414. джа̄гараджа̄такам̣ (7-2-9)

135. кодха джа̄гаратам̣ сутто, кодха суттесу джа̄гаро;

ко маметам̣ виджа̄на̄ти, ко там̣ пат̣ибхан̣а̄ти ме.

136. ахам̣ джа̄гаратам̣ сутто, ахам̣ суттесу джа̄гаро;

ахаметам̣ виджа̄на̄ми, ахам̣ пат̣ибхан̣а̄ми те.

137. катхам̣ джа̄гаратам̣ сутто, катхам̣ суттесу джа̄гаро;

катхам̣ етам̣ виджа̄на̄си, катхам̣ пат̣ибхан̣а̄си ме.

138. йе дхаммам̣ наппаджа̄нанти, сам̣йамоти дамоти ча;

тесу суппама̄несу, ахам̣ джагга̄ми девате.

139. йесам̣ ра̄го ча досо ча, авиджджа̄ ча вира̄джита̄;

тесу джа̄гарама̄несу, ахам̣ суттосми девате.

140. евам̣ джа̄гаратам̣ сутто, евам̣ суттесу джа̄гаро;

еваметам̣ виджа̄на̄ми, евам̣ пат̣ибхан̣а̄ми те.

141. са̄дху джа̄гаратам̣ сутто, са̄дху суттесу джа̄гаро;

са̄дхуметам̣ виджа̄на̄си, са̄дху пат̣ибхан̣а̄си мети.

джа̄гараджа̄такам̣ навамам̣.