3. сӣлат̣т̣хитивагго

1-2. сӣласутта̄диван̣н̣ана̄

387-388. татийаваггасса пат̣хаме сӣла̄нӣти чатупа̄рисуддхисӣла̄ни. дутийе умман̇готи пан̃хамагго пан̃хагавесанам̣.

3-5. париха̄насутта̄диван̣н̣ана̄

389-391. татийе париха̄нам̣ хотӣти пуггалавасена париха̄нам̣ хоти. йо хи буддхесу дхарантесупи чатта̄ро сатипат̣т̣ха̄не на бха̄вети, тасса саддхаммо антарахито на̄ма хоти девадатта̄дӣнам̣ вийа. ити имасмим̣ сутте тасса пуггалассева дхаммантарадха̄нам̣ катхитам̣. чатуттхапан̃чамесу саббам̣ утта̄намева.

6. падесасуттаван̣н̣ана̄

392. чхат̣т̣хе падесам̣ бха̄витатта̄ти падесато бха̄витатта̄. чатта̄ро хи магге тӣн̣и ча пхала̄ни ниббаттентена сатипат̣т̣ха̄на̄ падесам̣ бха̄вита̄ на̄ма хонти.

7. саматтасуттаван̣н̣ана̄

393. саттаме саматтам̣ бха̄витатта̄ти саматта̄ бха̄витатта̄. арахаттапхалам̣ уппа̄дентена хи сатипат̣т̣ха̄на̄ саматтам̣ бха̄вита̄ на̄ма хонти.

8-10. локасутта̄диван̣н̣ана̄

394-396. ат̣т̣хаме маха̄бхин̃н̃атанти чханнам̣ абхин̃н̃а̄нам̣ васена вуттам̣. сахассам̣ локам̣ абхиджа̄на̄мӣти сататавиха̄равасенева вуттам̣. тхеро кира па̄това ут̣т̣ха̄йа мукхам̣ дховитва̄ сена̄сане нисинно атӣте каппасахассам̣, ана̄гате каппасахассам̣ ануссарати, паччуппаннепи сахассам̣ чаккава̄л̣а̄нам̣ тасса̄ваджджанасса гатим̣ анубандхати. ити со диббена чаккхуна̄ сахассам̣ локам̣ абхиджа̄на̄ти, айамасса сататавиха̄ро. сесам̣ саббаттха утта̄наттхамева̄ти.

сӣлат̣т̣хитивагго татийо.