1. сакачинтанийаттхераапада̄нам̣

1. ‘‘паванам̣ ка̄нанам̣ дисва̄, аппасаддаманна̄вилам̣;

исӣнам̣ анучин̣н̣ам̣ва, а̄хутӣнам̣ пат̣иггахам̣.

2. ‘‘тхӯпам̣ катва̄на пулинам̣ [вел̣уна̄ (ат̣т̣ха.), вел̣инам̣ (сйа̄.)], на̄на̄пуппхам̣ самокирим̣;

саммукха̄ вийа самбуддхам̣, ниммитам̣ абхивандахам̣.

3. ‘‘саттаратанасампанно, ра̄джа̄ рат̣т̣хамхи иссаро;

сакакамма̄бхираддхохам̣, пуппхапӯджа̄йидам̣ [тхӯпапӯджа̄йидам̣ (сӣ.)] пхалам̣.

4. ‘‘еканавутито каппе, йам̣ пуппхамабхиропайим̣;

дуггатим̣ на̄бхиджа̄на̄ми, пуппхапӯджа̄йидам̣ [тхӯпапӯджа̄йидам̣ (сӣ.)] пхалам̣.

5. ‘‘асӣтикаппенантайасо, чаккаваттӣ ахосахам̣;

саттаратанасампанно, чатудӣпамхи иссаро.

6. ‘‘пат̣исамбхида̄ чатассо, вимоккха̄пи ча ат̣т̣химе;

чхал̣абхин̃н̃а̄ саччхиката̄, катам̣ буддхасса са̄санам̣’’.

иттхам̣ судам̣ а̄йасма̄ сакачинтанийо тхеро има̄ га̄тха̄йо абха̄ситтха̄ти.

сакачинтанийаттхерасса̄пада̄нам̣ пат̣хамам̣.