8. сатта̄хапаббаджитаттхераапада̄нам̣

33. ‘‘випассисса бхагавато, сан̇гхо саккатама̄нито;

бйасанам̣ ме ануппаттам̣, н̃а̄тибхедо пуре аху.

34. ‘‘паббаджджам̣ упагантва̄на, бйасанупасама̄йахам̣;

сатта̄ха̄бхирато таттха, саттхуса̄санакамйата̄.

35. ‘‘еканавутито каппе, йамахам̣ паббаджим̣ тада̄;

дуггатим̣ на̄бхиджа̄на̄ми, паббаджджа̄йа идам̣ пхалам̣.

36. ‘‘саттасат̣т̣химхито каппе, сатта а̄сум̣ махӣпатӣ;

суниккхама̄ти н̃а̄йанти, чаккаваттӣ махаббала̄.

37. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ сатта̄хапаббаджито тхеро има̄ га̄тха̄йо абха̄ситтха̄ти.

сатта̄хапаббаджитаттхерасса̄пада̄нам̣ ат̣т̣хамам̣.