7. сӯчида̄йакаттхераапада̄нам̣

30. ‘‘тим̣сакаппасахассамхи, самбуддхо локана̄йако;

сумедхо на̄ма на̄мена, ба̄ттим̣саваралаккхан̣о.

31. ‘‘тасса кан̃чанаван̣н̣асса, двипадиндасса та̄дино;

пан̃ча сӯчӣ майа̄ динна̄, сиббанаттха̄йа чӣварам̣.

32. ‘‘тенева сӯчида̄нена, нипун̣аттхавипассакам̣;

тиккхам̣ лахун̃ча пха̄сун̃ча, н̃а̄н̣ам̣ ме удападжджатха.

33. ‘‘килеса̄ джха̄пита̄ майхам̣, бхава̄ саббе самӯхата̄;

дха̄реми антимам̣ дехам̣, самма̄самбуддхаса̄сане.

34. ‘‘двипада̄дхипатӣ на̄ма, ра̄джа̄но чатуро ахум̣;

саттаратанасампанна̄, чаккаваттӣ махаббала̄.

35. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ сӯчида̄йако тхеро има̄ га̄тха̄йо абха̄ситтха̄ти.

сӯчида̄йакаттхерасса̄пада̄нам̣ саттамам̣.