51. сотадха̄тувисуддхин̃а̄н̣аниддесо

103. катхам̣ витаккавиппха̄равасена на̄наттекаттасадданимитта̄нам̣ парийога̄хан̣е пан̃н̃а̄ сотадха̄тувисуддхин̃а̄н̣ам̣? идха бхиккху чхандасама̄дхи…пе… вӣрийасама̄дхи… читтасама̄дхи… вӣмам̣са̄сама̄дхипадха̄насан̇кха̄расаманна̄гатам̣ иддхипа̄дам̣ бха̄вети. со имесу чатӯсу иддхипа̄десу читтам̣ парибха̄вети паридамети, мудум̣ кароти камманийам̣. со имесу чатӯсу иддхипа̄десу читтам̣ парибха̄ветва̄ паридаметва̄, мудум̣ каритва̄ камманийам̣ дӯрепи садда̄нам̣ садданимиттам̣ манаси кароти, сантикепи садда̄нам̣ садданимиттам̣ манаси кароти, ол̣а̄рика̄нампи садда̄нам̣ садданимиттам̣ манаси кароти, сукхума̄нампи садда̄нам̣ садданимиттам̣ манаси кароти, сан̣хасан̣ха̄нампи садда̄нам̣ садданимиттам̣ манаси кароти, пураттхима̄йапи диса̄йа садда̄нам̣ садданимиттам̣ манаси кароти, паччхима̄йапи диса̄йа садда̄нам̣ садданимиттам̣ манаси кароти, уттара̄йапи диса̄йа садда̄нам̣ садданимиттам̣ манаси кароти, даккхин̣а̄йапи диса̄йа садда̄нам̣ садданимиттам̣ манаси кароти, пураттхима̄йапи анудиса̄йа садда̄нам̣ садданимиттам̣ манаси кароти, паччхима̄йапи анудиса̄йа садда̄нам̣ садданимиттам̣ манаси кароти, уттара̄йапи анудиса̄йа садда̄нам̣ садданимиттам̣ манаси кароти, даккхин̣а̄йапи анудиса̄йа садда̄нам̣ садданимиттам̣ манаси кароти, хет̣т̣хима̄йапи диса̄йа садда̄нам̣ садданимиттам̣ манаси кароти, упарима̄йапи диса̄йа садда̄нам̣ садданимиттам̣ манаси кароти. со татха̄бха̄витена читтена парисуддхена парийода̄тена сотадха̄тувисуддхин̃а̄н̣а̄йа читтам̣ абхинӣхарати абхининна̄мети. со дибба̄йа сотадха̄туйа̄ висуддха̄йа атиккантама̄нусика̄йа убхо садде сун̣а̄ти – диббе ча ма̄нусе ча йе дӯре сантике ча. там̣ н̃а̄тат̣т̣хена н̃а̄н̣ам̣, паджа̄нанат̣т̣хена пан̃н̃а̄. тена вуччати – ‘‘витаккавиппха̄равасена на̄наттекаттасадданимитта̄нам̣ парийога̄хан̣е пан̃н̃а̄ сотадха̄тувисуддхин̃а̄н̣ам̣’’.

сотадха̄тувисуддхин̃а̄н̣аниддесо екапан̃н̃а̄само.