1. пат̣хамавагго

1. лобхасуттам̣

1. вуттан̃хетам̣ бхагавата̄, вуттамарахата̄ти ме сутам̣ –

‘‘екадхаммам̣, бхиккхаве, паджахатха; ахам̣ во па̄т̣ибхого ана̄га̄мита̄йа. катамам̣ екадхаммам̣? лобхам̣, бхиккхаве, екадхаммам̣ паджахатха; ахам̣ во па̄т̣ибхого ана̄га̄мита̄йа̄’’ти. етаматтхам̣ бхагава̄ авоча. таттхетам̣ ити вуччати –

‘‘йена лобхена луддха̄се, сатта̄ гаччханти дуггатим̣;

там̣ лобхам̣ саммадан̃н̃а̄йа, паджаханти випассино;

паха̄йа на пуна̄йанти, имам̣ локам̣ куда̄чана’’нти.

айампи аттхо вутто бхагавата̄, ити ме сутанти. пат̣хамам̣.

2. досасуттам̣

2. вуттан̃хетам̣ бхагавата̄, вуттамарахата̄ти ме сутам̣ –

‘‘екадхаммам̣, бхиккхаве, паджахатха; ахам̣ во па̄т̣ибхого ана̄га̄мита̄йа. катамам̣ екадхаммам̣? досам̣, бхиккхаве, екадхаммам̣ паджахатха; ахам̣ во па̄т̣ибхого ана̄га̄мита̄йа̄’’ти. етаматтхам̣ бхагава̄ авоча. таттхетам̣ ити вуччати –

‘‘йена досена дут̣т̣ха̄се, сатта̄ гаччханти дуггатим̣;

там̣ досам̣ саммадан̃н̃а̄йа, паджаханти випассино;

паха̄йа на пуна̄йанти, имам̣ локам̣ куда̄чана’’нти.

айампи аттхо вутто бхагавата̄, ити ме сутанти. дутийам̣.

3. мохасуттам̣

3. вуттан̃хетам̣ бхагавата̄, вуттамарахата̄ти ме сутам̣ –

‘‘екадхаммам̣, бхиккхаве, паджахатха; ахам̣ во па̄т̣ибхого ана̄га̄мита̄йа. катамам̣ екадхаммам̣? мохам̣, бхиккхаве, екадхаммам̣ паджахатха; ахам̣ во па̄т̣ибхого ана̄га̄мита̄йа̄’’ти. етаматтхам̣ бхагава̄ авоча. таттхетам̣ ити вуччати –

‘‘йена мохена мӯл̣ха̄се, сатта̄ гаччханти дуггатим̣;

там̣ мохам̣ саммадан̃н̃а̄йа, паджаханти випассино;

паха̄йа на пуна̄йанти, имам̣ локам̣ куда̄чана’’нти.

айампи аттхо вутто бхагавата̄, ити ме сутанти. татийам̣.

4. кодхасуттам̣

4. вуттан̃хетам̣ бхагавата̄, вуттамарахата̄ти ме сутам̣ –

‘‘екадхаммам̣, бхиккхаве, паджахатха; ахам̣ во па̄т̣ибхого ана̄га̄мита̄йа. катамам̣ екадхаммам̣? кодхам̣, бхиккхаве, екадхаммам̣ паджахатха; ахам̣ во па̄т̣ибхого ана̄га̄мита̄йа̄’’ти. етаматтхам̣ бхагава̄ авоча. таттхетам̣ ити вуччати –

‘‘йена кодхена куддха̄се, сатта̄ гаччханти дуггатим̣;

там̣ кодхам̣ саммадан̃н̃а̄йа, паджаханти випассино;

паха̄йа на пуна̄йанти, имам̣ локам̣ куда̄чана’’нти.

айампи аттхо вутто бхагавата̄, ити ме сутанти. чатуттхам̣.

5. маккхасуттам̣

5. вуттан̃хетам̣ бхагавата̄, вуттамарахата̄ти ме сутам̣ –

‘‘екадхаммам̣, бхиккхаве, паджахатха; ахам̣ во па̄т̣ибхого ана̄га̄мита̄йа. катамам̣ екадхаммам̣? маккхам̣, бхиккхаве, екадхаммам̣ паджахатха; ахам̣ во па̄т̣ибхого ана̄га̄мита̄йа̄’’ти. етаматтхам̣ бхагава̄ авоча. таттхетам̣ ити вуччати –

‘‘йена маккхена маккха̄се [маккхита̄се (сйа̄.)], сатта̄ гаччханти дуггатим̣;

там̣ маккхам̣ саммадан̃н̃а̄йа, паджаханти випассино;

паха̄йа на пуна̄йанти, имам̣ локам̣ куда̄чана’’нти.

айампи аттхо вутто бхагавата̄, ити ме сутанти. пан̃чамам̣.

6. ма̄насуттам̣

6. вуттан̃хетам̣ бхагавата̄, вуттамарахата̄ти ме сутам̣ –

‘‘екадхаммам̣, бхиккхаве, паджахатха; ахам̣ во па̄т̣ибхого ана̄га̄мита̄йа. катамам̣ екадхаммам̣? ма̄нам̣, бхиккхаве, екадхаммам̣ паджахатха; ахам̣ во па̄т̣ибхого ана̄га̄мита̄йа̄’’ти. етаматтхам̣ бхагава̄ авоча. таттхетам̣ ити вуччати –

‘‘йена ма̄нена матта̄се, сатта̄ гаччханти дуггатим̣;

там̣ ма̄нам̣ саммадан̃н̃а̄йа, паджаханти випассино;

паха̄йа на пуна̄йанти, имам̣ локам̣ куда̄чана’’нти.

