10. ман̣д̣апеййакатха̄

238. ‘‘ман̣д̣апеййамидам̣, бхиккхаве, брахмачарийам̣. саттха̄ саммукхӣбхӯто тидхаттаман̣д̣о [тивидхо ман̣д̣о (бахӯсу) ат̣т̣хакатха̄ олокетабба̄]. саттхари саммукхӣбхӯте десана̄ман̣д̣о, пат̣иггахаман̣д̣о, брахмачарийаман̣д̣о’’.

катамо десана̄ман̣д̣о? чатуннам̣ арийасачча̄нам̣ а̄чиккхана̄ десана̄ пан̃н̃а̄пана̄ пат̣т̣хапана̄ виваран̣а̄ вибхаджана̄ утта̄нӣкаммам̣ [утта̄никаммам̣ (ка.)], чатуннам̣ сатипат̣т̣ха̄на̄нам̣…пе… чатуннам̣ саммаппадха̄на̄нам̣… чатуннам̣ иддхипа̄да̄нам̣… пан̃чаннам̣ индрийа̄нам̣… пан̃чаннам̣ бала̄нам̣… саттаннам̣ боджджхан̇га̄нам̣… арийасса ат̣т̣хан̇гикасса маггасса а̄чиккхана̄ десана̄ пан̃н̃а̄пана̄ пат̣т̣хапана̄ виваран̣а̄ вибхаджана̄ утта̄нӣкаммам̣ – айам̣ десана̄ман̣д̣о.

катамо пат̣иггахаман̣д̣о? бхиккхӯ бхиккхунийо упа̄сака̄ упа̄сика̄йо дева̄ манусса̄ йе ва̄ панан̃н̃епи кечи вин̃н̃а̄та̄ро – айам̣ пат̣иггахаман̣д̣о.

катамо брахмачарийаман̣д̣о? айамева арийо ат̣т̣хан̇гико магго, сеййатхидам̣ – самма̄дит̣т̣хи, самма̄сан̇каппо, самма̄ва̄ча̄, самма̄камманто, самма̄а̄джӣво, самма̄ва̄йа̄мо, самма̄сати, самма̄сама̄дхи – айам̣ брахмачарийаман̣д̣о.

239. адхимоккхаман̣д̣о саддхиндрийам̣, ассаддхийам̣ касат̣о; ассаддхийам̣ касат̣ам̣ чхад̣д̣етва̄ саддхиндрийасса адхимоккхаман̣д̣ам̣ пиватӣти – ман̣д̣апеййам̣. паггахаман̣д̣о вӣрийиндрийам̣, косаджджам̣ касат̣о; косаджджам̣ касат̣ам̣ чхад̣д̣етва̄ вӣрийиндрийасса паггахаман̣д̣ам̣ пиватӣти – ман̣д̣апеййам̣. упат̣т̣ха̄наман̣д̣о сатиндрийам̣, пама̄до касат̣о; пама̄дам̣ касат̣ам̣ чхад̣д̣етва̄ сатиндрийасса упат̣т̣ха̄наман̣д̣ам̣ пиватӣти – ман̣д̣апеййам̣. авиккхепаман̣д̣о сама̄дхиндрийам̣, уддхаччам̣ касат̣о; уддхаччам̣ касат̣ам̣ чхад̣д̣етва̄ сама̄дхиндрийасса авиккхепаман̣д̣ам̣ пиватӣти – ман̣д̣апеййам̣. дассанаман̣д̣о пан̃н̃индрийам̣, авиджджам̣ касат̣о; авиджджам̣ касат̣ам̣ чхад̣д̣етва̄ пан̃н̃индрийасса дассанаман̣д̣ам̣ пиватӣти – ман̣д̣апеййам̣.

