41. кхантин̃а̄н̣аниддесо

92. катхам̣ видитатта̄ пан̃н̃а̄ кхантин̃а̄н̣ам̣? рӯпам̣ аниччато видитам̣, рӯпам̣ дуккхато видитам̣, рӯпам̣ анаттато видитам̣. йам̣ йам̣ видитам̣ там̣ там̣ кхаматӣти – видитатта̄ пан̃н̃а̄ кхантин̃а̄н̣ам̣. ведана̄…пе… сан̃н̃а̄… сан̇кха̄ра̄… вин̃н̃а̄н̣ам̣… чаккху…пе… джара̄маран̣ам̣ аниччато видитам̣, джара̄маран̣ам̣ дуккхато видитам̣, джара̄маран̣ам̣ анаттато видитам̣. йам̣ йам̣ видитам̣ там̣ там̣ кхаматӣти – видитатта̄ пан̃н̃а̄ кхантин̃а̄н̣ам̣. там̣ н̃а̄тат̣т̣хена н̃а̄н̣ам̣, паджа̄нанат̣т̣хена пан̃н̃а̄. тена вуччати – ‘‘видитатта̄ пан̃н̃а̄ кхантин̃а̄н̣ам̣’’.

кхантин̃а̄н̣аниддесо екачатта̄лӣсамо.