1. тхомакаттхераапада̄нам̣

1. ‘‘девалоке т̣хито санто, випассисса махесино;

дхаммам̣ сун̣итва̄ мудито, имам̣ ва̄чам̣ абха̄сахам̣.

2. ‘‘‘намо те пуриса̄джан̃н̃а, намо те пурисуттама;

бахуджджанам̣ [бахум̣ джанам̣ (сӣ.)] та̄райаси, десенто аматам̣ падам̣’.

3. ‘‘еканавутито каппе, йам̣ ва̄чамабхан̣им̣ тада̄;

дуггатим̣ на̄бхиджа̄на̄ми, тхомана̄йа идам̣ пхалам̣.

4. ‘‘пат̣исамбхида̄ чатассо, вимоккха̄пи ча ат̣т̣химе;

чхал̣абхин̃н̃а̄ саччхиката̄, катам̣ буддхасса са̄санам̣’’.

иттхам̣ судам̣ а̄йасма̄ тхомако тхеро има̄ га̄тха̄йо абха̄ситтха̄ти.

тхомакаттхерасса̄пада̄нам̣ пат̣хамам̣.