ассаддхийе акампийаман̣д̣о саддха̄балам̣, ассаддхийам̣ касат̣о; ассаддхийам̣ касат̣ам̣ чхад̣д̣етва̄ саддха̄баласса ассаддхийе акампийаман̣д̣ам̣ пиватӣти – ман̣д̣апеййам̣. косадждже акампийаман̣д̣о вӣрийабалам̣, косаджджам̣ касат̣о; косаджджам̣ касат̣ам̣ чхад̣д̣етва̄ вӣрийабаласса косадждже акампийаман̣д̣ам̣ пиватӣти – ман̣д̣апеййам̣. пама̄де акампийаман̣д̣о сатибалам̣, пама̄до касат̣о; пама̄дам̣ касат̣ам̣ чхад̣д̣етва̄ сатибаласса пама̄де акампийаман̣д̣ам̣ пиватӣти – ман̣д̣апеййам̣. уддхачче акампийаман̣д̣о сама̄дхибалам̣, уддхаччам̣ касат̣о; уддхаччам̣ касат̣ам̣ чхад̣д̣етва̄ сама̄дхибаласса уддхачче акампийаман̣д̣ам̣ пиватӣти – ман̣д̣апеййам̣. авиджджа̄йа акампийаман̣д̣о пан̃н̃а̄балам̣, авиджджа̄ касат̣о; авиджджам̣ касат̣ам̣ чхад̣д̣етва̄ пан̃н̃а̄баласса авиджджа̄йа акампийаман̣д̣ам̣ пиватӣти – ман̣д̣апеййам̣.

упат̣т̣ха̄наман̣д̣о сатисамбоджджхан̇га̄, пама̄до касат̣о; пама̄дам̣ касат̣ам̣ чхад̣д̣етва̄ сатисамбоджджхан̇гасса упат̣т̣ха̄наман̣д̣ам̣ пиватӣти – ман̣д̣апеййам̣. павичайаман̣д̣о дхаммавичайасамбоджджхан̇го, авиджджа̄ касат̣о; авиджджам̣ касат̣ам̣ чхад̣д̣етва̄ дхаммавичайасамбоджджхан̇гасса павичайаман̣д̣ам̣ пиватӣти – ман̣д̣апеййам̣. паггахаман̣д̣о вӣрийасамбоджджхан̇го, косаджджам̣ касат̣о; косаджджам̣ касат̣ам̣ чхад̣д̣етва̄ вӣрийасамбоджджхан̇гасса паггахаман̣д̣ам̣ пиватӣти – ман̣д̣апеййам̣. пхаран̣аман̣д̣о пӣтисамбоджджхан̇го, парил̣а̄хо касат̣о; парил̣а̄хам̣ касат̣ам̣ чхад̣д̣етва̄ пӣтисамбоджджхан̇гасса пхаран̣аман̣д̣ам̣ пиватӣти – ман̣д̣апеййам̣. упасамаман̣д̣о пассаддхисамбоджджхан̇го, дут̣т̣хуллам̣ касат̣о; дут̣т̣хуллам̣ касат̣ам̣ чхад̣д̣етва̄ пассаддхисамбоджджхан̇гасса упасамаман̣д̣ам̣ пиватӣти – ман̣д̣апеййам̣. авиккхепаман̣д̣о сама̄дхисамбоджджхан̇го, уддхаччам̣ касат̣о; уддхаччам̣ касат̣ам̣ чхад̣д̣етва̄ сама̄дхисамбоджджхан̇гасса авиккхепаман̣д̣ам̣ пиватӣти – ман̣д̣апеййам̣. пат̣исан̇кха̄наман̣д̣о упеккха̄самбоджджхан̇го, аппат̣исан̇кха̄ касат̣о; аппат̣исан̇кхам̣ касат̣ам̣ чхад̣д̣етва̄ упеккха̄самбоджджхан̇гасса пат̣исан̇кха̄наман̣д̣ам̣ пиватӣти – ман̣д̣апеййам̣.

