1. сан̇гахава̄ро

йам̣ локо пӯджайате, салокапа̄ло сада̄ намассати ча;

тассета са̄санаварам̣, видӯхи н̃еййам̣ нараварасса.

два̄даса пада̄ни суттам̣, там̣ саббам̣ бйан̃джанан̃ча аттхо ча;

там̣ вин̃н̃еййам̣ убхайам̣, ко аттхо бйан̃джанам̣ катамам̣.

сол̣асаха̄ра̄ нетти [неттӣ (ка.)], пан̃чанайа̄ са̄санасса парийет̣т̣хи;

ат̣т̣ха̄расамӯлапада̄, махакачча̄нена [маха̄качча̄нена (сӣ.)] ниддит̣т̣ха̄.

ха̄ра̄ бйан̃джанавичайо, суттасса найа̄ тайо ча суттаттхо;

убхайам̣ париггахӣтам̣, вуччати суттам̣ йатха̄суттам̣.

йа̄ чева десана̄ йан̃ча, деситам̣ убхайамева вин̃н̃еййам̣;

татра̄йама̄нупуббӣ, нававидхасуттантапарийет̣т̣хӣти.

сан̇гахава̄ро.