2. дутийапа̄т̣идесанӣйасиккха̄падаван̣н̣ана̄

558. дутийе – апасакка та̄ва бхагинӣтиа̄ди апаса̄детабба̄ка̄радассанам̣.

561. аттано бхаттам̣ да̄пети на детӣти еттха сачепи аттано бхаттам̣ дети, имина̄ сиккха̄падена ана̄паттийева, пуримасиккха̄падена а̄патти. ан̃н̃есам̣ бхаттам̣ дети на да̄петӣти еттха сачепи да̄пеййа, имина̄ сиккха̄падена а̄патти бхавеййа. дентийа̄ пана нева имина̄ на пуримена а̄патти. сесаметтха утта̄намева. катхинасамут̣т̣ха̄нам̣ – кирийа̄кирийам̣, носан̃н̃а̄вимоккхам̣, ачиттакам̣, пан̣н̣аттиваджджам̣, ка̄йакаммам̣, вачӣкаммам̣, тичиттам̣, тиведананти.

дутийапа̄т̣идесанӣйам̣.