дассанаман̣д̣о самма̄дит̣т̣хи, миччха̄дит̣т̣хи касат̣о; миччха̄дит̣т̣хим̣ касат̣ам̣ чхад̣д̣етва̄ самма̄дит̣т̣хийа̄ дассанаман̣д̣ам̣ пиватӣти – ман̣д̣апеййам̣. абхиниропанаман̣д̣о самма̄сан̇каппо, миччха̄сан̇каппо касат̣о; миччха̄сан̇каппам̣ касат̣ам̣ чхад̣д̣етва̄ самма̄сан̇каппасса абхиниропанаман̣д̣ам̣ пиватӣти – ман̣д̣апеййам̣. париггахаман̣д̣о самма̄ва̄ча̄, миччха̄ва̄ча̄ касат̣о; миччха̄ва̄чам̣ касат̣ам̣ чхад̣д̣етва̄ самма̄ва̄ча̄йа париггахаман̣д̣ам̣ пиватӣти – ман̣д̣апеййам̣. самут̣т̣ха̄наман̣д̣о самма̄камманто, миччха̄камманто касат̣о; миччха̄каммантам̣ касат̣ам̣ чхад̣д̣етва̄ самма̄каммантасса самут̣т̣ха̄наман̣д̣ам̣ пиватӣти – ман̣д̣апеййам̣. вода̄наман̣д̣о самма̄а̄джӣво, миччха̄а̄джӣво касат̣о; миччха̄а̄джӣвам̣ касат̣ам̣ чхад̣д̣етва̄ самма̄а̄джӣвасса вода̄наман̣д̣ам̣ пиватӣти – ман̣д̣апеййам̣. паггахаман̣д̣о самма̄ва̄йа̄мо, миччха̄ва̄йа̄мо касат̣о; миччха̄ва̄йа̄мам̣ касат̣ам̣ чхад̣д̣етва̄ самма̄ва̄йа̄масса паггахаман̣д̣ам̣ пиватӣти – ман̣д̣апеййам̣. упат̣т̣ха̄наман̣д̣о самма̄сати, миччха̄сати касат̣о; миччха̄сатим̣ касат̣ам̣ чхад̣д̣етва̄ самма̄сатийа̄ упат̣т̣ха̄наман̣д̣ам̣ пиватӣти – ман̣д̣апеййам̣. авиккхепаман̣д̣о самма̄сама̄дхи, миччха̄сама̄дхи касат̣о; миччха̄сама̄дхим̣ касат̣ам̣ чхад̣д̣етва̄ самма̄сама̄дхисса авиккхепаман̣д̣ам̣ пиватӣти – ман̣д̣апеййам̣.

240. аттхи ман̣д̣о, аттхи пеййам̣, аттхи касат̣о. адхимоккхаман̣д̣о саддхиндрийам̣, ассаддхийам̣ касат̣о; йо таттха аттхарасо дхаммарасо вимуттирасо – идам̣ пеййам̣. паггахаман̣д̣о вӣрийиндрийам̣, косаджджам̣ касат̣о; йо таттха аттхарасо дхаммарасо вимуттирасо – идам̣ пеййам̣. упат̣т̣ха̄наман̣д̣о сатиндрийам̣, пама̄до касат̣о; йо таттха аттхарасо дхаммарасо вимуттирасо – идам̣ пеййам̣. авиккхепаман̣д̣о сама̄дхиндрийам̣, уддхаччам̣ касат̣о; йо таттха аттхарасо дхаммарасо вимуттирасо – идам̣ пеййам̣. дассанаман̣д̣о пан̃н̃индрийам̣, авиджджа̄ касат̣о; йо таттха аттхарасо дхаммарасо вимуттирасо – идам̣ пеййам̣.

