7. десакиттакаттхераапада̄нам̣

31. ‘‘упаса̄лакана̄мохам̣, ахосим̣ бра̄хман̣о тада̄;

ка̄нанам̣ ванамога̄л̣хам̣, локаджет̣т̣хам̣ нара̄сабхам̣.

32. ‘‘дисва̄на вандим̣ па̄десу, лока̄хутипат̣иггахам̣;

пасанначиттам̣ мам̣ н̃атва̄, буддхо антарадха̄йатха.

33. ‘‘ка̄нана̄ абхиниккхамма, буддхасет̣т̣хамануссарим̣;

там̣ десам̣ киттайитва̄на, каппам̣ саггамхи модахам̣.

34. ‘‘двенавуте ито каппе, йам̣ десамабхикиттайим̣;

дуггатим̣ на̄бхиджа̄на̄ми, киттана̄йа идам̣ пхалам̣.

35. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ десакиттако тхеро има̄ га̄тха̄йо абха̄ситтха̄ти.

десакиттакаттхерасса̄пада̄нам̣ саттамам̣.