421. ган̇гама̄ладжа̄такам̣ (5)

36. ан̇га̄раджа̄та̄ патхавӣ, куккул̣а̄нугата̄ махӣ;

атха га̄йаси ватта̄ни [ваттха̄ни (ка.)], на там̣ тапати а̄тапо.

37. уддхам̣ тапати а̄диччо, адхо тапати ва̄лука̄;

атха га̄йаси ватта̄ни [ваттха̄ни (ка.)], на там̣ тапати а̄тапо.

38. на мам̣ тапати а̄тапо, а̄тапа̄ [а̄таппа̄ (сӣ. сйа̄. пӣ.)] тапайанти мам̣;

аттха̄ хи вивидха̄ ра̄джа, те тапанти на а̄тапо.

39. аддасам̣ ка̄ма те мӯлам̣, сан̇каппа̄ ка̄ма джа̄йаси;

на там̣ сан̇каппайисса̄ми, евам̣ ка̄ма на хехиси.

40. аппа̄пи ка̄ма̄ на алам̣, бахӯхипи на таппати;

ахаха̄ ба̄лалапана̄, париваджджетха [пат̣ивиджджхетха (пӣ. сӣ. ат̣т̣ха.)] джаггато.

41. аппасса каммасса пхалам̣ мамедам̣, удайо аджджха̄гама̄ махаттапаттам̣;

суладдхала̄бхо вата ма̄н̣авасса, йо паббаджӣ ка̄мара̄гам̣ паха̄йа.

42. тапаса̄ паджаханти па̄пакаммам̣, тапаса̄ нха̄питакумбхака̄рабха̄вам̣;

тапаса̄ абхибхуййа ган̇гама̄ла, на̄мена̄лапасаджджа брахмадаттам̣.

43. сандит̣т̣хикамева ‘‘амма’’ пассатха, кхантӣсораччасса айам̣ [йо (сйа̄. пӣ. ка.)] випа̄ко;

йо [со (сйа̄. ка.)] саббаджанасса вандитоху, там̣ ванда̄ма сара̄джика̄ самачча̄.

44. ма̄ кин̃чи авачуттха ган̇гама̄лам̣, мунинам̣ монапатхесу сиккхама̄нам̣;

есо хи атари ан̣н̣авам̣, йам̣ таритва̄ чаранти вӣтасока̄ти.

ган̇гама̄ладжа̄такам̣ пан̃чамам̣.