8. хемакама̄н̣авапуччха̄

109. ‘‘йе ме пуббе вийа̄кам̣су, [ичча̄йасма̄ хемако]

хурам̣ готамаса̄сана̄;

ичча̄си ити бхависсати, саббам̣ там̣ итихӣтихам̣;

саббам̣ там̣ таккавад̣д̣ханам̣, на̄хам̣ таттха абхирамим̣.

110. ‘‘тван̃ча ме дхаммамаккха̄хи, тан̣ха̄ниггха̄танам̣ муни;

йам̣ видитва̄ сато чарам̣, таре локе висаттикам̣’’.

111. ‘‘идха дит̣т̣хасутамутавин̃н̃а̄тесу, пийарӯпесу хемака;

чхандара̄гавиноданам̣, нибба̄нападамаччутам̣.

112. ‘‘етадан̃н̃а̄йа йе сата̄, дит̣т̣хадхамма̄бхиниббута̄;

упасанта̄ ча те сада̄, тин̣н̣а̄ локе висаттика’’нти.

хемакама̄н̣авапуччха̄ ат̣т̣хама̄.