5. госӣсаниккхепакаттхераапада̄нам̣

21. ‘‘а̄ра̄мадва̄ра̄ никкхамма, госӣсам̣ сантхатам̣ майа̄;

анубхоми сакам̣ каммам̣, пуббакаммассидам̣ пхалам̣.

22. ‘‘а̄джа̄нийа̄ ва̄таджава̄, синдхава̄ сӣгхава̄хана̄;

анубхоми саббаметам̣, госӣсасса идам̣ пхалам̣.

23. ‘‘ахо ка̄рам̣ парамака̄рам̣, сукхатте сукатам̣ майа̄;

сан̇гхе катасса ка̄расса, на ан̃н̃ам̣ каламаггхати.

24. ‘‘чатуннавутито каппе, йам̣ сӣсам̣ сантхарим̣ ахам̣;

дуггатим̣ на̄бхиджа̄на̄ми, сантхарасса идам̣ пхалам̣.

25. ‘‘пан̃часаттатикаппамхи, суппатит̣т̣хитана̄мако;

еко а̄сим̣ маха̄теджо, чаккаваттӣ махаббало.

26. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ госӣсаниккхепако тхеро има̄ га̄тха̄йо абха̄ситтха̄ти.

госӣсаниккхепакаттхерасса̄пада̄нам̣ пан̃чамам̣.