8. н̃а̄н̣асан̃н̃икаттхераапада̄нам̣

84. ‘‘паббате химавантамхи, васа̄ми паббатантаре;

пулинам̣ собханам̣ дисва̄, буддхасет̣т̣хам̣ ануссарим̣.

85. ‘‘н̃а̄н̣е упанидха̄ наттхи, сан̇кха̄рам̣ [сан̇га̄мам̣ (сӣ. сйа̄.), сан̇кха̄там̣ (тхерага̄тха̄ ат̣т̣ха.)] наттхи саттхуно;

саббадхаммам̣ абхин̃н̃а̄йа, н̃а̄н̣ена адхимуччати.

86. ‘‘намо те пуриса̄джан̃н̃а, намо те пурисуттама;

н̃а̄н̣ена те само наттхи, йа̄вата̄ н̃а̄н̣амуттамам̣.

87. ‘‘н̃а̄н̣е читтам̣ паса̄детва̄, каппам̣ саггамхи модахам̣;

авасесесу каппесу, кусалам̣ чаритам̣ [каритам̣ (сӣ. сйа̄.), кирийам̣ (ка.)] майа̄.

88. ‘‘еканавутито каппе, йам̣ сан̃н̃амалабхим̣ тада̄;

дуггатим̣ на̄бхиджа̄на̄ми, н̃а̄н̣асан̃н̃а̄йидам̣ пхалам̣.

89. ‘‘ито саттатикаппамхи [тесаттатикаппе (сӣ. сйа̄.)], еко пулинапуппхийо;

саттаратанасампанно, чаккаваттӣ махаббало.

90. ‘‘пат̣исамбхида̄ чатассо…пе… катам̣ буддхасса са̄санам̣’’.

иттхам̣ судам̣ а̄йасма̄ н̃а̄н̣асан̃н̃ико тхеро има̄ га̄тха̄йо абха̄ситтха̄ти.

н̃а̄н̣асан̃н̃икаттхерасса̄пада̄нам̣ ат̣т̣хамам̣.