10. каппама̄н̣авапуччха̄

117. ‘‘маджджхе сарасмим̣ тит̣т̣хатам̣, [ичча̄йасма̄ каппо]

огхе джа̄те махаббхайе;

джара̄маччупарета̄нам̣, дӣпам̣ пабрӯхи ма̄риса;

тван̃ча ме дӣпамаккха̄хи, йатха̄йидам̣ на̄парам̣ сийа̄’’.

118. ‘‘маджджхе сарасмим̣ тит̣т̣хатам̣, [каппа̄ти бхагава̄]

огхе джа̄те махаббхайе;

джара̄маччупарета̄нам̣, дӣпам̣ пабрӯми каппа те.

119. ‘‘акин̃чанам̣ ана̄да̄нам̣, етам̣ дӣпам̣ ана̄парам̣;

нибба̄нам̣ ити нам̣ брӯми, джара̄маччупариккхайам̣.

120. ‘‘етадан̃н̃а̄йа йе сата̄, дит̣т̣хадхамма̄бхиниббута̄;

на те ма̄раваса̄нуга̄, на те ма̄расса пат̣т̣хагӯ’’ти [паддхагӯ (сӣ.)].

каппама̄н̣авапуччха̄ дасама̄.