15. могхара̄джама̄н̣авапуччха̄

141. ‘‘два̄хам̣ саккам̣ апуччхиссам̣, [ичча̄йасма̄ могхара̄джа̄]

на ме бйа̄ка̄си чаккхума̄;

йа̄вататийан̃ча девӣси, бйа̄каротӣти ме сутам̣.

142. ‘‘айам̣ локо паро локо, брахмалоко садевако;

дит̣т̣хим̣ те на̄бхиджа̄на̄ти, готамасса йасассино.

143. ‘‘евам̣ абхиккантадасса̄вим̣, аттхи пан̃хена а̄гамам̣;

катхам̣ локам̣ авеккхантам̣, маччура̄джа̄ на пассати’’.

144. ‘‘сун̃н̃ато локам̣ авеккхассу, могхара̄джа сада̄ сато;

атта̄нудит̣т̣хим̣ ӯхачча, евам̣ маччутаро сийа̄;

евам̣ локам̣ авеккхантам̣, маччура̄джа̄ на пассатӣ’’ти.

могхара̄джама̄н̣авапуччха̄ паннарасама̄.