7. упасенаван̇гантапуттаттхераапада̄нам̣

86. ‘‘падумуттарам̣ бхагавантам̣, локаджет̣т̣хам̣ нара̄сабхам̣;

паббха̄рамхи нисӣдантам̣, упагаччхим̣ наруттамам̣.

87. ‘‘кан̣ика̄рапуппхам̣ [кан̣ика̄рам̣ пуппхитам̣ (сӣ. сйа̄.)] дисва̄, ван̣т̣е чхетва̄нахам̣ тада̄;

алан̇каритва̄ чхаттамхи, буддхасса абхиропайим̣.

88. ‘‘пин̣д̣апа̄тан̃ча па̄да̄сим̣, параманнам̣ субходжанам̣;

буддхена наваме таттха, саман̣е ат̣т̣ха бходжайим̣.

89. ‘‘анумоди маха̄вӣро, сайамбхӯ аггапуггало;

имина̄ чхаттада̄нена, параманнапавеччхана̄.

90. ‘‘тена читтаппаса̄дена, сампаттиманубхоссаси;

чхаттим̣саккхаттум̣ девиндо, девараджджам̣ кариссати.

91. ‘‘екавӣсатиккхаттун̃ча, чаккаваттӣ бхависсати;

падесараджджам̣ випулам̣, ган̣ана̄то асан̇кхийам̣.

92. ‘‘сатасахассито каппе, окка̄какуласамбхаво;

готамо на̄ма готтена, саттха̄ локе бхависсати [йам̣ ваданти сумедхоти, бхӯрипан̃н̃ам̣ сумедхасам̣; каппето сатасахассе, еса буддхо бхависсати; (ка.)].

93. ‘‘са̄сане диббама̄намхи, мануссаттам̣ гамиссати;

тасса дхаммесу да̄йа̄до, орасо дхамманиммито.

94. ‘‘упасеноти на̄мена, хессати саттху са̄вако;

[идам̣ па̄дадвайам̣ тхерага̄тха̄ат̣т̣хакатха̄йамева диссати] самантапа̄са̄дикатта̄, аггат̣т̣ха̄не т̣хапессати

[идам̣ па̄дадвайам̣ тхерага̄тха̄ат̣т̣хакатха̄йамева диссати].

95. ‘‘чаримам̣ ваттате майхам̣, бхава̄ саббе самӯхата̄;

дха̄реми антимам̣ дехам̣, джетва̄ ма̄рам̣ сава̄ханам̣ [сава̄хиним̣ (?)].

96. ‘‘пат̣исамбхида̄ чатассо, вимоккха̄пи ча ат̣т̣химе;

чхал̣абхин̃н̃а̄ саччхиката̄, катам̣ буддхасса са̄санам̣’’.

иттхам̣ судам̣ а̄йасма̄ упасено ван̇гантапутто тхеро има̄ га̄тха̄йо абха̄ситтха̄ти.

упасенаван̇гантапуттаттхерасса̄пада̄нам̣ саттамам̣.

татийабха̄н̣ава̄рам̣.