416. парантападжа̄такам̣ (7-2-11)

154. а̄гамиссати ме па̄пам̣, а̄гамиссати ме бхайам̣;

тада̄ хи чалита̄ са̄кха̄, мануссена мигена ва̄.

155. бхӣруйа̄ нӯна ме ка̄мо, авидӯре васантийа̄;

кариссати кисам̣ пан̣д̣ум̣, са̄ва са̄кха̄ парантапам̣.

156. сочайиссати мам̣ канта̄, га̄ме васаманиндита̄;

кариссати кисам̣ пан̣д̣ум̣, са̄ва са̄кха̄ парантапам̣.

157. тайа̄ мам̣ асита̄пан̇ги [хасита̄пан̇ги (сӣ. сйа̄. пӣ.)], сита̄ни [михита̄ни (сӣ. сйа̄. пӣ.)] бхан̣ита̄ни ча;

кисам̣ пан̣д̣ум̣ кариссанти, са̄ва са̄кха̄ парантапам̣.

158. агама̄ нӯна со саддо, асам̣си нӯна со тава;

аккха̄там̣ нӯна там̣ тена, йо там̣ са̄кхамакампайи.

159. идам̣ кхо там̣ сама̄гамма, мама ба̄ласса чинтитам̣;

тада̄ хи чалита̄ са̄кха̄, мануссена мигена ва̄.

160. татхева твам̣ аведеси, аван̃чи [аваджджхи (ка.)] питарам̣ мама;

хантва̄ са̄кха̄хи чха̄денто, а̄гамиссати ме [те (сйа̄. ка.)] бхайанти.

парантападжа̄такам̣ ека̄дасамам̣.

гандха̄равагго дутийо.

тассудда̄нам̣ –

варага̄ма маха̄капи бхаггава ча, дал̣хадхамма сакун̃джара кесаваро;

ураго видхуро пуна джа̄гаратам̣, атха косала̄дхипа парантапа ча̄ти.

атха ваггудда̄нам̣ –

атха саттанипа̄тамхи, ваггам̣ ме бхан̣ато сун̣а;

кукку ча пуна гандха̄ро, двева гутта̄ махесина̄ти.

саттаканипа̄там̣ нит̣т̣хитам̣.