9. анимиттапан̃ха̄суттаван̣н̣ана̄

340. анимиттам̣ четосама̄дхинти ниччанимитта̄дӣни паха̄йа паваттам̣ випассана̄сама̄дхим̣йева сандха̄йетам̣ вуттанти. нимитта̄нуса̄ри вин̃н̃а̄н̣ам̣ хотӣти евам̣ имина̄ випассана̄сама̄дхивиха̄рена вихарато випассана̄н̃а̄н̣е тиккхе сӯре вахама̄не. йатха̄ на̄ма пурисасса тикхин̣ена пхарасуна̄ руккхам̣ чхиндантасса ‘‘сут̣т̣ху вата ме пхарасу вахатӣ’’ти кхан̣е кхан̣е пхарасудха̄рам̣ олокентасса чхеджджакиччам̣ на ниппхаджджати, евам̣ тхерасса̄пи ‘‘сӯрам̣ вата ме хутва̄ н̃а̄н̣ам̣ вахатӣ’’ти випассанам̣ а̄раббха никанти уппаджджати. атха випассана̄киччам̣ са̄дхетум̣ на̄саккхи. там̣ сандха̄йа вуттам̣ ‘‘нимитта̄нуса̄ри вин̃н̃а̄н̣ам̣ хотӣ’’ти. саббанимитта̄нам̣ аманасика̄ра̄ анимиттам̣ четосама̄дхим̣ упасампаджджа виха̄синти саббесам̣ ниччасукхааттанимитта̄нам̣ аманасика̄рена анимиттам̣ вут̣т̣ха̄нага̄минивипассана̄сампайуттам̣ четосама̄дхим̣ нибба̄на̄рамман̣ам̣ упаримаггапхаласама̄дхим̣ упасампаджджа виха̄сим̣.