3. балавагго

1. виса̄радасуттаван̣н̣ана̄

304. дасаме рӯпабалантиа̄дӣсу рӯпасампатти рӯпабалам̣, бхогасампатти бхогабалам̣, н̃а̄тисампатти н̃а̄тибалам̣, путтасампатти путтабалам̣, сӣласампатти сӣлабалам̣. пан̃часӣладасасӣла̄ни акхан̣д̣а̄ни катва̄ раккхантасса хи сӣласампаттийева сӣлабалам̣ на̄ма хоти. има̄ни кхо бхиккхаве пан̃ча бала̄нӣти има̄ни пан̃ча упаттхамбханат̣т̣хена бала̄ни на̄ма вуччанти.

2-10. пасайхасутта̄диван̣н̣ана̄

305-313. пасайха̄ти абхибхавитва̄. абхибхуййа ваттатӣти абхибхавати аджджхоттхарати. нева рӯпабалам̣ та̄йатӣти нева рӯпабалам̣ та̄йитум̣ раккхитум̣ саккоти. на̄сентева нам̣, куле на ва̄сентӣти ‘‘дуссӣла̄ сам̣бхинна̄ча̄ра̄ атиккантамарийа̄да̄’’ти гӣва̄йам̣ гахетва̄ нӣхаранти, на тасмим̣ куле ва̄сенти. ва̄сентева нам̣ куле, на на̄сентӣти ‘‘ким̣ рӯпена бхога̄дӣхи ва̄, парисуддхасӣла̄ еса̄ а̄ча̄расампанна̄’’ти н̃атва̄ н̃а̄така̄ тасмим̣ куле ва̄сентийева, на на̄сенти. сесам̣ саббаттха утта̄наттхамева̄ти.

ма̄туга̄масам̣йуттаван̣н̣ана̄ нит̣т̣хита̄.