6. упат̣т̣ха̄када̄йакаттхераапада̄нам̣

24. ‘‘ратхийам̣ пат̣ипаджджантам̣, а̄хутӣнам̣ пат̣иггахам̣;

двипадиндам̣ маха̄на̄гам̣, локаджет̣т̣хам̣ нара̄сабхам̣.

25. ‘‘паккоса̄пийа тасса̄хам̣, саббалокахитесино;

упат̣т̣ха̄ко майа̄ динно, сиддхаттхасса махесино.

26. ‘‘пат̣иггахетва̄ [пат̣иггахеси (ка.)] самбуддхо, ниййа̄деси маха̄муни [маха̄иси (ка.)];

ут̣т̣ха̄йа а̄сана̄ тамха̄, пакка̄ми па̄чина̄мукхо.

27. ‘‘чатуннавутито каппе, упат̣т̣ха̄камадам̣ тада̄;

дуггатим̣ на̄бхиджа̄на̄ми, упат̣т̣ха̄нассидам̣ пхалам̣.

28. ‘‘саттапан̃н̃а̄сито каппе, баласенасана̄мако;

саттаратанасампанно, чаккаваттӣ махаббало.

29. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ упат̣т̣ха̄када̄йако тхеро има̄ га̄тха̄йо абха̄ситтха̄ти.

упат̣т̣ха̄када̄йакаттхерасса̄пада̄нам̣ чхат̣т̣хам̣.