42. парийога̄хан̣ан̃а̄н̣аниддесо

93. катхам̣ пхут̣т̣хатта̄ пан̃н̃а̄ парийога̄хан̣е н̃а̄н̣ам̣? рӯпам̣ аниччато пхусати, рӯпам̣ дуккхато пхусати, рӯпам̣ анаттато пхусати. йам̣ йам̣ пхусати там̣ там̣ парийога̄хатӣти – пхут̣т̣хатта̄ пан̃н̃а̄ парийога̄хан̣е н̃а̄н̣ам̣. веданам̣…пе… сан̃н̃ам̣… сан̇кха̄ре… вин̃н̃а̄н̣ам̣… чаккхум̣…пе… джара̄маран̣ам̣ аниччато пхусати, дуккхато пхусати, анаттато пхусати. йам̣ йам̣ пхусати там̣ там̣ парийога̄хатӣти – пхут̣т̣хатта̄ пан̃н̃а̄ парийога̄хан̣е н̃а̄н̣ам̣. там̣ н̃а̄тат̣т̣хена н̃а̄н̣ам̣, паджа̄нанат̣т̣хена пан̃н̃а̄. тена вуччати – ‘‘пхут̣т̣хатта̄ пан̃н̃а̄ парийога̄хан̣е н̃а̄н̣ам̣’’.

парийога̄хан̣ан̃а̄н̣аниддесо двечатта̄лӣсамо.