1. нибба̄напан̃ха̄суттаван̣н̣ана̄

314. джамбукха̄дакасам̣йутте джамбукха̄дако парибба̄джакоти евам̣на̄мо тхерасса бха̄гинеййо чханнапарибба̄джако. йо кхо а̄вусо ра̄гаккхайоти нибба̄нам̣ а̄гамма ра̄го кхӣйати, тасма̄ нибба̄нам̣ ра̄гаккхайоти вуччати. досамохаккхайесупи есева найо.

йо пана имина̄ва суттена килесаккхайаматтам̣ нибба̄нанти вадеййа, со ваттаббо ‘‘касса килеса̄нам̣ кхайо, ким̣ аттано, уда̄ху пареса’’нти? аддха̄ ‘‘аттано’’ти ваккхати. тато пуччхитаббо ‘‘готрабхун̃а̄н̣асса ким̣ а̄рамман̣а’’нти? джа̄нама̄но ‘‘нибба̄на’’нти ваккхати. ким̣ пана готрабхун̃а̄н̣аккхан̣е килеса̄ кхӣн̣а̄ кхӣйанти кхӣйиссантӣти? ‘‘кхӣн̣а̄’’ти ва̄ ‘‘кхӣйантӣ’’ти ва̄ на ваттабба̄, ‘‘кхӣйиссантӣ’’ти пана ваттабба̄ти. ким̣ пана тесу акхӣн̣есуйева килесесу готрабхун̃а̄н̣ам̣ килесаккхайам̣ а̄рамман̣ам̣ каротӣти? аддха̄ евам̣ вутте нируттаро бхависсати.

магган̃а̄н̣ена̄пи четам̣ йоджетаббам̣. маггаккхан̣епи хи килеса̄ ‘‘кхӣн̣а̄’’ти ва̄ ‘‘кхӣйиссантӣ’’ти ва̄ на ваттабба̄, ‘‘кхӣйантӣ’’ти пана ваттабба̄, на ча акхӣн̣есуйева килесесу килесаккхайо а̄рамман̣ам̣ хоти, тасма̄ сампат̣иччхитаббаметам̣. йам̣ а̄гамма ра̄га̄дайо кхӣйанти, там̣ нибба̄нам̣. там̣ панетам̣ ‘‘рӯпино дхамма̄ арӯпино дхамма̄’’тиа̄дӣсу (дха. са. дукама̄тика̄ 11) дукесу арӯпино дхамма̄ти сан̇гахитатта̄ на килесаккхайаматтамева̄ти.