идха нит̣т̣ха̄, имесам̣ пан̃чаннам̣ идха виха̄йа нит̣т̣ха̄.

‘‘йе кечи, бхиккхаве, майи авеччаппасанна̄, саббе те сота̄панна̄. тесам̣ сота̄панна̄нам̣ пан̃чаннам̣ идха нит̣т̣ха̄, пан̃чаннам̣ идха виха̄йа нит̣т̣ха̄. катамесам̣ пан̃чаннам̣ идха нит̣т̣ха̄? саттаккхаттупарамасса, колам̣коласса, екабӣджисса, сакада̄га̄мисса, йо ча дит̣т̣хева дхамме араха̄ – имесам̣ пан̃чаннам̣ идха нит̣т̣ха̄.

‘‘йе кечи, бхиккхаве, майи авеччаппасанна̄, саббе те сота̄панна̄. тесам̣ сота̄панна̄нам̣ имесам̣ пан̃чаннам̣ идха нит̣т̣ха̄. имесам̣ пан̃чаннам̣ идха виха̄йа нит̣т̣ха̄ти’’.

бхававибхавадит̣т̣хиниддесо сол̣асамо.

дит̣т̣хикатха̄ нит̣т̣хита̄.