405. бакаджа̄такам̣ (7-1-10)

68. два̄саттати готама [бхо готама (ка.)] пун̃н̃акамма̄, васаваттино джа̄тиджарам̣ атӣта̄;

айамантима̄ ведагӯ брахмапатти [брахмупапатти (сйа̄. ка.)], асма̄бхиджаппанти джана̄ [паджа̄ (ка.)] анека̄.

69. аппан̃хи етам̣ [аппан̃ча хетам̣ (сйа̄.), аппам̣си етам̣ (ка.)] на хи дӣгхама̄йу, йам̣ твам̣ бака ман̃н̃аси дӣгхама̄йум̣;

сатам̣ сахасса̄ни [сахасса̄нам̣ (сӣ. пӣ. сам̣. ни. 1.175), сахасса̄на (сйа̄. кам̣.)] нираббуда̄нам̣, а̄йум̣ паджа̄на̄ми тава̄ха брахме.

70. анантадассӣ бхагава̄хамасми, джа̄тиджджарам̣ сокамупа̄тиватто;

ким̣ ме пура̄н̣ам̣ ватасӣлаваттам̣ [сӣлавантам̣ (пӣ. ка.)], а̄чиккха ме там̣ йамахам̣ виджан̃н̃ам̣.

71. йам̣ твам̣ апа̄йеси бахӯ мануссе, пипа̄сите гхаммани сампарете;

там̣ те пура̄н̣ам̣ ватасӣлаваттам̣, суттаппабуддхова ануссара̄ми.

72. йам̣ ен̣икӯласми джанам̣ гахӣтам̣, амочайӣ гайхака ниййама̄нам̣;

там̣ те пура̄н̣ам̣ ватасӣлаваттам̣, суттаппабуддхова ануссара̄ми.

73. ган̇га̄йа сотасмим̣ гахӣтана̄вам̣, луддена на̄гена мануссакаппа̄;

амочайи твам̣ баласа̄ пасайха, там̣ те пура̄н̣ам̣ ватасӣлаваттам̣;

суттаппабуддхова ануссара̄ми.

74. каппо ча те баддхачаро [паттхачаро (сйа̄.), пат̣т̣хачаро (ка.)] ахоси, самбуддхимантам̣ [самбуддхивантам̣ (сйа̄. пӣ.), самбуддхавантам̣ (ка.)] ватинам̣ [ватитам̣ (сйа̄.), ватидам̣ (ка.)] аман̃н̃ам̣;

там̣ те пура̄н̣ам̣ ватасӣлаваттам̣, суттаппабуддхова ануссара̄ми.

75. аддха̄ паджа̄на̄си маметама̄йум̣, ан̃н̃ампи джа̄на̄си татха̄ хи буддхо;

татха̄ хи та̄йам̣ [тйа̄йам̣ (сам̣. ни. 1.175)] джалита̄нубха̄во, обха̄сайам̣ тит̣т̣хати брахмалоканти.

бакаджа̄такам̣ дасамам̣.

куккувагго пат̣хамо.

тассудда̄нам̣ –

варакан̣н̣ика ча̄паваро сутано, атха гиджджха сарохитамаччхаваро;

пуна пан̣н̣ака [дасан̣н̣ака (сӣ. сйа̄. пӣ.)] сенака йа̄чанако, атха вери сабрахмабакена даса̄ти.