ассаддхийе акампийаман̣д̣о саддха̄балам̣, ассаддхийам̣ касат̣о; йо таттха аттхарасо дхаммарасо вимуттирасо – идам̣ пеййам̣. косадждже акампийаман̣д̣о вӣрийабалам̣, косаджджам̣ касат̣о; йо таттха аттхарасо дхаммарасо вимуттирасо – идам̣ пеййам̣. пама̄де акампийаман̣д̣о сатибалам̣, пама̄до касат̣о; йо таттха аттхарасо дхаммарасо вимуттирасо – идам̣ пеййам̣. уддхачче акампийаман̣д̣о сама̄дхибалам̣, уддхаччам̣ касат̣о; йо таттха аттхарасо дхаммарасо вимуттирасо – идам̣ пеййам̣. авиджджа̄йа акампийаман̣д̣о пан̃н̃а̄балам̣, авиджджа̄ касат̣о; йо таттха аттхарасо дхаммарасо вимуттирасо – идам̣ пеййам̣.

упат̣т̣ха̄наман̣д̣о сатисамбоджджхан̇го, пама̄до касат̣о; йо таттха аттхарасо дхаммарасо вимуттирасо – идам̣ пеййам̣. павичайаман̣д̣о дхаммавичайасамбоджджхан̇го, авиджджа̄ касат̣о; йо таттха аттхарасо дхаммарасо вимуттирасо – идам̣ пеййам̣. паггахаман̣д̣о вӣрийасамбоджджхан̇го, косаджджам̣ касат̣о; йо таттха аттхарасо дхаммарасо вимуттирасо – идам̣ пеййам̣. пхаран̣аман̣д̣о пӣтисамбоджджхан̇го, парил̣а̄хо касат̣о; йо таттха аттхарасо дхаммарасо вимуттирасо – идам̣ пеййам̣. упасамаман̣д̣о пассаддхисамбоджджхан̇го, дут̣т̣хуллам̣ касат̣о; йо таттха аттхарасо дхаммарасо вимуттирасо – идам̣ пеййам̣. авиккхепаман̣д̣о сама̄дхисамбоджджхан̇го, уддхаччам̣ касат̣о; йо таттха аттхарасо дхаммарасо вимуттирасо – идам̣ пеййам̣. пат̣исан̇кха̄наман̣д̣о упеккха̄самбоджджхан̇го, апат̣исан̇кха̄ касат̣о; йо таттха аттхарасо дхаммарасо вимуттирасо – идам̣ пеййам̣.

дассанаман̣д̣о самма̄дит̣т̣хи, миччха̄дит̣т̣хи касат̣о; йо таттха аттхарасо дхаммарасо вимуттирасо – идам̣ пеййам̣. абхиниропанаман̣д̣о самма̄сан̇каппо, миччха̄сан̇каппо касат̣о; йо таттха аттхарасо дхаммарасо вимуттирасо – идам̣ пеййам̣. париггахаман̣д̣о самма̄ва̄ча̄, миччха̄ва̄ча̄ касат̣о; йо таттха аттхарасо дхаммарасо вимуттирасо – идам̣ пеййам̣. самут̣т̣ха̄наман̣д̣о самма̄камманто, миччха̄камманто касат̣о; йо таттха аттхарасо дхаммарасо вимуттирасо – идам̣ пеййам̣. вода̄наман̣д̣о самма̄а̄джӣво, миччха̄а̄джӣво касат̣о; йо таттха аттхарасо дхаммарасо вимуттирасо – идам̣ пеййам̣. паггахаман̣д̣о самма̄ва̄йа̄мо, миччха̄ва̄йа̄мо касат̣о; йо таттха аттхарасо дхаммарасо вимуттирасо – идам̣ пеййам̣. упат̣т̣ха̄наман̣д̣о самма̄сати, миччха̄сати касат̣о; йо таттха аттхарасо дхаммарасо вимуттирасо – идам̣ пеййам̣. авиккхепаман̣д̣о самма̄сама̄дхи, миччха̄сама̄дхи касат̣о; йо таттха аттхарасо дхаммарасо вимуттирасо – идам̣ пеййам̣.

