14. асампада̄навагго

131. асампада̄ненитарӣтарасса, ба̄ласса митта̄ни калӣ бхаванти;

тасма̄ хара̄ми бхусам̣ ад̣д̣хама̄нам̣, ма̄ ме митти джӣйиттха сассата̄йанти.

асампада̄наджа̄такам̣ пат̣хамам̣.

132. кусалӯпадесе дхитийа̄ дал̣ха̄йа ча, аниваттитатта̄бхайабхӣрута̄йа [аваттхитатта̄бхайабхӣрута̄йа (сӣ. сйа̄. пӣ.)] ча;

на раккхасӣнам̣ васама̄гамимхасе, са соттхибха̄во махата̄ бхайена мети.

бхӣрука [пан̃чагарука (сӣ. пӣ.), пан̃чабхӣрука (сйа̄.), абхайабхӣрута§(?)] джа̄такам̣ дутийам̣.

133. кхемам̣ йахим̣ таттха арӣ удӣрито [ари уддхарито (ка.)], дакасса маджджхе джалате гхата̄сано;

на аджджа ва̄со махийа̄ махӣрухе, диса̄ бхаджавхо саран̣а̄джджа но бхайанти.

гхата̄санаджа̄такам̣ татийам̣.

134. йе сан̃н̃ино тепи дуггата̄, йепи асан̃н̃ино тепи дуггата̄;

етам̣ убхайам̣ виваджджайа, там̣ сама̄паттисукхам̣ анан̇ган̣анти.

джха̄насодханаджа̄такам̣ чатуттхам̣.

135. чанда̄бхам̣ сӯрийа̄бхан̃ча, йодха пан̃н̃а̄йа га̄дхати.

авитаккена джха̄нена, хоти а̄бхассарӯпаготи.

чанда̄бхаджа̄такам̣ пан̃чамам̣.

136. йам̣ ладдхам̣ тена тут̣т̣хаббам̣, атилобхо хи па̄пако;

хам̣сара̄джам̣ гахетва̄на, суван̣н̣а̄ париха̄йатха̄ти.

суван̣н̣ахам̣саджа̄такам̣ чхат̣т̣хам̣.

137. йаттхеко лабхате баббу, дутийо таттха джа̄йати;

татийо ча чатуттхо ча, идам̣ те баббука̄ биланти.

баббуджа̄такам̣ саттамам̣.

138. ким̣ те джат̣а̄хи думмедха, ким̣ те аджинаса̄т̣ийа̄;

аббхантарам̣ те гаханам̣, ба̄хирам̣ паримаджджасӣти.

годхаджа̄такам̣ ат̣т̣хамам̣.

139. аккхӣ бхинна̄ пат̣о нат̣т̣хо, сакхигехе ча бхан̣д̣анам̣;

убхато падут̣т̣ха̄ камманта̄ [падут̣т̣хакамманто (сӣ.), падут̣т̣хо камманто (пӣ.)], удакамхи тхаламхи ча̄ти.

убхатобхат̣т̣хаджа̄такам̣ навамам̣.

140. ниччам̣ уббиггахадайа̄, саббалокавихесака̄;

тасма̄ несам̣ васа̄ наттхи, ка̄ка̄намха̄ка [ка̄ка̄насма̄ка (сӣ. сйа̄. пӣ.)] н̃а̄тинанти.

ка̄каджа̄такам̣ дасамам̣.

асампада̄навагго чуддасамо.

тассудда̄нам̣ –

итарӣтара раккхаси кхемийо ча, паросатапан̃хена а̄бхассаро пуна;

атха хам̣саваруттамабаббуджат̣ам̣, пат̣анат̣т̣хака ка̄каварена даса̄ти.