3. тӣн̣уппалама̄лийаттхераапада̄нам̣

13. ‘‘чандабха̄га̄надӣтӣре, ахосим̣ ва̄наро тада̄;

аддасам̣ вираджам̣ буддхам̣, нисиннам̣ паббатантаре.

14. ‘‘обха̄сентам̣ диса̄ сабба̄, са̄лара̄джам̣ва пхуллитам̣;

лаккхан̣абйан̃джанӯпетам̣, дисва̄наттамано ахам̣.

15. ‘‘удаггачитто сумано, пӣтийа̄ хат̣т̣хама̄насо;

тӣн̣и уппалапуппха̄ни, маттхаке абхиропайим̣.

16. ‘‘пӯджайитва̄на пуппха̄ни, пхуссасса̄хам̣ махесино;

сага̄раво бхавитва̄на, пакка̄мим̣ уттара̄мукхо.

17. ‘‘гаччханто пат̣икут̣ико, виппасаннена четаса̄;

селантаре патитва̄на, па̄пун̣им̣ джӣвитаккхайам̣.

18. ‘‘тена каммена сукатена, четана̄пан̣идхӣхи ча;

джахитва̄ пуримам̣ джа̄тим̣, та̄ватим̣самагаччхахам̣.

19. ‘‘сата̄нам̣ тӣн̣иккхаттун̃ча, девараджджамака̄райим̣;

сата̄нам̣ пан̃чаккхаттун̃ча, чаккаваттӣ ахосахам̣.

20. ‘‘двенавуте ито каппе, йам̣ пуппхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

21. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ тӣн̣уппалама̄лийо тхеро има̄ га̄тха̄йо абха̄ситтха̄ти.

тӣн̣уппалама̄лийаттхерасса̄пада̄нам̣ татийам̣.