7. бӣран̣атхамбхавагго

211. сомадаттаджа̄такам̣ (2-7-1)

121. ака̄си йоггам̣ дхувамаппаматто, сам̣ваччхарам̣ бӣран̣атхамбхакасмим̣;

бйа̄ка̄си сан̃н̃ам̣ парисам̣ вигайха, на ниййамо та̄йати аппапан̃н̃ам̣.

122. двайам̣ йа̄чанако та̄та, сомадатта нигаччхати;

ала̄бхам̣ дханала̄бхам̣ ва̄, евам̣ дхамма̄ хи йа̄чана̄ти.

сомадаттаджа̄такам̣ пат̣хамам̣.

212. уччхит̣т̣хабхаттаджа̄такам̣ (2-7-2)

123. ан̃н̃о упаримо ван̣н̣о, ан̃н̃о ван̣н̣о ча хет̣т̣химо;

бра̄хман̣ӣ твева пуччха̄ми, ким̣ хет̣т̣ха̄ кин̃ча уппари.

124. ахам̣ нат̣осми бхадданте, бхиккхакосми идха̄гато;

айан̃хи кот̣т̣хамотин̣н̣о, айам̣ со йам̣ [твам̣ (ка.)] гавесасӣти.

уччхит̣т̣хабхаттаджа̄такам̣ дутийам̣.

213. бхаруджа̄такам̣ (2-7-3)

125. исӣнамантарам̣ катва̄, бхарура̄джа̄ти [курура̄джа̄ти (ка.)] ме сутам̣;

уччхинно саха рат̣т̣хехи [рат̣т̣хена (сӣ. пӣ.)], сара̄джа̄ вибхаван̇гато.

126. тасма̄ хи чханда̄гаманам̣, наппасам̣санти пан̣д̣ита̄;

адут̣т̣хачитто бха̄сеййа, гирам̣ саччупасам̣хитанти.

бхаруджа̄такам̣ [курура̄такам̣ (ка.)] татийам̣.

214. пун̣н̣анадӣджа̄такам̣ (2-7-4)

127. пун̣н̣ам̣ надим̣ йена ча пеййама̄ху, джа̄там̣ йавам̣ йена ча гуйхама̄ху;

дӯрам̣ гатам̣ йена ча авхайанти, со тйа̄гато [тйа̄бхато (сйа̄. ка.) пахел̣ига̄тха̄бха̄во манаси ка̄таббо] ханда ча бхун̃джа бра̄хман̣а.

128. йато мам̣ саратӣ ра̄джа̄, ва̄йасампи пахетаве;

хам̣са̄ кон̃ча̄ майӯра̄ ча [хам̣сакон̃чамайӯра̄нам̣ (ка. ат̣т̣ха. па̄т̣хантарам̣)], асатӣйева па̄пийа̄ти.

пун̣н̣анадӣджа̄такам̣ чатуттхам̣.

215. каччхападжа̄такам̣ (2-7-5)

129. авадхӣ вата атта̄нам̣, каччхапо бйа̄харам̣ гирам̣ [каччхапова пабйа̄харам̣ (сйа̄.), каччхапо со пабйа̄харам̣ (ка.)];

суггахӣтасмим̣ кат̣т̣хасмим̣, ва̄ча̄йа сакийа̄вадхи.

130. етампи дисва̄ наравӣрийасет̣т̣ха, ва̄чам̣ памун̃че кусалам̣ на̄тивелам̣;

пассаси бахубха̄н̣ена, каччхапам̣ бйасанам̣ гатанти.

каччхападжа̄такам̣ пан̃чамам̣.

216. маччхаджа̄такам̣ (2-7-6)

131. на ма̄йамагги тапати, на сӯло са̄дхутаччхито;

йан̃ча мам̣ ман̃н̃ате маччхӣ, ан̃н̃ам̣ со ратийа̄ гато.

132. со мам̣ дахати ра̄гагги, читтам̣ чӯпатапети мам̣;

джа̄лино мун̃чатха̄йира̄ мам̣, на ка̄ме хан̃н̃ате квачӣти.

маччхаджа̄такам̣ чхат̣т̣хам̣.

217. сеггуджа̄такам̣ (2-7-7)

133. саббо локо аттамано ахоси, аковида̄ га̄мадхаммасса сеггу;

кома̄ри ко на̄ма [кома̄рика̄ на̄ма (ка.), кома̄рико на̄ма (сйа̄. пӣ.)] таваджджа дхаммо, йам̣ твам̣ гахита̄ паване пародаси.

134. йо дуккхапхут̣т̣ха̄йа бхавеййа та̄н̣ам̣, со ме пита̄ дуббхи ване кароти;

са̄ касса канда̄ми ванасса маджджхе, йо та̄йита̄ со сахасам̣ каротӣти.

сеггуджа̄такам̣ саттамам̣.

218. кӯт̣ава̄н̣иджаджа̄такам̣ (2-7-8)

135. сат̣хасса са̄т̣хеййамидам̣ сучинтитам̣, паччод̣д̣итам̣ пат̣икӯт̣асса кӯт̣ам̣;

пха̄лан̃че кха̄деййум̣ [адеййум̣ (сӣ. пӣ.)] мӯсика̄, касма̄ кума̄рам̣ кулала̄ на [но (сӣ. сйа̄. пӣ.)] хареййум̣.

136. кӯт̣асса хи санти [сантӣдха (ка.)] кӯт̣акӯт̣а̄, бхавати [бхаванти (ка.)] ча̄пи никатино никатйа̄;

дехи путтанат̣т̣ха пха̄ланат̣т̣хасса пха̄лам̣, ма̄ те путтамаха̄си пха̄ланат̣т̣хоти.

кӯт̣ава̄н̣иджаджа̄такам̣ ат̣т̣хамам̣.

219. гарахитаджа̄такам̣ (2-7-9)

137. хиран̃н̃ам̣ ме суван̣н̣ам̣ ме, еса̄ раттим̣ дива̄ катха̄;

думмедха̄нам̣ манусса̄нам̣, арийадхаммам̣ апассатам̣.

138. две две гахапатайо гехе, еко таттха амассуко;

ламбаттхано вен̣икато, атхо ан̇китакан̣н̣ако;

кӣто дханена бахуна̄, со там̣ витудате джананти.

гарахитаджа̄такам̣ навамам̣.

220. дхаммадхаджаджа̄такам̣ (2-7-10)

139. сукхам̣ джӣвитарӯпоси, рат̣т̣ха̄ виванама̄гато;

со екако руккхамӯле [аран̃н̃асмим̣ (сӣ. сйа̄. пӣ.)], капан̣о вийа джха̄йаси.

140. сукхам̣ джӣвитарӯпосми, рат̣т̣ха̄ виванама̄гато;

со екако руккхамӯле, капан̣о вийа джха̄йа̄ми;

сатам̣ дхаммам̣ ануссарам̣ти.

дхаммадхаджаджа̄такам̣ дасамам̣.

бӣран̣атхамбхавагго саттамо.

тассудда̄нам̣ –

атха бӣран̣атхамбхаваро ча нат̣о, бхарура̄джаваруттамапун̣н̣анадӣ;

бахубха̄н̣и аггипаване мӯсика̄, сахаламбаттхано капан̣ена даса̄ти.