4. тичампакапуппхийаттхераапада̄нам̣

13. ‘‘химавантасса̄видӯре, викато [викано (сӣ. сйа̄.)] на̄ма паббато;

тасса вемаджджхе васати, саман̣о бха̄витиндрийо.

14. ‘‘дисва̄на тассопасамам̣, виппасаннена четаса̄;

тӣн̣и чампакапуппха̄ни, гахетва̄на самокирим̣.

15. ‘‘еканавутито каппе, йам̣ пуппхамабхипӯджайим̣;

дуггатим̣ на̄бхиджа̄на̄ми, буддхапӯджа̄йидам̣ пхалам̣.

16. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ тичампакапуппхийо тхеро има̄ га̄тха̄йо абха̄ситтха̄ти.

тичампакапуппхийаттхерасса̄пада̄нам̣ чатуттхам̣.