429. маха̄суваджа̄такам̣ (3)

20. думо йада̄ хоти пхалӯпапанно, бхун̃джанти нам̣ вихан̇гама̄ [вихага̄ (сӣ. пӣ.)] сампатанта̄;

кхӣн̣анти н̃атва̄на думам̣ пхалаччайе [н̃атва̄ думаппхалаччайена (ка.)], дисодисам̣ йанти тато вихан̇гама̄.

21. чара ча̄рикам̣ лохитатун̣д̣а ма̄мари, ким̣ твам̣ сува суккхадумамхи джха̄йаси;

тадин̇гха мам̣ брӯхи васантасаннибха, касма̄ сува суккхадумам̣ на рин̃часи.

22. йе ве сакхӣнам̣ сакха̄ро бхаванти, па̄н̣аччайе [па̄н̣ам̣ чадже (ка.), па̄н̣аччайе маран̣ака̄ле ча сукхадуккхесу ча на джахантӣти самбандхо] дуккхасукхесу хам̣са;

кхӣн̣ам̣ акхӣн̣анти на там̣ джаханти, санто сатам̣ дхаммамануссаранта̄.

23. сохам̣ сатам̣ ан̃н̃атаросми хам̣са, н̃а̄тӣ ча ме хоти сакха̄ ча руккхо;

там̣ нуссахе джӣвикаттхо паха̄тум̣, кхӣн̣анти н̃атва̄на на хеса дхаммо [на соса (ка.), на еса (сйа̄.)].

24. са̄дху саккхи катам̣ хоти, метти сам̣сати сантхаво [миттам̣ сан̇гати сандхаво (ка.)];

сачетам̣ дхаммам̣ рочеси, па̄сам̣соси виджа̄натам̣.

25. со те сува варам̣ дамми, паттайа̄на вихан̇гама;

варам̣ варассу ваккан̇га, йам̣ кин̃чи манасиччхаси.

26. варан̃ча ме хам̣са бхавам̣ дадеййа, айан̃ча руккхо пунара̄йум̣ лабхетха;

со са̄кхава̄ пхалима̄ сам̣вирӯл̣хо, мадхуттхико тит̣т̣хату собхама̄но.

27. там̣ пасса самма пхалимам̣ ул̣а̄рам̣, саха̄ва те хоту удумбарена;

со са̄кхава̄ пхалима̄ сам̣вирӯл̣хо, мадхуттхико тит̣т̣хату собхама̄но.

28. евам̣ сакка сукхӣ хохи, саха саббехи н̃а̄тибхи;

йатха̄хамаджджа сукхито, дисва̄на сапхалам̣ думам̣.

29. сувасса ча варам̣ датва̄, катва̄на сапхалам̣ думам̣;

пакка̄ми саха бхарийа̄йа, дева̄нам̣ нанданам̣ вананти.

маха̄суваджа̄такам̣ татийам̣.