дассанаман̣д̣о самма̄дит̣т̣хи… абхиниропанаман̣д̣о самма̄сан̇каппо… париггахаман̣д̣о самма̄ва̄ча̄… самут̣т̣ха̄наман̣д̣о самма̄камманто… вода̄наман̣д̣о самма̄а̄джӣво… паггахаман̣д̣о самма̄ва̄йа̄мо… упат̣т̣ха̄наман̣д̣о самма̄сати… авиккхепаман̣д̣о самма̄сама̄дхи.

упат̣т̣ха̄наман̣д̣о сатисамбоджджхан̇го… павичайаман̣д̣о дхаммавичайасамбоджджхан̇го… паггахаман̣д̣о вӣрийасамбоджджхан̇го… пхаран̣аман̣д̣о пӣтисамбоджджхан̇го… упасамаман̣д̣о пассаддхисамбоджджхан̇го… авиккхепаман̣д̣о сама̄дхисамбоджджхан̇го… пат̣исан̇кха̄наман̣д̣о упеккха̄самбоджджхан̇го.

ассаддхийе акампийаман̣д̣о саддха̄балам̣… косадждже акампийаман̣д̣о вӣрийабалам̣… пама̄де акампийаман̣д̣о сатибалам̣… уддхачче акампийаман̣д̣о сама̄дхибалам̣… авиджджа̄йа акампийаман̣д̣о пан̃н̃а̄балам̣.

адхимоккхаман̣д̣о саддхиндрийам̣… паггахаман̣д̣о вӣрийиндрийам̣… упат̣т̣ха̄наман̣д̣о сатиндрийам̣… авиккхепаман̣д̣о сама̄дхиндрийам̣… дассанаман̣д̣о пан̃н̃индрийам̣.

а̄дхипатеййат̣т̣хена индрийа̄ ман̣д̣о, акампийат̣т̣хена бала̄ ман̣д̣о, ниййа̄нат̣т̣хена боджджхан̇га̄ ман̣д̣о, хетут̣т̣хена магго ман̣д̣о, упат̣т̣ха̄нат̣т̣хена сатипат̣т̣ха̄на̄ ман̣д̣о, падаханат̣т̣хена саммаппадха̄на̄ ман̣д̣о, иджджханат̣т̣хена иддхипа̄да̄ ман̣д̣о, татхат̣т̣хена сачча̄ ман̣д̣о, авиккхепат̣т̣хена саматхо ман̣д̣о, анупассанат̣т̣хена випассана̄ ман̣д̣о, екарасат̣т̣хена саматхавипассана̄ ман̣д̣о, анативаттанат̣т̣хена йуганаддха̄ ман̣д̣о, сам̣варат̣т̣хена сӣлависуддхи ман̣д̣о, авиккхепат̣т̣хена читтависуддхи ман̣д̣о, дассанат̣т̣хена дит̣т̣хивисуддхи ман̣д̣о, муттат̣т̣хена вимоккхо ман̣д̣о, пат̣иведхат̣т̣хена виджджа̄ ман̣д̣о, паричча̄гат̣т̣хена вимутти ман̣д̣о, самуччхедат̣т̣хена кхайе н̃а̄н̣ам̣ ман̣д̣о, пат̣иппассаддхат̣т̣хена ануппа̄де н̃а̄н̣ам̣ ман̣д̣о, чхандо мӯлат̣т̣хена ман̣д̣о, манасика̄ро самут̣т̣ха̄нат̣т̣хена ман̣д̣о, пхассо самодха̄нат̣т̣хена ман̣д̣о, ведана̄ самосаран̣ат̣т̣хена ман̣д̣о, сама̄дхи памукхат̣т̣хена ман̣д̣о, сати а̄дхипатеййат̣т̣хена ман̣д̣о, пан̃н̃а̄ татуттарат̣т̣хена ман̣д̣о, вимутти са̄рат̣т̣хена ман̣д̣о, аматогадхам̣ нибба̄нам̣ парийоса̄нат̣т̣хена ман̣д̣оти.

чатуттхабха̄н̣ава̄ро.

ман̣д̣апеййакатха̄ нит̣т̣хита̄.

маха̄вагго пат̣хамо.