айампи аттхо вутто бхагавата̄, ити ме сутанти. чхат̣т̣хам̣.

7. саббапарин̃н̃а̄суттам̣

7. вуттан̃хетам̣ бхагавата̄, вуттамарахата̄ти ме сутам̣ –

‘‘саббам̣, бхиккхаве, анабхиджа̄нам̣ апариджа̄нам̣ таттха читтам̣ авира̄джайам̣ аппаджахам̣ абхаббо дуккхаккхайа̄йа. саббан̃ча кхо, бхиккхаве, абхиджа̄нам̣ париджа̄нам̣ таттха читтам̣ вира̄джайам̣ паджахам̣ бхаббо дуккхаккхайа̄йа̄’’ти. етаматтхам̣ бхагава̄ авоча. таттхетам̣ ити вуччати –

‘‘йо саббам̣ саббато н̃атва̄, саббаттхесу на раджджати;

са ве саббапарин̃н̃а̄ [саббам̣ парин̃н̃а̄ (сйа̄. пӣ.)] со, саббадуккхамупаччага̄’’ти [саббам̣ дуккхам̣ упаччага̄ти (сйа̄.), саббадуккхам̣ упаччага̄ти (пӣ. ат̣т̣ха.)].

айампи аттхо вутто бхагавата̄, ити ме сутанти. саттамам̣.

8. ма̄напарин̃н̃а̄суттам̣

8. вуттан̃хетам̣ бхагавата̄, вуттамарахата̄ти ме сутам̣ –

‘‘ма̄нам̣, бхиккхаве, анабхиджа̄нам̣ апариджа̄нам̣ таттха читтам̣ авира̄джайам̣ аппаджахам̣ абхаббо дуккхаккхайа̄йа. ма̄нан̃ча кхо, бхиккхаве, абхиджа̄нам̣ париджа̄нам̣ таттха читтам̣ вира̄джайам̣ паджахам̣ бхаббо дуккхаккхайа̄йа̄’’ти. етаматтхам̣ бхагава̄ авоча. таттхетам̣ ити вуччати –

‘‘ма̄нупета̄ айам̣ паджа̄, ма̄нагантха̄ бхаве рата̄;

ма̄нам̣ апариджа̄нанта̄, а̄ганта̄ро пунаббхавам̣.

‘‘йе ча ма̄нам̣ пахантва̄на, вимутта̄ ма̄насан̇кхайе;

те ма̄нагантха̄бхибхуно, саббадуккхамупаччагу’’нти [саббадуккхам̣ упаччагунти (пӣ.), саббам̣ дуккхам̣ упаччагунти (ат̣т̣хакатха̄)].

айампи аттхо вутто бхагавата̄, ити ме сутанти. ат̣т̣хамам̣.

9. лобхапарин̃н̃а̄суттам̣

9. вуттан̃хетам̣ бхагавата̄, вуттамарахата̄ти ме сутам̣ –

‘‘лобхам̣, бхиккхаве, анабхиджа̄нам̣ апариджа̄нам̣ таттха читтам̣ авира̄джайам̣ аппаджахам̣ абхаббо дуккхаккхайа̄йа. лобхан̃ча кхо, бхиккхаве, абхиджа̄нам̣ париджа̄нам̣ таттха читтам̣ вира̄джайам̣ паджахам̣ бхаббо дуккхаккхайа̄йа̄’’ти. етаматтхам̣ бхагава̄ авоча. таттхетам̣ ити вуччати –

‘‘йена лобхена луддха̄се, сатта̄ гаччханти дуггатим̣;

там̣ лобхам̣ саммадан̃н̃а̄йа, паджаханти випассино;

паха̄йа на пуна̄йанти, имам̣ локам̣ куда̄чана’’нти.

айампи аттхо вутто бхагавата̄, ити ме сутанти. навамам̣.

10. досапарин̃н̃а̄суттам̣

10. вуттан̃хетам̣ бхагавата̄, вуттамарахата̄ти ме сутам̣ –

‘‘досам̣, бхиккхаве, анабхиджа̄нам̣ апариджа̄нам̣ таттха читтам̣ авира̄джайам̣ аппаджахам̣ абхаббо дуккхаккхайа̄йа. досан̃ча кхо, бхиккхаве, абхиджа̄нам̣ париджа̄нам̣ таттха читтам̣ вира̄джайам̣ паджахам̣ бхаббо дуккхаккхайа̄йа̄’’ти. етаматтхам̣ бхагава̄ авоча. таттхетам̣ ити вуччати –

‘‘йена досена дут̣т̣ха̄се, сатта̄ гаччханти дуггатим̣;

там̣ досам̣ саммадан̃н̃а̄йа, паджаханти випассино;

паха̄йа на пуна̄йанти, имам̣ локам̣ куда̄чана’’нти.

айампи аттхо вутто бхагавата̄, ити ме сутанти. дасамам̣.

пат̣хамо вагго нит̣т̣хито.

тассудда̄нам̣ –

ра̄гадоса̄ атха мохо, кодхамаккха̄ ма̄нам̣ саббам̣;

ма̄нато ра̄гадоса̄ пуна две, пака̄сита̄ ваггама̄ху пат̣хаманти.