2. екапаттада̄йакаттхераапада̄нам̣

39. ‘‘нагаре хам̣саватийа̄, кумбхака̄ро ахосахам̣;

аддасам̣ вираджам̣ буддхам̣, огхатин̣н̣амана̄савам̣.

40. ‘‘сукатам̣ маттика̄паттам̣, буддхасет̣т̣хассада̄сахам̣;

паттам̣ датва̄ бхагавато, уджубхӯтасса та̄дино.

41. ‘‘бхаве ниббаттама̄нохам̣, сон̣н̣атха̄ле лабха̄махам̣;

рӯпимайе ча сован̣н̣е, тат̣т̣ике ча ман̣ӣмайе.

42. ‘‘па̄тийо парибхун̃джа̄ми, пун̃н̃акаммассидам̣ пхалам̣;

йаса̄нан̃ча дхана̄нан̃ча [йасаса̄ва джана̄нан̃ча (сйа̄.)], аггабхӯто [паттабхӯто (сӣ. пӣ.)] ча хомахам̣.

43. ‘‘йатха̄пи бхаддаке кхетте, бӣджам̣ аппампи ропитам̣;

самма̄дха̄рам̣ паваччханте, пхалам̣ тосети кассакам̣.

44. ‘‘татхевидам̣ паттада̄нам̣, буддхакхеттамхи ропитам̣;

пӣтидха̄ре павассанте, пхалам̣ мам̣ тосайиссати.

45. ‘‘йа̄вата̄ кхетта̄ виджджанти, сан̇гха̄пи ча ган̣а̄пи ча;

буддхакхеттасамо наттхи, сукхадо саббапа̄н̣инам̣.

46. ‘‘намо те пуриса̄джан̃н̃а, намо те пурисуттама;

екапаттам̣ дадитва̄на, паттомхи ачалам̣ падам̣.

47. ‘‘еканавутито каппе, йам̣ паттамададим̣ тада̄;

дуггатим̣ на̄бхиджа̄на̄ми, паттада̄нассидам̣ пхалам̣.

48. ‘‘килеса̄ джха̄пита̄ майхам̣…пе… вихара̄ми ана̄саво.

49. ‘‘сва̄гатам̣ вата ме а̄си…пе… катам̣ буддхасса са̄санам̣.

50. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ екапаттада̄йако тхеро има̄ га̄тха̄йо

абха̄ситтха̄ти.

екапаттада̄йакаттхерасса̄пада̄нам̣ дутийам̣.